મિત્રોનું માર્ગદર્શન કરતા જૂથો

મિત્રોનું માર્ગદર્શન કરતા જૂથને આગેવાની આપવાનો સરળ નમૂનો:

ભૂતકાળ તરફ જુઓ [તમારા સમયનો 1/3 ભાગ]

આ પ્રથમ ત્રીજા ભાગ દરમ્યાન – પ્રાર્થનામાં સમય ગાળો અને જેમ તમે મૂળભૂત 3/3 જૂથમાં કરો છો તેમ કાળજી લો. પછી જૂથના દર્શનને જોવામાં અને આગળના સમર્પણમાં વિશ્વાસુપણાને જોવામાં સમય ગાળો :

તમે ખ્રિસ્તમાં કેટલા સારી રીતે રહો છો? [એટલે કે વચનો, પ્રાર્થના, વિશ્વાસ, આજ્ઞાપાલન અને મહત્વના સંબંધોમાં]?

શું તમારા જૂથે પાછલા સેશન મુજબ કાર્ય માટેની યોજના પૂરી કરી? તેની સમીક્ષા કરો.

ઈશ્વર તરફ જુઓ [તમારા સમયનો 1/3 ભાગ]

જૂથમાં નીચેના સરળ પ્રશ્નોની ચર્ચા કરો:

1. ચાર પ્રકારની જમીનની આકૃતિના દરેક ભાગ મુજબ તમે કેવી રીતે કાર્ય કરી રહ્યા છો?
2. શું સારી રીતે થઇ રહ્યું છે? તમારા સૌથી મોટા પડકારો કયા છે?
3. તમારા હાલના પેઢીઓ માટેના નક્શાની સમીક્ષા કરો.
4. કઇ બાબતે તમને પડકાર આપ્યો છે અથવા કઇ બાબત સમજવી તમને કઠિન લાગી?
5. ઈશ્વર તાજેતરમાં તમને શું બતાવી રહ્યા છે?
6. પરિપક્વ આગેવાનો કે બીજા સહભાગીઓ વિશે બીજા કોઇ પ્રશ્નો છે?

આગળ જુઓ [તમારા સમયનો 1/3 ભાગ]

જૂથમાંના દરેકની સાથે શાંત પ્રાર્થનામાં સમય ગાળો અને પવિત્ર આત્મા આ પ્રશ્નોના ઉત્તરો કેવી રીતે આપવા તે વિશે તમને દોરવણી આપે તે માટે પ્રાર્થના કરો:

1. ફરીવાર આપણે એકઠા મળીએ તે પહેલાં ઈશ્વર કાર્યો માટેની કઇ યોજનાઓ કે ધ્યેયોનો મહાવરો કરાવવા માગે છે? [તમારા કાર્ય પર ધ્યાન આપવા માટે ચાર પ્રકારની જમીનના સાધનનો ઉપયોગ કરો]
2. મારા માર્ગદર્શક કે જૂથના બીજા સભ્યો મને આ કાર્યમાં કેવી રીતે મદદરૂપ થઇ શકશે?

અંતે જૂથમાં ઈશ્વરને પ્રાર્થના કરો.

જૂથના દરેક સભ્ય માટે પ્રાર્થના થાય ત્યાં સુધી જૂથ પ્રાર્થના કરે અને જૂથના સભ્યો અલગ-અલગ રીતે જે બીજા લોકો સુધી પહોંચશે તે લોકોના હ્રદયોને પ્રભુ તૈયાર કરે તે માટે પ્રભુને વિનંતી કરો.

પ્રભુ જૂથના દરેક સભ્યને આ સેશનમાં ઈશ્વરે તેમને જે શીખવ્યું છે તેને લાગુ કરવા અને આજ્ઞાપાલન કરવાની હિંમત અને બળ આપે તે માટે પ્રાર્થના કરો. જો પરિપક્વ આગેવાને કોઇ જુવાન આગેવાન માટે ખાસ પ્રાર્થના કરવાની જરૂર છે, તો તેને માટે આ યોગ્ય સમય છે.

આ જૂથો ઘણીવાર દૂર રહીને એકઠા મળે છે, તેથી પ્રભુભોજન કે સમૂહભોજન કરવાનો ભાગ્યે જ સમય મળશે, પરંતુ તેમના સ્વાસ્થ્ય, કુટુંબ કે મિત્રોના ખબર-અંતર પૂછવાનો સમય કાઢો.