ପ୍ରଭୁଭୋଜ ଏବଂ ଏହାର ପରିଚାଳନା

ଯୀଶୁ କହିଲେ - "ମୁଁ ସ୍ୱର୍ଗରୁ ଅବତୀର୍ଣ୍ଣ ସେହି ଜୀବନ୍ତ ଆହାର ; କେହି ଯଦି ଏହି ଆହାର ଭୋଜନ କରେ, ସେ ଅନନ୍ତ କାଳ ପର୍ଯ୍ୟନ୍ତ ଜୀବିତ ରହିବ; ହଁ, ମୁଁ ଯେଉଁ ଆହାର ଦେବି, ତାହା ମୋହର ମାଂସ, ମୁଁ ତାହା ଜଗତର ଜୀବନ ନିମନ୍ତେ ଦେବି ।" ପବିତ୍ର ଯୋଗାଯୋଗ ବା "ପ୍ରଭୁଭୋଜ" ହେଉଛି ଆମର ଘନିଷ୍ଟ ସମ୍ପର୍କ ଏବଂ ଯୀଶୁଙ୍କ ସହିତ ଚାଲୁ ରହିଥିବା ସମ୍ପର୍କକୁ ପାଳନ କରିବା ନିମନ୍ତେ ଗୋଟିଏ ଧାରା । ଏହାର ପରିଚାଳନା ପାଇଁ ଏଠାରେ ଗୋଟିଏ ସରଳ ଉପାୟ ଅଛି !

ଆପଣମାନେ ଯେତେବେଳେ ଯୀଶୁଙ୍କ ଅନୁଗାମୀ ଭାବେ ଏକତ୍ର ହୁଅନ୍ତି, ଶାନ୍ତ ଭାବେ ଧ୍ୟାନ କରି ସମୟ ବିତାନ୍ତୁ । ଚୁପ୍‌ଚାପ୍ ନିଜ ପାପ ସ୍ୱୀକାର କରନ୍ତୁ । ଆପଣ ଯେତେବେଳେ ପ୍ରସ୍ତୁତ ହୁଅନ୍ତି, କେହି ଜଣେ ଧର୍ମଶାସ୍ତ୍ରରୁ ଏହି ପଦକୁ ପଢ଼ନ୍ତୁ - "କାରଣ ମୁଁ ପ୍ରଭୁଙ୍କଠାରୁ ପ୍ରାପ୍ତ ଯେଉଁ ଶିକ୍ଷା ତୁମ୍ଭମାନଙ୍କୁ ପ୍ରଦାନ କରିଅଛି, ତାହା ଏହି, ଶତୃ ହସ୍ତରେ ସମର୍ପିତ ହେବା ରାତ୍ରିରେ ପ୍ରଭୁ ଯୀଶୁ ରୋଟି ଘେନି ତାହା ଭାଙ୍ଗି କହିଲେ, ଏହା ତୁମ୍ଭମାନଙ୍କ ନିମନ୍ତେ ମୋହର ଶରୀର; ମୋତେ ସ୍ମରଣ କରିବା ନିମନ୍ତେ ଏହା କର ।" ୧ମ କରିନ୍ଥୀୟ ୧୧:୨୩-୨୪

ଆପଣ ଅଲଗା କରିଥିବା ରୋଟୀ ସମସ୍ତଙ୍କୁ ବିତରଣ କରନ୍ତୁ, ଏବଂ ଭୋଜନ କରନ୍ତୁ ।

ପଢ଼ିବା ଜାରି ରଖନ୍ତୁ -- "ସେହିପରି ଭୋଜନ ଉତ୍ତାରେ ପାନ ପାତ୍ର ମଧ୍ୟ ଘେନି କହିଲେ, ଏହି ପାନ ପାତ୍ର ମୋହର ରକ୍ତରେ ସ୍ଥାପିତ ନୂତନ ନିୟମ; ତୁମ୍ଭେମାନେ ଯେତେଥର ଏଥିରୁ ପାନ କର, ମୋତେ ସ୍ମରଣ କରିବା ନିମନ୍ତେ ଏହା କର ।" ୧ମ କରିନ୍ଥୀୟ ୧୧:୨୫

ଆପଣ ଅଲଗା କରିଥିବା ଦ୍ରାକ୍ଷାରସ ସମସ୍ତଙ୍କୁ ବିତରଣ କରନ୍ତୁ, ଏବଂ ପାନ କରନ୍ତୁ ।

ପଢ଼ିବା ବନ୍ଦ କରନ୍ତୁ : "କାରଣ ଯେତେଥର ତୁମ୍ଭେମାନେ ଏହି ରୋଟୀ ଭୋଜନ କର ଓ ଏହି ପାନ ପାତ୍ରରୁ ପାନ କର, ସେତେଥର ତୁମ୍ଭେମାନେ ପ୍ରଭୁଙ୍କ ଆଗମନ ପର୍ଯ୍ୟନ୍ତ, ତାହାଙ୍କ ମୃତ୍ୟୁ ପ୍ରଚାର କରୁଅଛ ।" ୧ମ କରିନ୍ଥୀୟ ୧୧:୨୬

ପ୍ରାର୍ଥନା ଏବଂ ଗୀତଗାନ କରି ଆନନ୍ଦ କରନ୍ତୁ । ଆପଣ ପ୍ରଭୁଭୋଜର ସହଭାଗୀ ହୋଇଛନ୍ତି । ଆପଣ ତାହାଙ୍କର, ସେ ଆପଣଙ୍କର ଅଟନ୍ତି ।