ദൈവം സാധാരണക്കാരെ ഉപയോഗിക്കുന്നു
സഭ എങ്ങനെ ആരംഭിച്ചുവെന്ന് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ? തുടക്കത്തിൽ സഭയുടെ വളർച്ചയ്ക്കായി നിയോഗിക്കപ്പെട്ടവരിൽ ആരും തന്നെ പ്രൊഫഷണൽ ആയിരുന്നില്ല. ആശ്ചര്യം തോന്നുന്നുവോ? നല്ലത്. അതാണ് യാഥാർത്ഥ്യം. പ്രൊഫഷണലുകളെ ആവശ്യമില്ലാത്ത ഒരു പദ്ധതി ദൈവത്തിന് ഉണ്ടായിരുന്നു. ദൈവം സാധാരണക്കാരെ ഉപയോഗിക്കുന്നു. സഭയുടെ തുടക്കത്തിനാണ് അദ്ദേഹം അത് ചെയ്തത്. ഇന്നും അവൻ അത് ചെയ്യുന്നു.
ആദ്യത്തെ സഭ മറ്റുള്ളവരോട് യേശുവിനെ കുറിച്ച് പറയാൻ ലോകമെമ്പാടും സാധാരണക്കാരെ അയച്ചു. ഗവർണർമാർക്കും ജനറൽമാർക്കുംഭരണാധികാരികൾക്കും രാജാക്കന്മാർക്കും മുന്നിൽ നിൽക്കാൻ സാധാരണക്കാരെ അയച്ചു. രോഗികളെ സുഖപ്പെടുത്താനും, വിശക്കുന്നവർക്ക്ഭക്ഷണം നൽകാനും, മരിച്ചവരെ ഉയിർപ്പിക്കാനും, ലോകത്തിലെ എല്ലാവരെയും ദൈവത്തിന്റെ എല്ലാ കൽപ്പനകളും പഠിപ്പിക്കാനും സഭ അയച്ചത് സാധാരണക്കാരെയാണ്.
ലോകത്തെ മാറ്റാൻ ആദ്യത്തെ സഭ സാധാരണക്കാരെ അയച്ചു. അവർക്കതിന് കഴിഞ്ഞു.
ഈ വീഡിയോ കാണുക
യേശു പറഞ്ഞത് പ്രാവർത്തികമാക്കുകയാണ് നമ്മുടെ സ്വപ്നം! ദൈവരാജ്യത്തിൽ വലിയ സ്വാധീനം ചെലുത്താൻ ലോകമെമ്പാടുമുള്ള സാധാരണക്കാരെ ഉപയോഗിക്കുക
തന്റെ അനുഗാമികൾക്കുള്ള യേശുവിന്റെ അവസാന നിർദ്ദേശങ്ങൾ ലളിതമായിരുന്നു. അവൻ പറഞ്ഞു - സ്വർഗ്ഗത്തിലും ഭൂമിയിലും എല്ലാ അധികാരവും എനിക്ക് നൽകപ്പെട്ടിരിക്കുന്നു. അതിനാൽ, പോയി എല്ലാ ജനതകളെയും ശിഷ്യരാക്കുക, അവരെ പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ സ്നാനം കഴിപ്പിക്കുക, ഞാൻ കൽപിച്ചതെല്ലാം അനുസരിക്കാൻ അവരെ പഠിപ്പിക്കുക, ഞാൻ എപ്പോഴും നിങ്ങളോടുകൂടെ ഉണ്ടായിരിക്കും - യുഗാന്ത്യം വരെ.
യേശുവിന്റെ കൽപ്പന ലളിതമായിരുന്നു - ശിഷ്യരാക്കുക.
അത് എങ്ങനെ ചെയ്യണമെന്നതിനുള്ള അദ്ദേഹത്തിന്റെ നിർദ്ദേശങ്ങൾ ലളിതമായിരുന്നു: (1) നിങ്ങൾ എവിടെ പോയാലും ശിഷ്യരെ ഉണ്ടാക്കുക; (2) പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ അവരെ സ്നാനപ്പെടുത്തി ശിഷ്യ രാക്കുക; (3) അവൻ കല്പിച്ചതെല്ലാം അനുസരിക്കാൻ പഠിപ്പിച്ചുകൊണ്ട് ശിഷ്യരെ ചേർക്കുക.
അപ്പോൾ ഒരു ശിഷ്യനെ ഉണ്ടാക്കുന്നതിനുള്ള നടപടികൾ എന്തൊക്കെയാണ്? (1) നമ്മൾ എല്ലായ്പ്പോഴും ശിഷ്യരെ ചേർക്കുന്നു - നമ്മൾ എവിടെ പോയാലും പോകുമ്പോഴും. (2) ആരെങ്കിലും യേശുവിനെ അനുഗമിക്കാൻ തീരുമാനിക്കുമ്പോൾ - അവർ സ്നാനം ഏൽക്കണം. (3) അവർ വളരുമ്പോൾ - യേശു കൽപ്പിച്ചതെല്ലാം എങ്ങനെ അനുസരിക്കണമെന്ന് ഓരോ ശിഷ്യനെയും നാം പഠിപ്പിക്കണം. അവൻ കല്പിച്ച കാര്യങ്ങളിൽ ഒന്ന് ശിഷ്യരെ ചേർക്കുക എന്നതിനാൽ, യേശുവിനെ അനുഗമിക്കുന്ന ഓരോ ശിഷ്യനും ശിഷ്യരെ ചേർക്കാൻ പഠിക്കേണ്ടതുണ്ട് എന്നാണ്.
നിങ്ങളോടു തന്നെ ചോദിക്കുക
- തന്റെ അനുഗാമികളിൽ ഓരോരുത്തരും തന്റെ മഹത്തായ നിയോഗം അനുസരിക്കാൻ യേശു ഉദ്ദേശിച്ചിരുന്നുവെന്നാണല്ലോ നമ്മൾ പറഞ്ഞത്. എങ്കിൽ, എന്തു കൊണ്ടാണ് വളരെ കുറച്ചുപേർ യഥാർത്ഥത്തിൽ ശിഷ്യരെ ചേർക്കുന്നത്?
- ദൈവം സാധാരണക്കാരെ ഉപയോഗിക്കുന്നു എന്ന ആശയം നിങ്ങൾ പഠിച്ചതോ ഊഹിച്ചതോ ആയ പദ്ധതിയിൽ നിന്ന് വ്യത്യസ്തമാണോ?
നിങ്ങളെ കാണാനില്ല. ഉടൻ രജിസ്റ്റർ ചെയ്യുക!
- നിങ്ങളുടെ പരിശീലന പുരോഗതി ട്രാക്ക് ചെയ്യുക
- ഗ്രൂപ്പിലേക്കു കയറാനുള്ള പ്ലാനിങ് ഉപാധികൾ (tools)
- ഒരു കോച്ചുമായി ബന്ധപ്പെടുക
- ആഗോള ദർശനത്തോട് നിങ്ങളുടെ യത്നം കൂട്ടിച്ചേർക്കുക!
ശിഷ്യരാക്കുന്നതിന്റെയും ലളിതമായ സഭകള് സ്ഥാപിക്കുന്നതിന്റെയും പെരുകുന്നതിന്റെയും പ്രക്രിയകളുടെയും പ്രയോഗങ്ങളുടെയും അടിത്തറയില്, പങ്കെടുക്കുന്നവരെ ഒരുക്കുന്നതിനുള്ള ഒരു ഓണ്ലൈന് വേദിയാണു Zume ഉപയോഗിക്കുന്നത്.
വിശാല Zume ദർശനത്തിന്റെ ഭാഗമായി Zume പരീശീലനം സൗജന്യമായാണു നൽകുന്നത്.