د ستر برکت ليد شريکول

کله چې څوک د عيسىٰ پيروي غوره کړي، نو تاسو هغوى څنګه د سمې لارې پر مخ راوړئ؟ د تر ټولو لوى برکت ليد له شريکولو سره پيل وکړئ. دا ورسره شريک کولے شئ:

«د عيسىٰ پيروي کول يو برکت دے. نور خلک د عيسىٰ پيروي ته راوستل لوى برکت دے. نوې روحاني کورنۍ پيلول لا لوى برکت دے. تر ټولو لوى برکت دا دے چې نور تيار کړئ تر څو نوې روحاني کورنۍ پيل کړي.»

د ستر برکت شريکولو بېلګه

دا ښه لار ده چې څومره ژر چې څوک د عيسىٰ پيروي غوره کړي، هغه روزنه پيل کړئ تر څو د دې اصولو د تطبيق لپاره د سمې لارې پر مخ روان شي.

لومړی، د هغوى د اړيکې معلومات واخلئ، بيا ورته ووائئ: «د خُدائے پيروي کول يو برکت دے. نور د خُدائے پيروي ته راوستل لوى برکت دے. نوې روحاني کورنۍ پيلول لا لوى برکت دے. تر ټولو لوى برکت دا دے چې نور تيار کړئ تر څو نوې روحاني کورنۍ پيل کړي. زه غواړم چې تاسو د لوى، لا لوى، او تر ټولو لوى برکت پيل وکړئ.

د هغو ۱۰۰ کسانو لېست جوړ کړئ چې تاسو يې پېژنئ او له هغه نه پنځه وټاکئ (چې خُدائے نه پېژني) چې اوس يې ورسره شريکول غواړئ.» بيا کله چې د هغوى لېست چمتو شي، هغوى ته زده کړئ چې خپله ګواهى او انجيل شريک کړي.

پنځه ځله مشق وکړئ — يو ځل د هغو پنځو کسانو هر يو د پاره. بيا د هغو کسانو رول پلې کړئ پداسې حال کې چې هغوى مشق کوي.

بيا د ليدنې نېټه وټاکئ، معمولاً دوه ورځې وروسته. په هغه وخت کښې هغوى تاسو ته ووائي چې انجيل شريکول څنګه تېر شول. که رانشي، نو تاسو د هغوى د اړيکې معلومات لرئ. دوه ورځې وروسته بيا ورسره وګورئ. که هغوى نه دي شريک کړي، نو نوې خبرې مه کوئ. وړاندیز وکړئ چې ورسره يې شريک کړئ. نور مشق ورسره وکړئ. هر څه وکړئ تر څو د نورو سره شريکول پيل کړي. خو تاسو ښايي شک وکړئ چې دا کس «ښه خاوره» نه دے، او که داسې وي نو ښايي په هغه باندې ډېره پانګه نه لګوئ. که شريک کړي خو څوک ايمان نه وي راوړی، خوشحاله اوسئ! د بپتسمه په باره کښې خبرې پيل کړئ او يوه د شاګرد جوړولو وسيله ورسره شریکه کړئ.

له د هغوى د ۱۰۰ کسانو لېست نه نور هم وټاکئ چې ورسره شريک کړي او لازم مشق وکړئ. که شريک کړي او ځينې ايمان راوړی خو د تر ټولو لوى برکت په باره نه وي ويلی، نو خوشحاله اوسئ، بيا کتنه وکړئ، او هغوى بېرته هغو خلکو ته واستوئ تر څو بهير دوام ومومي. که شريک کړي او ځينې ايمان راوړی او د تر ټولو لوى برکت هم ورته وويل، نو ډېر خوشحاله اوسئ!

انګار چې هغوى «ښه خاوره» دي او په هغه باندې د روحاني ودې لپاره پانګه ولګوئ. د بپتسمه په باره کښې خبرې پيل کړئ او د ۳/۳ ډلې بڼه ورسره شریکه کړئ او نمونه ورکړئ تر څو هغوى د هغو خلکو سره چې خُدائے ته يې راوړي ډله پيل کړي.