د بالغېدونکو شاګردانو د پاره د ټرينِګ عمل (چکر)

د روزنې چکر د شاګردانو د بالغولو د پاره په څلورو جلا قدمونو استعمالېږي.

قدمونه دا دي: نمونه (MODEL)، مرسته (ASSIST)، کتل (WATCH) او پرېښودل (LEAVE).

د روزنې چکر شاګرد د يو مهارت يا انضباط د نوي والي نه داسې وده ورکوي چې هغه ته په هغه مهارت کښې نور کوچنګ ته اړتيا نه وي. ډېر شاګردان او شاګرد جوړوونکي د روزنې چکر په لومړيو قدمونو کښې بند پاتې کېږي (نمونه، مرسته)، په درېيم قدم کښې کافي وخت نه تېروي (کتل)، او تقريباً هيڅکله د څلورم قدم په څېر نه خوشي کېږي (پرېښودل).

د روزنې چکر دا څنګه کار کوي:

د روزنې چکر څه دے؟ داسې فکر وکړئ. آيا تاسو کله سائيکل چلول زده کړي دي؟ آيا تاسو بل چا سره مرسته کړې ده چې زده کړي؟ که هو، نو ښايي تاسو د روزنې چکر په تجربه پېژنئ.

نمونه (MODEL)

نمونه ورکول يوازې د يو عمل يا وسيلې بېلګه ورکول دي. دا د روزنې چکر تر ټولو لنډه برخه ده. معمولاً يو ځل کافي وي. دا يوازې دا پوهه رامنځته کوي چې يو عمل يا وسيله شته او عمومي انځور ورکوي. بيا بيا نمونه ورکول مؤثره روزنه نه ده. هغوى ته پکار دي چې پخپله مهارت وازمويي. کله چې ماشوم چا ته سائيکل چلول ويني، دا د نمونې پړاو دے.

مرسته (ASSIST)

مرسته دا ده چې زده کوونکي ته د مهارت د مشق موقع ورکړئ. دا د نمونې پړاو نه اوږد وي. د لارښود له خوا «لاس نيول» ته اړتيا لري. لارښود بايد لارښوونه وکړي او فعال رول ولري. دا پړاو تر هغه نه دوام کوي چې زده کوونکے پوره ماهر شي، بلکې تر هغه چې بنيادي پوهه ومومي. که دا پړاو ډېر اوږد شي، نو زده کوونکے په لارښود پورې تړلے شي او پوره وړتيا ته نه رسېږي. د مرستې پړاو پای بايد په دې نښه شي چې زده کوونکے نورو ته نمونه ورکول پيل کړي. کله چې مور او پلار سائيکل نيسي لکه څنګه چې ماشوم توازن زده کوي، دا د مرستې پړاو دے.

کتل (WATCH)

کتل تر ټولو اوږد پړاو دے. دا د زده کوونکي سره زيات غير مستقيم تماس لري. دا د مهارت په ټولو اړخونو کښې پوره وړتيا رامنځته کوي. دا د لومړيو دوو پړاوونو د مجموعې نه لس چنده يا زيات اوږد کېدے شي. لکه څنګه چې زده کوونکے وده کوي، د لارښود سره تماس لږ منظم کېدے شي. په دې پړاو کښې زده کوونکے په تدریج سره د مهارت په ترسره کولو کښې زياته ذمه واري اخلي. په شاګرد جوړولو کښې معمولاً د دې پړاو پای هغه وخت وي چې زده کوونکي مهارت په بریالیتوب سره څلورم نسل ته رسولے وي. کله چې مور او پلار ماشوم ته سائيکل چلول ګوري او ډاډه کېږي چې هغه بې له څارنې چلولے شي، دا د کتلو پړاو دے.

پرېښودل (LEAVE)

پرېښودل يو ډول فراغت دے کله چې زده کوونکے د لارښود همځولې شي. که زده کوونکے او لارښود په يوې شبکې کښې وي، نو کله ناکله تماس او همځوله لارښوونه دوام موندلے شي. کله چې مور او پلار ماشوم ته پوره بې له څارنې سائيکل چلول پرېږدي، دا د پرېښودلو پړاو دے.

د شاګرد جوړولو د کوچنګ چک لېست هم وګورئ د روزنې چکر د شاګرد د پرمختګ د تعقیب د بېلګې په توګه.