د نسب نامى نقشه

د نسلونو نقشه جوړول (يا جنريشنل ميپينګ / جن ميپ) بله ساده وسيله ده چې د خوځښت مشرانو سره مرسته کوي چې د شاوخوا وده وپوهېږي. دا ښائي چې کومې کليساوې ميوه ورکوي، نو دوامداره پانګونه او پاملرنه يې وړ دي. د نسلونو د ونې نقشه په يوه پاڼه يا څو پاڼو کښې رسمېدے شي. دا نقشه ښائي چېرته ضربېدل بند شوي دي او روزنې ته اړتيا کېدے شي. د خوځښت روغتيا د مشرانو لومړے اندېښنه ده او ميوه ورکول د روغتيا د پيماني غوره لار ده.

د ډلې عناصر

د ډلې د بلوغ په باره کښې کليدي معلومات په پنځو ساده برخو کښې ثبتېدے شي (د څلورو کروندو د نمونې په څېر رسم شوې):

• د مشر نوم
• په ډله کښې د لټوونکو شمېر
• په ډله کښې د بپتسمه شوو ايماندارانو شمېر
• د احتساب په اړيکو کښې شمېر
• د کليسا په توګه کار کوي (هو/نه)
• څومره کسانو بله ډله پيل کړې ده

هره کليسا د مشر په نوم، ځای، او د جوړېدلو په نېټه نښه کېږي. هره کليسا د څلورو کروندو د چارټ د پنځو اړخونو سره تړلي معلومات هم لري. پورتنے کيڼ ربع ښائي چې په ډله کښې څومره غير مسيحيان دي. (ښايي ټوله د لټوونکو نه جوړه وي او لا کليسا نه وي.) پورتنے ښے ربع ښائي چې په ډله کښې څومره (بپتسمه شوي) ايمانداران دي. لاندے ښے ربع ښائي چې څومره برخه اخيستونکي د احتساب په ډلو کښې دي. لاندے کيڼ ربع ښائي چې آيا ډله د کليسا په توګه کار کوي که نه. منځنۍ برخه ښائي چې د ډلې څومره برخه اخيستونکو د راتلونکي نسل کليساوې پيلولو کښې مرسته کړې ده. د نسلونو د نقشې دا معلومات په څو کچو کښې ګټور دي. يو دا چې د دې معلوماتو موندلو بهير ډاډ ورکوي چې په هره کچه سم لارښوونه او کوچنګ کېږي. دوهم، دا د انفرادي روحاني کورنيو او پراخو شبکو د قوتونو او کمزوريو نښې ورکوي. د قوتونو او کمزوريو نمونې ډېر ځله د داسې ارزونې سره ښکاري.

د نسلونو د ونې د نقشې بېلګه

په ياد ولرئ چې دا د نسلونو نقشه څلور نسلونه ښائي. په دې نقشه کښې لومړي نسل کښې يوه کليسا ده. څلور دوهم نسل کليساوې دي، نهه درېيم نسل کليساوې، او څلور څلورم نسل کليساوې.