مصرف کوونکی او توليد کوونکی طرزِ ژوند

که مونږ داسې شاګردان جوړوو چې ضرب کېږي، نو مونږ بايد هغوى د توليد کوونکو په توګه تيار کړو نه يوازې د مصرف کوونکو په توګه. په دې ماتې شوې دنيا کښې خلکو د خُدائے منصوبه رد کړې ده، او ډېر خلک خپله انرژي د خُدائے د مکمل حساب يوازې يوې برخې کښې لګوي. هغوى زده کوي خو شريک نه کوي. هغوى ډکېږي خو هيڅکله نه تويوي. هغوى مصرف کوي خو توليد نه کوي.

څلور لويې لارې دي چې خُدائے مونږ په روحاني توګه وده ورکوي. د دې وسايلو په دې ټولګه کښې به په دې څلورو لارو وړاندې کېږي:

۱. کلام

هر شاګرد ته پکار دي چې کلام زده کړي، تعبير کړي او تطبيق کړي. د زرګونو کلونو په اوږدو کښې او د بېلابېلو ليکوالانو په ذريعه، خُدائے خپل کلام د وفادارو سړو زړونو ته وويل چې هغوى يې وليکلو او شريک کړو. کلام مونږ ته د خُدائے کيسه، د هغه منصوبې، زړه او لارې ښائي. که شاګرد لوستونکے نه وي، نو هغه ته پکار دي چې په شفاهي طريقه تيار شي، ښايي د بائبل د آډيو نسخې په اورېدلو پيل وکړي. په دې برخه کښې درې وسايل يو بل بشپړوي تر څو شاګردان د بائبل د تعبير او تطبيق په مهارتونو کښې تيار کړي. که تر اوسه نه دي کتلي، نو وګورئ!

۲. دعا

دعا د خُدائے سره زمونږ د اړيکې د پاره ضروري ده. د دعا په ذريعه مونږ د هغه اورو او ورسره خبرې کوو. دعا مونږ ته موقع ورکوي چې هغه لا نزدې وپېژنو او د هغه زړه، مرضي او لارې درک کړو. دعا مونږ سره مرسته کوي چې نورو ته خدمت وکړو، تعليم ورکړو او ګواهي ورکړو. لاندې دوه وسايل شاګردانو سره مرسته کولے شي چې په شخصي دعا کښې وده وکړي او د نورو سره او د هغوى د پاره خدمت وکړي. هغوى مونږ سره مرسته کولے شي چې د دعا په حال کښې ژوند کولو عادت جوړ کړو او دنيا ته يوازې د ظاهري حالت پرځای د روحاني نظر نه وګورو. هغوى زمونږ د دعا ظرفيت هم زياتولے شي.

۳. د بدن ژوند

خُدائے خپل بدن داسې جوړ کړے دے چې مونږ يو بل ته اړتيا لرو. هر يو ځانګړي قوتونه او کمزورۍ لري. مونږ بايد يو بل ته تسليم شو او يو بل ته خدمت وکړو. د شاګرد ژوند يوازې د خُدائے سره اړيکه نه ده، بلکې د نورو سره اړيکې هم دي. شاګردي يوازې انفرادي نه ده بلکې ګډه هم ده. لاندې وسايل مونږ سره مرسته کوي چې يو بل ته د مينې او ښو کارونو حوصله ورکړو، په داسې چاپېريال کښې چې د اطاعت او شريکولو دوه ګونی احتساب وي.

۴. ظلم او تکليف

خُدائے ظلم او تکليف زمونږ د خير د پاره په ډېرو طريقو استعمالوي. هغه په دې زمونږ کردار پاکوي او خدائي صفتونه راکښي. هغه زمونږ ايمان مضبوط او پاکوي. هغه مونږ د نورو تکليفونو خدمت د پاره تياروي. هغه دا هم استعمالوي چې زمونږ د قربانۍ او خطر منلو په ذريعه خپل جلال ښکاره کړي. خُدائے وعده کوي چې که مونږ په دې دنيا کښې د هغه د پاره پوره ژوند غواړو، نو مونږ به ظلم ووينو. که شاګردانو ته دا وښودل شي چې د بادشاهۍ د پاره ظلم او تکليف تمه وکړي، نو هغوى به لږ حيران، ترخه، غصه، نااميده يا خفه شي. مونږ بايد شاګردان د نوي ژوند له پيله تيار کړو چې تکليف تمه وکړي او ښه ځواب ورکړي، په خُدائے باندې د وفادار خالق په توګه باور وکړي. د بادشاهۍ د پاره تکليف مونږ د مسيح سره د ابدی بادشاهۍ د پاره تياروي او پاکوي.