عشائے ربانی اور اُس کا طریقہ کار

یسوع نے کہا، “مَیں وہ زندہ روٹی ہوں جو آسمان سے اُتری۔ اگر کوئی اِس روٹی میں سے کھائے تو ہمیشہ زندہ رہے گا۔ اور جو روٹی مَیں دُنیا کی زندگی کے لئے دوں گا وہ میرا بدن ہے۔” عشائے ربانی — یا “خُداوند کی ضیافت” — یسوع کے ساتھ ہمارے قریبی تعلق اور اُس کے ساتھ جاری رفاقت کا جشن منانے کا ایک طریقہ ہے۔ یہ اُس کو منانے کا ایک سادہ طریقہ ہے۔

جب آپ یسوع کے پیروکاروں کے طور پر جمع ہوں تو خاموش غور و فکر میں وقت گزاریں، اپنے گناہوں کے بارے میں خاموشی سے سوچیں اور اُن کا اقرار کریں۔ جب آپ تیار ہو جائیں تو کسی سے کہیں کہ وہ یہ حوالہ پڑھے — “کیونکہ مَیں نے خُداوند سے وہ بات پائی جسے تم تک بھی پہنچایا، کہ خُداوند یسوع نے اُسی رات جس میں وہ پکڑوایا گیا، روٹی لی؛ اور شکر کر کے توڑی اور کہا: ‘یہ میرا بدن ہے جو تمہارے لئے ہے۔ میری یادگاری کے لئے یہی کیا کرو۔’” 1 کرنتھیوں 11:23-24

اپنے گروہ کے لئے رکھی گئی روٹی کو تقسیم کریں اور کھائیں۔

پھر آگے پڑھیں — “اِسی طرح اُس نے کھانے کے بعد پیالہ بھی لیا اور کہا: ‘یہ پیالہ میرے خون میں نیا عہد ہے۔ جب کبھی پیو، میری یادگاری کے لئے یہی کیا کرو۔’” 1 کرنتھیوں 11:25

اپنے گروہ کے لئے رکھے گئے رس یا مے کو تقسیم کریں اور پیئیں۔

آخر میں یہ پڑھیں — “کیونکہ جب کبھی تم یہ روٹی کھاتے اور یہ پیالہ پیتے ہو، تو خُداوند کی موت کا اِقرار کرتے ہو جب تک وہ نہ آئے۔” 1 کرنتھیوں 11:26

دُعا یا گیت کے ساتھ خوشی منائیں۔ آپ نے خُداوند کی ضیافت میں شریک ہو لیا ہے۔ آپ اُس کے ہیں اور وہ آپ کا ہے!