Meza ya Bwana na Jinsi ya Kuiongoza

Yesu alisema, “Mimi ndimi mkate ulio hai ulioshuka kutoka mbinguni. Alaye mkate huu ataishi milele. Mkate huu ni mwili wangu, ambao nitautoa kwa ajili ya uzima wa ulimwengu.” Meza ya Bwana ni njia ya kusherehekea uhusiano wetu wa karibu na uhusiano unaoendelea na Yesu. Hii hapa ni njia rahisi ya kusherehekea!

Mnapokusanyika kama wafuasi wa Yesu, tumieni muda katika kutafakari kwa utulivu, mkizingatia kimya kimya na kuungama dhambi zenu. Mkiwa tayari, mtu mmoja asome kifungu hiki kutoka katika Maandiko - “Kwa maana nalipokea kwa Bwana nalo ndilo nililowapa ninyi, ya kuwa Bwana Yesu usiku ule aliotiwa mikononi alitwaa mkate; naye akiisha kushukuru akaumega, akasema, ‘Huu ni mwili wangu ulio kwa ajili yenu; fanyeni hivi kwa ukumbusho wangu.’” 1 Wakorintho 11:23-24

Gawanyeni mkate mlioandaa kwa ajili ya kikundi chenu, mkale.

Endeleeni kusoma - “Vivyo hivyo baada ya kula akakitwaa kikombe, akisema, ‘Kikombe hiki ni agano jipya katika damu yangu; fanyeni hivi kila mnywapo, kwa ukumbusho wangu.’” 1 Wakorintho 11:25

Shirikianeni juisi au divai/mvinyo mliotenga kwa ajili ya kikundi chenu, mnywe.

Malizieni usomaji: “Kwa maana kila mwulapo mkate huu na kukinywea kikombe hiki, mwaitangaza mauti ya Bwana hata ajapo.” 1 Wakorintho 11:26

Sherehekeni kwa maombi au kwa kuimba. Mmeshirikiana katika Meza ya Bwana. Ninyi ni wake, naye ni wenu!