देवाच्या राज्याची अर्थव्यवस्था (द किंगडम इकॉनॉमी)

हा व्हिडिओ पहा

उतारा (ट्रान्सस्क्रिप्ट) पहा

राज्याच्या अर्थव्यवस्थेत, आपण जे देतो त्याचाच फायदा आपल्याला होतो. हा आध्यात्मिक श्वासाचा पाया आहे. जेव्हा आपण प्रभू आपल्याला जे काही सांगतो त्याचे आज्ञापालन करण्यास आणि ते इतरांना सांगण्यास विश्वासू असतो, तेव्हा तो आपल्याशी अधिक स्पष्टपणे आणि पूर्णपणे संवाद साधेल. हा सखोल अंतर्दृष्टी, देवाशी अधिक जवळीक आणि त्याने आपल्यासाठी योजलेले विपुल जीवन जगण्याचा मार्ग आहे. या मार्गाने आपण त्या चांगल्या कृत्यांमध्ये चालू शकतो जे देवाने आपल्यासाठी आधीच योजून ठेविलेले आहेत. याचा अर्थ ख्रिस्ताच्या शरीरात (चर्च) आपण एकमेकांसाठी सर्वात प्रेमळ गोष्ट जी करू शकतो ती म्हणजे दुहेरी जबाबदारीचा सराव करणे आहे. म्हणजेच, आपण जबाबदार आहोत त्या गोष्टींचे आज्ञापालन करण्यास आणि त्या पार पाडण्यास ज्या प्रभू आपल्याला प्रकट करितो, त्या पूर्ण करण्यास व त्या शिकविण्यास; त्यांचा सराव करण्यास व इतरांसोबत त्या सामायिक (शेअर) करण्यास. राज्याच्या अर्थव्यवस्थेनुसार जगणे हा शिष्य होण्याचा एक प्रमुख भाग आहे. एक आशीर्वाद म्हणून आपण आशीर्वादित (धन्य) झालो आहोत. आपण अनुयायी आणि पुढारी आहोत. आपण शिकणारे आणि शिक्षक आहोत. अशा प्रकारे आपण देवाच्या नेतृत्वाचे सर्वोत्तम कारभारीपण करू शकतो. आपण राज्यात प्रवेश करताच ही प्रक्रिया सुरू झाली पाहिजे. अशा प्रकारे सेवा करण्यास सुरुवात करण्यासाठी आपण “प्रौढ” होईपर्यंत प्रतीक्षा करू नये. त्याऐवजी, अशा प्रकारे सेवा करून आपण प्रौढ बनतो. आपण श्वास आत घेतो आणि देवाकडून ऐकतो. आपण श्वास बाहेर सोडतो आणि आपण जे ऐकले आहे त्याचे पालन करितो व ते इतरांसह सामायिक करितो.

स्व: तालाच विचारा

• देवाची आध्यात्मिक अर्थव्यवस्था आणि आपल्या पृथ्वीवरील गोष्टी पूर्ण करण्याच्या पद्धतीमध्ये तुम्हाला काही कोणते फरक दिसून येतात?