Zúme Training Guidebook

Зуме тренингине кош келиңиз. Зуме грек тилинде "ачыткыны" билдирет.

Ыйса бизге Кудайдын Падышалыгы бир аял чоң көлөмдөгү унга кошкон "ачыткыга" окшош экенин айткан.

Ал ачыткыны камырга кошуп, аралаштырганда ачыткы бүтүндөй камырга тарап аны толук ачыткан.

Ыйса катардагы эле адам кичинекей бир нерсени алып, аябай чоң нерсеге таасир эте аларын көрсөткүсү келген!

Биздин кыялыбыз Ыйса айткандай --дүйнө жүзүндөгү катардагы адамдарга кичинекей курал менен Кудай Падышалыгына чоң таасир тийгизүүгө жардам берүү.

Ыйса Өз жолдоочуларына берген акыркы көрсөтмөлөр жөнөкөй болгон. Ал: "Асмандагы жана жер үстүндөгү бардык бийлик Мага берилди. Баргыла да, бардык элдерди Мага шакирт кылгыла. Аларды Ата, Уул жана Ыйык Рухтун атынан сууга чөмүлдүргүлө, Силерге буйругандарымдын бардыгын аткарууну аларга үйрөткүлө. Бул дүйнөнүн акырына чейин, бардык убакта Мен силер менен болом" деген.

Ыйсанын буйругу жөнөкөй --Шакирт кылгыла

Аны аткаруу үчүн берген Анын көрсөтмөсү да жөнөкөй --Кайда барсаңар да, шакирт жасагыла

• Аларды Ата, Уул жана Ыйык Рухтун атынан сууга чөмүлдүрүп, шакирт кылгыла
• Аларды Ыйса үйрөткөндөрүн баарына баш ийүүгө үйрөтүп шакирт кылгыла

Анда шакирт жасоонун кандай кадамдары бар?

• Биз качан жана кайда барбайлы -дайыма шакирт жасайбыз.
• Кимдир бирөө Ыйсаны ээрчүүгө чечим кылганда -ал чөмүлдүрүлүшү керек
• Алар өскөн сайын биз аларды Ыйса үйрөткөндөрдүн баарына баш ийүүнү үйрөтүшүбүз керек.

Анын буйруктарынын бири шакирт жасоо буйругу болгондуктан, Ыйсаны ээрчиген ар бир шакирт кантип шакирт жасоо керектигин да үйрөнүшү керек.

Ал шакирттер - шакирт жасоочу шакирттер. Бул шакирттер да -шакирт жасоочу шакирттер.

Көбөйүүчү шакирттер. Зуме ушундайча иштейт.

Иш аракет кылып, камырды толук көптүрүп чыкканишти ачыткы өзү аткарат.

Ыйса барып шакирт жасагыла деген буйрукту берген учурда убада да берген.

Ыйса мындай деген: "Бул дүйнөнүн акырына чейин, бардык убакта мен силер менен болом".

Ыйсанын ар бир жолдоочусу Ыйсанын биз менен болом деген убадасына ишениши керек. Анткени Ал биз менен!

Ыйса мындай деген: Асмандагы жана жер үстүндөгү бардык бийлик мага берилди. Ошондуктан барып шакирт жасагыла.

Ыйса бизди жиберип жатканда Ал таянган кадырлуу бийлик -- Анын бийлиги.

Ыйса мындан жогору бийлик жок экенин айтат. Бир да салт мындай бийликке ээ эмес.

Бир да маданият андай бийликке ээ эмес. Дүйнөдө бир да мыйзамдын мындай бийлиги жок.

Ыйса - Баргыла да...шакирт кылгыла деген.

Биз да Зуме - ачыткы сыяктуу бардык ишти акырына чыгарганга чейин барууну жана өсүүнү улантабыз.

Зуме тренингине кош келиңиздер. Бул сабакта, шакирттер жана жыйын жөнүндө сүйлөшөбүз.

Шакирт деген эмне? Кантип шакирт жасаса болот?

Сиз кантип дүйнөгө байланып жашаган адамды алып, аны Кудайдын Падышалыгынын жараны кылып өзгөртүп үйрөтүп даярдап чыксаңыз болот?

Шакирт деген сөздүн мааниси жолдоочу дегенди билдирет. Демек шакирт деген Кудайдын жолдоочусу. Ыйса мындай деген: Асмандагы жана жер үстүндөгү бардык бийлик Мага берилди. Демек Кудайдын Падышалыгында, Ыйса - биздин Падыша. Биз Анын жарандарыбыз, Анын эркине баш ийебиз. Анын каалоосу, максаттары, ниеттери, приоритеттери, баалуулуктары эң жогору жана эң жакшы. Анын Сөзү - Мыйзам. Анда бул Падышалыктын мыйзамы кандай? Ыйса Өзүнүн жарандарына эмне кылуу керек дейт?

Ыйса мындай деген: Кудай-Теңириңди чын жүрөгүң менен, бүт жан-дилиң менен, бүт түшүнүгүң менен жана бардык күч-кубатың менен сүй!" Ыйса мындай деген: Өзүңдү кандай сүйсөң, жакыныңды да ошондой сүй. Ыйса айткан: Байыркы Келишимдеги Кудайдын осуяттары -- бүт мыйзам жана пайгамбарчылыктар -- ушул эки осуятка негизделген. --Кудайды жана адамдарды сүйгүлө. Ыйса: Шакирт жасагыла деген. Ыйса мындай деген: Силерге буйругандарымдын бардыгын аларга үйрөткүлө.

Шакирттерди жасоо аларга Ыйсанын осуяттарынын баарын үйрөтүүнү камтыгандыктан, Жаңы Келишимди "Шакирт жасагыла" деген бир сүйлөм менен корутундуласа болот.

Шакирт деген Кудайды сүйгөн, адамдарды сүйгөн жана шакирттерди жасаган Ыйсанын жолдоочусу.

Анда жыйын деген эмне?

Балким сиз жыйын сиз барып жүргөн жыйын имараты деген түшүнүккө көнүп калгансыз. Бирок Кудайдын Сөзү жыйын деген сиз тиешелүү болгон адамдардын тобу экенин айтат.

"Жыйын" деген сөз Ыйык Китепте үч башка мааниде колдонулат:

• Ааламдык жыйын -мурун, азыр жана келечекте Ыйсанын жолдоочусу болгон бардык адамдар
• Шаардык же аймактык жыйын -- дүйнөнүн кайсы бир аймагында же ошого жакын аймакта жашаган бардык адамдар.
• Үй жыйыны --Ыйсаны жолдогон жана алардын бири же экөөсү жашаган жерде чогулган жыйын.

Руханий үй-бүлө -Кудайды сүйгөн, шакирт жасаган, жашаган жеринде чогулуп турушкан Ыйсанын жолдоочуларынан турган акыркы айтылган жыйындын түрүн билдирген үй жыйыны же кичинекей жыйын.

Ушундай кичинекей жыйындардын тобу биригип чогуу чоңураак топту түзгөндө, алар шаардык же аймактактык жыйын болуп калышат.

Аймактардагы ушул кичинекей жыйындардын баары биригишип бүтүндөй тарыхтагы Ааламдык жыйынды түзүшөт.

БУЛ БАШ ТАМГАДАН БАШТАЛГАН "ЖЫЙЫН"

Кичинекей жыйындар - өз Падышасы Ыйса борборунда турган руханий үй-бүлөлөр. Кичинекей жыйындар - Кудайды сүйгөн, башкаларды сүйгөн жана көбөйгөн шакирттерди жасаган үй-бүлөлөр. Кээ бир жыйындардын имараттары, программалары бюджети,кызматкерлери бар. Бирок кичинекей жыйындар Кудайды сүйүү жана башкаларды сүйүү жана көбөйгөн шакирттерди жасоо үчүн буларга муктаж эмес. Ашыкча нерселердин баары жыйынды көбүрөөк татаалдаштырып, көбөйүүсүнө жолтоо болгондуктан, биздин тренинг Имараттар, Программалар Бюджет жана Кызматкерлер сыяктуу нерселерди көбөйүүчү кичинекей жыйындардан түзүлгөн шаардык же аймактык жыйындарга калтырат.

"Зуме" деген "ачыткыны", тез --көбөйүүчү бир клеткалуу организмди билдирерин унутпаңыз.

Зуме тренинги менен биз кичинекей жана көбөйүүчү ачыткыдай болууга умтулабыз.
Бирок көбөйүп баштоодон мурун - Кудай эмненин көбөйүшүн кааларын билерибизди тактап алалы. Анткени көбөйүү - жакшы нерсе, бирок кээде андай эмес. Рак оорусу да көбөйөт. Бирок ал өлтүрөт. Биз кантип өлүмдү эмес, өмүрдү көбөйтө алабыз? Көбөйгөнгө татыктуу шакирттер экенибизди кантип билебиз?

Зуме тренингине кош келиңиздер. Бул сабакта биз Кудайдын үнүн угуу жана укканыбызга баш ийүү тууралуу сүйлөшөбүз.

Дем алуу - бул өмүр. Биз дем алабыз. Биз дем чыгарабыз. Өмүр.

Кудайдын Падышалыгында да дем алуу ушундай эле маанилүү. Чынында Кудай Өзүнүн Рухун "дем" деп атайт.

Падышалыкта биз Кудайдын үнүн УККАНДА дем АЛАБЫЗ. Биз Кудайдын Сөзү Ыйык Китеп аркылуу Кудайды УККАНДА дем алабыз. Биз СЫЙЫНУУ - Кудай менен баарлашуу аркылуу Кудайды УККАНДА дем алабыз. Биз Кудайды Анын денеси - Жыйын, Ыйсанын жолдоочулары аркылуу УККАНДА дем алабыз. Биз Кудайды АНЫН ИШТЕРИ иш чаралар, тажрыйбалар, атүгүл кээде Ал өз балдарынын өтүүсүнө жол берген куугунтуктар жана кыйынчылыктар аркылуу УККАНДА дем алабыз.

Кудайдын Падышалыгында Кудайдан укканды АТКАРГАНДА, биз дем чыгарабыз. Биз баш ийгенде дем ЧЫГАРАБЫЗ.

БАШ ИЙГЕНДЕ дем чыгаруу дегендин мааниси ойлор, сөздөр же иш аракетибизди Ыйсага жана Анын эркине ылайыктуу кылып өзгөртүүнү билдирет.

Кээде БАШ ИЙҮҮ үчүн дем чыгаруу - бул Ыйса биз менен бөлүшкөндү бөлүшүү -Кудай бизди баталаган сыяктуу башкалар да баталуу болушу үчүн Ал бергенди башкаларга берүү.

Ыйсанын жолдоочусу үчүн дем АЛУУ жана дем ЧЫГАРУУ өтө маанилүү. Бул - тирүү болуунун жолу. Ыйса мындай деген: Атасынын кылганын көрбөсө, Уулу Өз алдынча эч нерсе кыла албайт. Анткени Уулу Атасы кылганды кылат.

Ыйса мындай деген: Анткени Мен Өз атымдан сүйлөгөн жокмун. Эмнени айтып, эмнени сүйлөө керектигин Мага Мени жиберген Атам осуят кылган.

Ыйса Ал Өзү айткан ар бир сөз жана Ал кылган ар бир иш Кудайдан УККАН жана баш ийген нерсеге негизделгенин айтат.

Дем АЛЫҢЫЗ -Кудайды угуңуз. Дем ЧЫГАРЫҢЫЗ -Укканыңызга баш ийип ошону башкалар менен бөлүшүңүз.

Ыйса Анын жолдоочулары да Кудайды уга аларын айтат, себеби Анын Ыйык Руху -Кудайдын деми -Аны ээрчиген ар бирибиздин ичибизге деп катары берилет.

Ыйса мындай деген: Менин ысымым урматына Атам жибере турган Сооротуучу, Ыйык Рух, силерге баарын үйрөтөт жана Мен айткан сөздөрдүн баарын эсиңерге салат.

Дем АЛЫҢЫЗ -Кудайды угуңуз. Дем ЧЫГАРЫҢЫЗ -Укканыңызга баш ийип, ошону башкалар менен бөлүшүңүз.

Ыйса бизге кантип жашашты көрсөткөн.

Биз Кудайдын үнүн кантип угабыз? Эмнеге баш ийишти кантип билебиз?

Ыйса Өзүн "Жакшы Койчу" деп атаган. Ыйса жолдоочуларын "козуларым" деген.Ыйса мындай деген: Менин койлорум Менин үнүмдү угушат. Мен аларды тааныйм, алар Мени ээрчишет. Ыйса мындай деген: Ким Кудайдан болсо, ал Кудайдын сөздөрүн угат. Сиз Кудайга тиешелүү болбосоңуз, Кудайдын үнүн уга албайсыз.

Ыйсанын жолдоочулары катары Биз өзүбүздү Анын үнүн угууга арнашыбыз керек.

• Биз Анын үнүн тынчтыкта УГАБЫЗ.
• Биз анын үнүн Ыйсага көңүл бурганда УГАБЫЗ.
• Биз Анын үнүн ойлор, көрүнүштөр, сезимдер, таасир калтырган нерселер аркылуу УГАБЫЗ.
• Биз Анын үнүн укканыбызды жазып алып текшергенде УГАБЫЗ.

Бардык эле үндөр, ойлор жана көрүнүштөр, сезимдер же таасир калтырган нерселер Кудайдан эмес. Кээде бул душмандын үнү болушу мүмкүн. Ыйса биздин душман жалганчы, жалгандын атасы экенин айткан. Ыйса душман уурдаганы, өлтүргөнү жана талкалаганы келерин айткан.

Бирок Кудай Өзү сүйлөгөндө биз Анын үнүн УГАРЫБЫЗДЫ, Ал сүйлөгөнүн билерибизди айтат. Машыгуу жана сыйынуу аркылуу, биз Кудайдын үнүн жакшыраак билебиз. Биз уккан нерсе Кудайдын үнү же болбосо башка бирөөнүн үнү экенин биле алабыз.

Укканыбызды текшерүүнүн бир нече жолу бар:

• Ыйса сүйлөгөн кезде: Анын үнү жазылган Сөзгө дайыма дал келет. Ыйык Китеп муну алдын ала айткан. Анын оозеки сөздөрү эч качан жазылган сөздөрүнө каршы чыкпайт.

• Ыйса сүйлөгөндө, Анын үнү биздин жүрөктөрүбүзгө үмүт жана тынчтык сезимин берет. Анын үнү бизди айыпталган же көңүлү чөккөн бойдон калтырбайт. Ыйса айыптабайт. Ыйса сүйүү менен оңдойт.

• Ыйсанын үнү дененин иштерин - ойноштук кылуу, нике бузуу ыпластык, адепсиздик, бутка табынуу, сыйкырчылык кылуу, касташуу, чыр чатак, көрө албастык жана ачуулануу, уруш талаш, келишпестик, бөлүнүү жана көрө албастык, шапар тебүүнү колдобойт. Булар Кудайдын үнүнө тиешелүү эмес.

• Ыйса сүйлөгөндө, Анын үнү Кудайдын Рухунун жемиши - сүйүү, кубаныч, тынчтык жана чыдамдуулук, ак көңүлдүк, боорукердик, ишенимдүүлүк, момундук өзүн-өзү токтото билүү жөнүндө айтат.

• Ыйса сүйлөгөндө -Анын үнү бизге шектенүүнүн ордуна бекем ишеним берет. Кудайдын үнүн укканыбызда, ичибизден аны сезип, тынчтыкка ээ болобуз. Биз баарын бир учурда укпашыбыз мүмкүн. Биз акыры биле тургандын бир бөлүгүн гана угушубуз мүмкүн. Бирок биз уккан нерселер бекем - туруктуу жана өзгөргүс болот.

Ыйсанын ар бир жолдоочусу үчүн жакшы кабар бар: биз дем АЛГАНДА жана Кудайды УККАНДА, анан дем ЧЫГАРЫП укканыбызга БАШ ИЙГЕНДЕ, анан укканыбызды башкалар менен БӨЛҮШКӨНДӨ - Кудай дагы да тагыраак сүйлөйт.

Анын деми биз аркылуу сыртка чыгарылат.

Биз анын үнүн дагы тагыраак УГУП калабыз. Үн башканыкы эмес, Аныкы экенин биле турган болобуз. Биз Анын дүйнөдөгү ишин КӨРӨБҮЗ жана Аны менен байланышып, иштеше алабыз.

Биз дем алабыз. Биз дем чыгарабыз. Өмүр.

Ыйса...мындай деген: "...бардык элдерди мага шакирт кылгыла. Аларды Ата,Уул жана Ыйык Рухтун урматына сууга чөмүлдүргүлө. Силерге буйругандарымдын баарын аларга аткарууну үйрөткүлө..."

Ыйсанын ар бир шакирти Анын бардык осуяттарын аткарам десе, анда Ыйса кандай осуяттарды бергенин билиши керек.

Улуу Осуят жана Улуу Тапшырма -Кудай бизге айткан осуяттардын кыскача мазмуну, ал эми Ыйсанын жолдоочусу Кудай башынан эле каалагандай толук өсүп жетилиши үчүн мындан да көптү билиши жана баш ийиши керек.

Ж.Б.К.С.Б деген бул:

• Жазуу
• Байкоо жүргүзүү
• Колдонуу
• Сыйынуу
• Бөлүшүү

Бул - Ыйык Китепти изилдөө үйрөнүү жана эстеп калуунун таасирдүү ыкмасы; аны Ыйсанын ар бир жолдоочучу колдоно алат. Ар бир бөлүктү кененирээк карап чыгалы.

Сиз Ыйык Китепти окуганыңызда же укканыңызда:

• Жазуу : Сиз үчүн бүгүн өзгөчө маанилүү болгон бир же андан көп аятты көчүрүп жазыңыз.
• Байкоо жүргүзүү : Ошол аяттарды же негизги ойлорду жакшыраак түшүнүү үчүн, аларды өз сөзүңүз менен кайра жазып чыгыңыз.
• Колдонуу : Жашооңузда бул осуяттарга же түшүнүктөргө кандайча баш ийе аларыңыз жөнүндө ойлонуңуз. Сиз эмнени башкача кылышыңыз керек? Ошону жазыңыз.
• Сыйынуу : Кудайдын Сөзүнөн эмнелерди окуганыңызды, Анын осуяттарына баш ийүү жөнүндө эмнени түшүнгөнүңүздү жана үйрөнгөн нерселерди кантип ишке ашырарыңызды сыйынуу түрүндө жазыңыз.
• Бөлүшүү : Кудайдан өзүңүз үйрөнгөн нерсе жана аны колдонуу тууралуу ким менен бөлүшүшүңүздү кааларын сураңыз.

Анда эмесе Ж.Б.К.С.Бны. колдонуп көрөлү:

• Жазуу : Ыйык Китеп мындай дейт: "Менин ойлорум силердин ойлоруңар эмес, Менин жолдорум силердин жолдоруңар эмес", - дейт Теңир. "Асман жерден канчалык бийик болсо, Менин жолдорум силердин жолдоруңардан ошонолук бийик, ойлорум силердин ойлоруңардан бийик". Ышайа 55:8-9
• Байкоо жүргүзүү : Адам катары менин бир нерсени билүү жана аны аткаруу жөндөмүм чектелген. Кудай эч нерседе чектелген эмес. Ал баарын көрүп, билип турат. Ал баарын кыла алат.
• Колдонуу : Кудай бардыгын билип, Анын жолдору эң жакшы болгондуктан, мен бир нерселерди өзүм туура көргөндөй кылганга караганда Аны ээрчигенде алда канча көп ийгиликке жетем.
• Сыйынуу : Теңирим, мен кантип сага жагып жана башкаларга жардам берип жашашты билбейм. Менин чечимдерим катага алып келет. Ойлорум жаралайт. Мага Өз жолдоруңду жана ойлоруңду үйрөтчү. Мен сени ээрчигенде Ыйык Рухуң мени жетектесинчи.
• Бөлүшүү : Мен бул аяттарды жана аларды кантип колдонууну кыйын учурдан өтүп жаткан досум Сталбек менен бөлүшөм. Ал маанилүү чечимдердин алдында жетектөөгө муктаж болуп турат.

Ж.Б.К.С.Б. Ыйык Китепти изилдөө. Зуме шаймандар топтомундагы эң жөнөкөй куралдардын бири.

Мазмуну:

Жазуу

Бүгүн сиз үчүн өзгөчө маанилүү болгон бир же андан көп аятты жазыңыз.

Байкоо жүргүзүү

Ал аяттарды же негизги ойлорду жакшыраак түшүнүү үчүн өз сөзүңүз менен жазыңыз.

Колдонуу

Бул осуяттарга өз жашооңузда баш ийүү тууралуу ойлонуңуз.

Сыйынуу

Кудайга эмнени үйрөнгөнүңүздү жана кантип баш ийериңизди айтып, сыйынуу жазыңыз.

Бөлүшүү

Кудайдан Ал сизди үйрөнгөн/колдонгон нерсени ким менен бөлүшүүңүздү кааларын сураңыз.

Төмөндө Ж.Б.К.С.Б кандай болорунун мисалы берилген:

Ж - "Менин ойлорум силердин ойлоруңар эмес, Менин жолдорум силердин жолдоруңар эмес, - дейт Теңир. Асман жерден канчалык бийик болсо, Менин жолдорум силердин жолдоруңардан ошончолук бийик, Менин ойлорум силердин ойлоруңардан бийик". Ышайа 55:8-9

Б - Адам баласы катары менин билимим жана билгенимди аткаруу жөндөмүм чектелген. Кудай эч нерседе чектелген эмес. Ал БАРДЫГЫН көрүп турат жана билет. Ал БАРДЫГЫН кыла алат.

К - Кудай бардыгын билгендиктен жана Анын жолдору эң жакшы болгондуктан, мен иштерди өзүмдүн күчүм менен кылгандын ордуна Аны ээрчисем, көбүрөөк ийгиликтүү болом.

С - Теңир мен Сага жаккандай башкаларга жардам бере алгыдай өмүрдү кантип сүрүү керектигин билбейм. Менин жолдорум жаңылыштуу. Менин ойлорум жаралайт. Мага анын ордуна Сенин жолдоруңду, ойлоруңду үйрөтчү. Мен сени ээрчигенде Ыйык Рух мени жетектесинчи.

Б - Мен бул аяттарды жана бул тиркемени кыйналып жаткан жана маанилүү чечимдин алдында турган досум Сталбек менен бөлүшөм.

Ыйса мындай деген: "Кимге көп берилсе,андан көп талап кылынат, ал эми кимге көп ишенип тапшырылса, андан көп суралат".

Ыйса жоопкерчилик тууралуу көп окуяларды бөлүшкөн жана биз сөздөрүбүз менен иштерибиз үчүн жооп берерибиз жөнүндө көп чындыктарды айткан.

Биз кийинчерээк даяр болушубуз үчүн, Ыйса алар жөнүндө азыр айтат. Анын алдында жооп бере турган күн келе тургандыктан, азыртан баштап жоопкерчиликтүү болууну үйрөнүү туура болот.

Жоопкерчилик топтору бир жыныстагы эки же үч адамдан түзүлөт - мырзалар мырзалар менен, айым айымдар менен жумасына бир жолу жолугуп, бир катар суроолорду талкуулашат; бул жашоолорубузда иштер туура жүрүп жаткан жана оңдоону талап кылган тармактарды аныктоого жардам берет.

Ыйсанын ар бир жолдоочусу жоопко тартыла турган күн келет, демек Ыйсанын жолдоочу башкалардын алдында болгон жоопкерчиликти үйрөнүүсү керек.

Жоопкерчилик Топтору. Зуме шаймандар топтомундагы дагы бир жөнөкөй курал.

1. Кудайдын иштеп жатканын кантип көрө алдыңыз?
2. Сөзүңүз жана ишиңиз менен Ыйса Машайактын улуулугун бул жумада күбөлөндүрө алдыңызбы?
3. Сексуалдык жактан кызыктырган материалдарга туш болуп же акыл эсиңизге сексуалдыкка тиешелүү ойлордун кирүүсүнө жол бердиңизби?
4. Акчаны колдонууда Кудайдын эгедерлигин мойнуңузга алдыңызбы?
5. Бир нерсеге көз арттыңызбы?
6. Сөзүңүз менен кимдир бирөөнүн кадырын же сезимдерин жараладыңызбы?
7. Сиз сөзүңүз же ишиңизде жалганчы болуп, аша чаап кеткен учур болдубу?
8. Сиз көз карандылык (жалкоо же тартипсиз) жүрүм-турумга берилип кеттиңизби?
9. Сиз кийим, достор, жумуш же мүлккө кул болдуңузбу?
10. Кимдир бирөөнү кечире албаган учур болдубу?
11. Сиз кандай кооптонуу жана тынчсызданууга туш болуп жатасыз?
12. Сиз арызданып же күңкүлдөгөн учур болдубу?
13. Сиз ыраазы жүрөктү сактап калдыңызбы?
14. Сиз маанилүү мамилелерде сыйлуу, түшүнүүчү жана берешен болдуңузбу?
15. Ой, сөз же ишиңизде кандай азыгырыктарга туш болдуңуз жана аны кандай чечтиңиз?
16. Сиз башкаларга, өзгөчө ишенүүчүлөргө кызмат кылуу жана бата болуу мүмкүнчүлүгүн кандай колдондуңуз?
17. Сыйынууга так жоопторду алдыңызбы ?

Бул сабакта, биз Ыйсанын жолдоочусуна жөн эле КЕРЕКТӨӨЧҮ эмес Кудайдын Падышалыгында ӨНДҮРҮҮЧҮ болууну үйрөтүү тууралуу сүйлөшөбүз.

Кудай Өзүнүн жеткилең планында бизди тең салмактуу жашоо - ӨНДҮРҮҮ жана КЕРЕКТӨӨ, ЖАРАТУУ жана КОЛДОНУУ, ТӨГҮҮ, ТОЛУУ жана кайра ТӨГҮҮ үчүн жараткан. Бирок бул талкаланган дүйнөдө адамзат Кудайдын планын четке каккан жана Кудайдын жеткилең формуласын жарым-жартылай гана ишке ашырып жашап калышкан. Алар ҮЙРӨНҮШӨТ, бирок бөлүшпөйт. Алар ТОЛУШАТ, бирок эч качан төгүшпөйт. Алар КЕРЕКТЕШЕТ, бирок өндүрүшпөйт.

Биз көбөйүүчү шакирттерди жасагыбыз келсе, алар менен керектөөчү гана эмес өндүрүүчү болуу тууралуу бөлүшүшүбүз керек.

Бизди Рухта өстүрүү үчүн Кудай жазылган Сөзүн мындайча колдонот. Биз аны Ыйык Жазуу же Ыйык Китеп деп атайбыз.

Ар бир шакирт Жазууну үйрөнүүгө, чечмелөөгө, жана колдонууга даяр болушу керек. Миңдеген жылдар бою жана ар түрдүү авторлор аркылуу Кудай ишенимдүү адамдардын жүрөктөрүнө Өзүнүн сөзүн сүйлөгөн. Алар уккандарын жазып калышкан жана бөлүшкөн. Жазуулар бизге Кудайдын баянын, пландарын, жүрөгүн, жолдорун үйрөтөт.

Мурунку бир сабакта биз эки жөнөкөй куралды өздөштүргөнбүз: ЖБКСБ Ыйык Китепти изилдөөну жана Жоопкерчилик Топторун. Мындан кийинки сабакта дагы бир жөнөкөй ыкманы үйрөнөсүз -ал - 3/3 топтору. Бул үч курал жаңы жолдоочуларды Кудайдын Жазылган Сөзүн чечмелөөгө жана колдонууга даярдоого чогуу жардам берет. Алар Кудайдын Сөзүн угуучулар гана эмес, аткаруучулар да, бөлүшүүчүлөр да болушат.

Кудай ошондой эле биз руханий өсүү үчүн, сыйынуу аркылуу түшүнө алган Оозеки Сөзүн берген. Сыйынуу Кудай менен сүйлөшүп, Аны угууну билдирет. Сыйынуу бизге Кудайды жакыныраак таанып, Анын жүрөгүн, эркин, жолдорун түшүнүүгө жардам берет. Сыйынуу башкаларга кызмат кылганга, адамдарды жана топторду Кудайды жакшы таанып билгидей кылып үйрөтүүгө жана бөлүшүүгө жардам берет.

Эки жөнөкөй курал -Басып Сыйынуу жана Сыйынуу Айлампасы жолдоочуларга жеке сыйынуу жашоосун өнүктүрүүгө, башкаларга кызмат кылуу үчүн сыйынууну үйрөнүүгө жардам берет. Бул куралдар тынымсыз сыйынууну адат кылып өнүктүрүүгө жана көзгө көрүнгөн нерсеге таянуунун ордуна дүйнөнү руханий көз караш менен кароону үйрөнгөнгө жардам берет.

Аларды туруктуу колдонгондо алар Ыйсанын жолдоочусунун сыйынуу жөндөмүн күчөтөт жана Кудайдын үнүн угуу, укканын бөлүшүү жөндөмүн арттырат.

Кудай биз руханий өсүшүбүз үчүн Ыйсанын жолдоочуларынын Жыйыны деп аталган ишенүүчүлөрдөн турган Денесин колдонот. Биз ишенүүчүлөрдүн чогулушу катары байланыштабыз. Кудайдын Сөзү Ыйсада бизди баары бири-бирине таандык болгон дененин көптөгөн мүчөлөрү дейт. Башкача айтканда, биз Кудай менен гана эмес, бири-бирибиз менен да байланыштабыз. Кудай бири-бириңерге баш ийгиле дейт. Бири-бириңерге кызмат кылгыла дейт. Ар бирибиздин күчтүү жактарыбыз жана алсыз жактарыбыз бар. Кудай биз күчтүү жактарыбызды колдонуп, алсыздарга жардам беришибизди каалайт. Анан Кудай өзүбүздүн алсыздыгыбызда башкаларга Андан алган күч менен бизге жардам берүүгө жол берүүбүздү күтөт.

Кудайдын Сөзү Кудай ар бирибизге өзгөчө жөндөмдөрдү бергенин айтат; Аларды Кудайдын баталарын башкаларга өткөрүп берип,башкаларга жардам берүүгө сөзсүз колдонгула. 3/3 Топтор, Жоопкерчилик Топтору жана Теңдештердин Көмөк Топтору сыяктуу жөнөкөй куралдар бири-бирибизди сүйүүгө шыктандырат жана Кудай бизге Өзү айткандарга баш ийүүгө жардам берүү аркылуу гана иш кылбастан, үйрөнгөн нерселерибизди башкалар менен бөлүшүүгө жардам берет.

Кудай бизди Куугунтук жана Азапты - Ыйса үчүн курман кылган жана жоготкон нерселерибизди - колдонуп, бизди рухий жактан өстүрөт. Биз Ыйсаны сүйүп жана баш ийген үчүн адамдар бизди басынтканда жана жаралаганда же Ыйсаны сүйүп, баш ийсек да жамандык болуп кеткенде учурда Кудай куугунтуктарды жана азап чегүүлөрдү мүнөзүбүздү жаңылап, бизди Ыйсага көбүрөөк окшоштуруу үчүн колдонот. Ал биздин мүнөздү калыптандырып, ишенимибизди тазалап жана бекемдеп, кызматка даярдайт жана өзгөчө кыйынчылыкка туш болгон башкаларга кызмат кылууга жол берет; ошондо бизди көрүп турган жана азабыбызды билген адамга Ал өзүн көбүрөөк ачып берет. Кудай биз Ыйсанын жолдоочулары катары куугунтукка кабыларыбызды билишибизди каалайт.

Ыйса мындай деген: Мен үчүн кордук көрсөңөр, Мен үчүн куугунтукталсаңар, Мен үчүн жалган жалаага калсаңар, бактылуусуңар. Кубанып шаттангыла, анткени асмандагы сыйлыгыңар чоң! Силерден мурунку пайгамбарларды да ушинтип куугунтукташкан.

3/3 Тобу жана Жоопкерчилик Тобу сыяктуу жөнөкөй куралдар Ыйсанын жолдоочуларына куугунтуктарды жана азаптарды бөлүшүүгө мүмкүнчүлүк берет.

Бул топтор силерге Кудайдын Сөзү эскерткендей, кыйынчылыкка туш боло турган шакирттерди окутуу, кыйын учурларда Кудайдын сүйүүсүнө ишенип жакшы жооп кайтарууга даярдоо мүмкүнчүлүгүн берет.

Жазуу. Сыйынуу. Денеде Жашоо. Куугунтук жана Азап чегүү. Ушул жолдор аркылуу Кудай бизди жеткилең Уулуна окшоштуруу үчүн өстүрөт.

Жөнөкөй куралдар Кудай бизге берген жакшы нерселерди керектөөчү эле эмес, өндүрүүчү жана бөлүшүүчү болушубузду да каалайт.

Ыйса жолдоочуларынасыйынуунун максаты, тажрыйбасы жана убадалары жөнүндө көп үйрөткөн.

Ыйса мындай деген: "Сурагыла, ошондо силерге берилет; Издегиле, ошондо табасыңар; Тыкылдаткыла,ошондо силерге эшик ачылат. Анткени сураган адам алат, издеген адам табат жана тыкылдаткан адамга эшик ачылат".

Ыйса жолдоочуларына сыйынуу элдин мактоосуна ээ болуу, өзүмчүл каалоолор же жаттап алып кайталай берген сөздөр эмес экенин айткан.

Ыйса сыйынуунун күчү бар экенин көрсөткөн, анткени сыйынуу -бул бизди сүйгөн асмандагы Атабыз менен түз жана үзгүлтүксүз сүйлөшүү. Башка жакшы баарлашуудай эле жакшы сыйынуу эки тараптын тең угуусун жана сүйлөөсүн талап кылат. Бирок ааламды жараткан Кудайга кайрылып сүйлөө коркунучтуу сезилиши мүмкүн. Ал эми кайра жооп угуу көп адамдарда коркунуч жаратып,үрөйүн учурса керек.

Жакшы кабар бар: сыйынууну жакшыраак үйрөнүү -бизди сүйгөн Кудай менен жакшыраак жана тереңирээк сүйлөшүү -мүмкүн гана эмес, Кудай бизден каалаган нерсе.

Бирок сыйынуу жаңы тилди үйрөнүү сыяктуу сезилсе, аны кантип өздөштүрө аласыз? Жооп жөнөкөй - аны колдонушуңуз керек. Сыйынуу айлампасы - сыйынууну колдонуунун жөнөкөй куралы; аны өзүңүз колдонсоңуз жана башка жолдоочу менен бөлүшсөңүз болот.

Ар бири 5 мүнөт уланган 12 кадамдан турган Сыйынуу айлампасы сизге Ыйык Китеп үйрөткөн сыйынуунун 12 жолун көрсөтүп берет. Акырында сиз бир саат сыйынып каласыз. Ыйык Китеп бизге -- "Үзгүлтүксүз сыйынгыла", - дейт. Көпчүлүгүбүз андай кыла албайбыз. Бирок ушул сыйынуу саатында сиз ошого жакындайсыз.

Сыйынуу айлампасы -Зуме шаймандар топтомундагы дагы бир жөнөкөй курал.

**Мазмуну: **

Ар бири 5 мүнөттүк 12 жөнөкөй кадамдан турган бул сыйынуу айлампасы сизди Ыйык Китеп үйрөткөн сыйынуунун 12 жолу менен жетектейт.

[сүрөт_сыйынуу айлампасы]

ДАҢКТОО. Сыйынууну Теңирди даңктоо менен баштаңыз. Азыр оюңузда болгон нерсе үчүн Аны даңктаңыз. Акыркы жумада Ал сиздин жашооңузда кылган өзгөчө нерсе үчүн ыраазычылык келтириңиз. Анын Үй-бүлөңүзгө жакшылыгы үчүн даңктаңыз.

КҮТҮҮ. Теңирди күтүүгө убакыт бөлүңүз. Тынчтыкта болуңуз, ал сизге оюңузду топтоого жардам берсин.

МОЮНГА АЛУУ. Ыйык Рухтан жашооңуздагы Ага жакпаган нерселерди көрсөтсүн деп сураныңыз. Андан туура эмес жүрүм-турум жана өзгөчө моюнга алып сыйынбаган иштерди көрсөтсүн деп сураныңыз. Эми тазалануу үчүн аларды Теңирдин алдында моюнга алыңыз.

СӨЗДҮ ОКУҢУЗ. Забурларды, пайгамбарларды, же Жаңы Келишимде үзүндүлөрдү окууга убакыт бөлүңүз.

СУРАҢЫЗ. Өзүңүз үчүн сураныңыз.

АРАЧЫЛЫК. Башкалар үчүн сураныңыз.

СӨЗ БОЮНЧА СЫЙЫНЫҢЫЗ. Так үзүндүлөр боюнча сыйыныңыз. Жазуудагы сыйынуулар жана бир катар Забурлар буга ылайыктуу.

РАХМАТ АЙТУУ. Жашооңуздагы бир нерселер, үй-бүлөңүз жана жыйыныңыз үчүн Теңирге ыраазычылык айтыңыз.
ЫРДОО. Даңктоо, мактоо, гимн же башка рухий ыр ырдаңыз.

ОЙ ЖҮГҮРТҮҮ. Теңирден сизге сүйлө деп сураныңыз. Ал сизге айткан ойлорду жазып алууга даяр болуу үчүн калем менен барак даярдаңыз.

УГУУ. Окуган, сыйынган, ырдаган нерселерди бириктирип, Теңир алардын бардыгын сизге сүйлөө үчүн кандай колдонорун көрүңүз.

ДАҢКТОО. Теңирди Аны менен өткөргөн убакыт үчүн жана Ал сизге берген таасир үчүн даңктаңыз. Аны даңктуу сапаттары үчүн даңктаңыз.

"Дүйнөнү өзгөрткөн саат" деген Дик Истмандын китебинен (The Hour that Changes the World (C) 2002 by Dick Eastman, Chosen Books, Grand Rapids)., уруксат менен колдонулду.

Ыйса: "Баргыла да, шакирт кылгыла..." деген. Анын жолдоочулары ошондой кылышкан.

Алар үй-бүлөлөрүнө барышкан. Алар досторуна барышкан. Шаарда тааныган адамдарына барышкан. Алар чогуу иштеген адамдарга барышкан. Алар барышкан.

Ыйса "баргыла" дегенде алар баш ийишкен. Кудайдын үй-бүлөсү өскөн.

Кудай бизге "барып шакирт кылуу" үчүн керектүү мамилелерди мурун эле түзүп берген. Алар биздин үй-бүлө, достор, жакындарыбыз, чогуу иштешкендер, классташтар -биз өмүр бою тааныган адамдар, биз жаңы жолуккан адамдар.

Кудай бизге жашообузда жолуктурган адамдарга ишенимдүү болуу -бул шакирттерди көбөйтүүдө биринчи чоң кадам. Аны тизме түзүү сыяктуу жөнөкөй кадамдан баштаса болот.

100дүн тизмеси -Зуме шаймандар топтомунда шакирттерди көбөйтүү үчүн жөнөкөй курал.

Мамилелер боюнча жоопкерчилик тизмеңизди түзүңүз: таасир чөйрөңүздөгү адамдарды жазып чыгыңыз. Ар бир адам шакиртпи, азырынча ишене элекпи же ишеним абалы белгисизби — белгилеңиз.

Топто ар бир адам өз тизмесин түзүшү үчүн убакыт бөлүңүз. Кагазды же окуу материалдарыңыздагы санарип куралдарды колдонсоңуз болот.

Бул сабакта биз РУХАНИЙ ЭКОНОМИКА тууралуу сүйлөшөбүз. Бул талкаланган дүйнөдө, адамдар алганда, жанындагылардан көбүрөөк нерсеге ээ болгондо канааттануу сезимине ээ болушат.

Кудайдын Жазууларында Кудай Өз адамдарына Менин ойлорум силердин ойлоруңар эмес, Менин жолдорум силердин жолдоруңар эмес, - дейт. Кудай Өз Падышалыгынын экономикасында биз алуу аркылуу эмес, берүү аркылуу пайда табарыбызды көрсөтөт. Кудай айтат: Мен силерди куткарам, силер бата болосуңар. Ыйса айтат: Алганга караганда берген жакшы. Кудай бизге бергенди башкаларга берүү, Кудай бизди баталаганда башкаларды баталоо биз мурун үйрөнгөн РУХАНИЙ ДЕМ АЛУУНУН негизи болуп эсептелет. Биз дем ЧЫГАРЫП, укканыбызга БАШ ИЙЕБИЗ анан башкалар менен БӨЛҮШӨБҮЗ.

Теңир биз менен бөлүшкөндү ишенимдүү түрдө БАШ ИЙГЕНДЕ жана БӨЛҮШКӨНДӨ Ал көбүрөөк бөлүшүүнү убада кылат. Ыйса айтат: Аз нерседе ишенимдүү адам көп нерседе да ишенимдүү.

Бул - тереңирээк ачылыштарды алуунун, Ага жакыныраак болуунун жана Кудай бизди жараткан мол жашоодо өмүр сүрүүнүн жолу. Бул Кудай биз үчүн мурунтан эле пландап койгон, биз аткарып жашай алган жакшы иштердин жолу. Кудайдын эң чоң сыйлыгына ээ болгубуз келсе, Ал батасын берүүгө убада кылган эки нерседе машыгуу керек.

Биздин ишибиз -

• БАШ ИЙҮҮ жана БӨЛҮШҮҮ
• КЫЛУУ жана ОКУТУУ
• МАШЫГУУ жана ӨТКӨРҮП БЕРҮҮ

Кудай бизге кыл деген иштердин баарын кылуу.

Башкалар Кудайдын эң улуу сыйлыгын алышын кааласак, аларга да ушул эле нерсени кылуу керектигин көрсөтүү керек. Бул шакирт болуунун жана шакирт жасоонун эң маанилүү бир бөлүгү болуп саналат.

• Биз ЖОЛДООЧУ жана ЖЕТЕКЧИБИЗ
• Биз ОКУУЧУ жана ОКУТУУЧУБУЗ
• Биз БАТАЛУУБУЗ жана биз БАТАБЫЗ

Кудай биз баш ийип жана бөлүшүп баштагандан мурун баарын билгенге чейин күтүшүбүздү каалабайт. Ал күн эч качан келбейт. Кудай биз көбөйүп баштаганга чейин толук жетилишибизди күтпөйт. Ал биздин дароо көбөйүп башташыбызды каалайт.

Кудай биз буга чейин билген нерсеге баш ийип, буга чейин укканыбызды бөлүшкөнүбүздү каалайт. Андан кийин Ал биз башкаларды да ушуга үйрөтүшүбүздү каалайт. Акыры - ошентип Ал бизге мурун айткандарга баш ийебиз жана ошолорду бөлүшөбүз. Бул - жетилүүнүн жана өсүүнүн жолу.

Бул сабакта, КУДАЙДЫН ОКУЯСЫН - Жаратуудан Сотко чейин, адамзатынын башталышынан бул замандын акырына чейин - Жакшы Кабарды бөлүшүүнү үйрөнөбүз. Кудайдын окуясын бөлүшүүнүн көп жолдору бар.

Эң жакшы жолу сиз кандай адам менен бөлүшүп жатканыңыздан, алардын дүйнөгө көз карашынан жана жашоо тажрыйбасынан көз каранды.

Кудай угууну каалаган жүрөктөр менен бөлүшүүнү каалаган жүрөктөрдү тандайт.

Бул Анын иши. Ал бизди жөн эле кошулууга чакырат.

Кудайдын Окуясын бөлүшүүнүн бир жолу - Кудайдын Жаратуусунан замандын акырындагы Анын Сотуна чейин эмне болгонун түшүндүрүп берүү. Кудайдын Окуясын ушундай жол менен айтканда аны узун же кыска, өтө тактап же маанилүү жерлерин, бирок дайыма угуп жаткан адамдын маданиятына байланыштуу айтабыз. Анын Окуясын ар түрдүү маданиятка жана дүйнө таанымга байланыштырып айтып берүү үчүн үйрөнүүгө жана үйрөтүүгө оңой жаңсоолорду колдонсо болот.

Кудайдын Жакшы Кабарынын окуясы мындай:

Ал БИРИНЧИ ЭРКЕКТИ жана БИРИНЧИ АЯЛДЫ жараткан. Ал аларды сонун бакка жайгаштырган. Аларды ӨЗ ҮЙ-БҮЛӨСҮНӨ КАБЫЛ АЛГАН жана алар менен ТЫГЫЗ БАЙЛАНЫШТА болгон. Ал аларды ТҮБӨЛҮК ЖАШООГО жараткан. Өлүм деген нерсе жок болгон. Ушундай жеткилең жерде да адам Кудайга каршы чыккан жана дүйнөгө ӨЛҮМ менен АЗАПТЫ алып келген. Кудай адамдарды бактан КУБАЛАГАН. Адам менен Кудайдын ортосундагы мамиле БУЗУЛГАН. Эми адам ӨЛҮМГӨ дуушар болгон.

Жүздөгөн жылдар бою Кудай Дүйнөгө КАБАРЧЫЛАРЫН жиберүүнү токтоткон эмес. Алар адамга күнөөсүн эске салган бирок Кудайдын ИШЕНИМДҮҮЛҮГҮ жөнүндө да айтып, дүйнөгө КУТКАРУУЧУ келерин УБАДА кылган.

Куткаруучу Кудай менен адамдын ортосундагы байланышты КАЛЫБЫНА КЕЛТИРМЕК. Куткаруучу адамды өлүмдөн КУТКАРМАК. Куткаруучу адамга ТҮБӨЛҮК ӨМҮР берип, адам менен түбөлүк болмок.

Кудай бизди ушунчалык сүйгөндүктөн, убактысы келгенде Ал Өз Уулун ошол Куткаруучу болуу үчүн дүйнөгө жиберген. Ыйса - Кудайдын Уулу. Ал бул дүйнөгө никеси кыйыла элек кыздан төрөлгөн. Ал жеткилең өмүр сүргөн. Күнөө кылган эмес.

Ыйса Кудай жөнүндө үйрөткөн. Ал көп кереметтерди кылып, улуу кудуретин көрсөткөн. Ал көп жиндерди кууп чыккан. Көп адамдарды айыктырган. Сокурлардын көзүн ачкан. Дудуктарды сүйлөткөн. Аксактарды бастырган. Атүгүл өлгөндөрдү тирилткен. Көптөгөн диний жетекчилер Ыйсаны КОРКУТУП, Ага ИЧИ КҮЙГӨН. Алар Аны өлтүргүсү келген.

Ыйса эч качан күнөө кылбагандыктан өлбөшү керек болчу. Бирок Ал өлүп биз үчүн КУРМАНДЫК болууну ТАНДАГАН. Анын азаптуу өлүмү адамзатынын күнөөлөрүн жаап койгон. Ыйса өлгөндөн кийин көргө коюлган. Кудай Ыйса кылган КУРМАНДЫКТЫ көрүп, аны кабыл алган. Кудай аны кабыл алганын Ыйсаны үчүнчү күнү өлүмдөн тирилткени менен көрсөткөн.

Кудай айткандай, биз Ыйсага ИШЕНИП, күнөөбүз үчүн Анын курмандыгын кабыл алсак --Эгер күнөөбүздөн ТЕСКЕРИ БУРУЛУП, Ыйсаны ЭЭРЧИСЕК, Кудай бизди бардык күнөөдөн тазалап, кайра үй-бүлөсүнө КАБЫЛ АЛАТ.

Кудай ичибизде жашоо үчүн ЫЙЫК РУХТУ жиберет, ал Ыйсаны ээрчигенге жөндөмдүү кылат. Биз бул калыбына келген мамилени көрсөтүү жана бекитүү үчүн сууга ЧӨМҮЛДҮРҮЛӨБҮЗ. Өлүмдүн символу катары биз сууга чөмүлдүрүлөбүз. Жаңы өмүрдүн символу катары Ыйсаны ээрчүү үчүн суудан чыгарылабыз. Ыйса өлүп кайра тирилгенде, жерде 40 күн бою жүргөн.

Ыйса шакирттерине бардык жерге барып Анын куткаруусу тууралуу жакшы кабарды дүйнөдөгү бардык адамдарга айткыла деген. Ыйса мындай деген: Баргыла да, бардык элдерди Мага шакирт кылгыла. Ата, Уул жана Ыйык Рухтун атынан сууга чөмүлдүргүлө. Силерге буйругандарымдын бардыгын аткарууну аларга үйрөткүлө. Бул дүйнөнүн акырына чейин, бардык убакта Мен силер менен болом.

Андан кийин Ыйса алардын көз алдында асманга АЛЫНЫП КЕТКЕН. Бир күнү, Ыйса кандай кетсе, ошондой болуп КАЙРА КЕЛЕТ. Ал Өзүн сүйбөгөн жана баш ийбегендерди ТҮБӨЛҮК ЖАЗАЛАЙТ. Өзүн сүйгөндөрдү жана баш ийгендерди КАБЫЛ АЛАТ жана ТҮБӨЛҮК СЫЙЛЫК берет. Биз аны менен Жаңы Асманда жана Жаңы Жерде ТҮБӨЛҮК ЖАШАЙБЫЗ.

Мен Ыйса күнөөм үчүн кылган курмандыкка ИШЕНДИМ, аны КАБЫЛ АЛДЫМ. Ал мени тазалады жана Кудайдын үй-бүлөсү катары калыпка келтирди. Ал мени сүйөт жана мен аны сүйөм, Аны менен Анын Падышалыгында түбөлүк жашайм.

Кудай сени сүйөт, сенин ушул белекти кабыл алышыңды каалайт. Сен аны азыр кабыл алууну каалайсыңбы?

Зуме тренингине кайрадан кош келиңиздер.

Бул сабакта биз Үч тегерек куралын колдонуп, Кудайдын окуясын, жакшы кабарды бөлүшкөндү үйрөнөбүз.

Кудайдын окуясын бөлүшүүнүн ар кандай жолу бар.

Эң жакшы жолу кайсы экени бөлүшүп жаткан адамдын дүйнөгө көз карашынан, жашоо тажрыйбасынан көз каранды болот.

Кудай бөлүшүүнү, угууну каалаган жүрөк менен иштешүүнү каалаган адамды колдонот.

Бул анын иши. Ал жөн эле сизди кошулууга чакырат.

Кудайдын окуясын бөлүшүүнүн бир жөнөкөй жолу - бул үч тегерек деген сүрөттү колдонуу.

Баарыбыз өтө талкаланган дүйнөдө жашайбыз.
Биз азап чегүү, өлүм, согуш, оору, зыяндуу адаттар жөнүндө угуп, көрүп келебиз. Алар бүт жерде бар. Бирок бул Кудайдын баштапкы планы эмес.

Кудайдын жеткилең планы - сүйүү, кубаныч, биримдик, тынчтык толгон дүйнө.

Биз Кудайдын жеткилең планынан чыгып кетип, талкаланууга алып келген нерсе Ыйык Китепте күнөө деп аталат.

Кудайдын жолунан тескери бурулуп өз жолубузга умтулуу - күнөө. Күнөө бизди Кудайдан ажыратат. Күнөө бизди талкаланууга алып келет. Күнөө руханий өлүмгө алып келет.

Адамдар талкалануудан бошонгусу келет.

Биз андан арылуу үчүн ар түрдүү жолду колдонобуз. Кээ бирөө баңги зат, ичкилик колдонот. Кээ бирөө андан жакшы жумуш же көп акча табуу менен арылуу аракетин кылат. Кээ бирөө андан мамиле алып чыгат деп ойлойт. Кээ бирөө атүгүл динди колдонот. Биз жакшы жүрүм-турум же жардам бизди куткарат деп ойлойбуз.

Булардын бири да талкалануу маселесин чындап чече албайт.

Кээде бизге бир азга бошонгондой сезилсе да, баштаган жерге бат эле кайра барып калабыз.

Ачуу чындык мындай: биз дагы деле ошол талкаланууда болсок, Ыйык Китеп анда жашоо аяктаганда биз биротоло Кудайдан бөлүнүп каларыбызды айтат.

Ыйык Китеп ал жерди тозок дейт,

бирок Кудай талкалаануда калышыбызды каалабайт. Ыйык Китеп Кудай бизди ушунчалык сүйгөндүктөн, бизге жол жасоо үчүн Өз Уулун жибергенин айтат.

Ыйса жерге биздин күнөөлөрдү өчүрүп, талкаланууну алып салуу үчүн келген.

Кантип? Ыйса ушунун баарын кантип кыла алат?

Ыйса жеткилең өмүр сүргөн. Ыйса бир да күнөө кетирбеген жалгыз адам болгон. Ыйса гана Кудайдын жеткилең планы боюнча жашаган. Кийин Ыйса жеткилең жашоосун таштап, биздин ордубузду алган.

Ал күнөөбүздүн баасын төлөө үчүн айкаш жыгачта өлгөн.

Ошентип, Кудайдын Уулу Ыйса өлүмү менен күнөөбүздү жокко чыгарган.

Үч күндөн кийин Ыйса өлүп кайра тирилген.

Ал улуу курмандыгы аркылуу өлүмдөн тириле алган. Кудай Ыйсаны асман менен жердеги бардык нерсенин үстүнөн Падыша кылып койгон.

Падыша Ыйса бизди талкалануудан чыгаруу жолун ачкан. Биз күнөөдөн тескери бурулуп, Ыйса биз үчүн өлгөнүнө ишенип, Ата, Уул, Ыйык Рухтун урматына, чөмүлдүрүлсөк, Кудай бизди түбөлүккө Өз үй-бүлөсүнүн бир бөлүгү катары жашоонун жаңы түрүндө өмүр сүрүү үчүн Ыйса сыяктуу бизди тирилтет.

Анан биз ошол жаңы өмүрдү талкаланган дүйнөгө көрсөтүп, Ыйса кайтып келип, жаңы асман менен жаңы жерди жасарын күтөбүз, ал жерде биз Аны менен толуктукта түбөлүккө боло алабыз.

Кудай биздин аны менен мамиледе болушубузду каалайт. Кудай бизди өзүнүн үй-бүлөсү катары Анын баштапкы жеткилең.

Планына кайтышыбызды каалайт. Ыйса бизге миссияны, жашоонун себебин берип, эң жакшы өмүр сүрүшүбүздү каалайт. Биз үчүн Ыйсанын миссиясы - баруу. Атасы Ыйсаны жибергендей Ал бизди жиберет. Кудай Аны башкаларга жардам берип бошотуп, Кудайдын түбөлүк үй-бүлөсү боло алыш үчүн талкалан дүйнөгө жиберген.

Бул үч тегеректен турган дүйнө. Анда адамдардын эки түрү гана бар. Кудайдын жеткилең планынын бир бөлүгү болгон адамдар. Кудайдын куткаруу миссиясын аткаруучулар. Алар Кудайга түбөлүк үй-бүлөсү менен кайра биригүүгө жардам берген
же талкаланууда болсо да, бардык нерседен бошонууга аракет кылган адамдар. Алар бирөө куткарарына үмүт кылат.

Сиз кайсы тарапта экениңизби билесизби?
Кайда болгуңуз келерин билесизби?

Кудайдын окуясын бөлүшүүнүн көп жолу бар. Маанилүүсү - бөлүшүп туруу.

Кудай угууну каалаган жүрөктөр менен иштешкен жүрөктү колдонот.

Бул анын иши. Ал бизди кошулууга чакырат.

Мазмуну:

Кудайдын окуясы: Жаратуудан Сотко чейин стили

Эң башында Кудай бардык дүйнөнү жана андагы бардык нерсени жараткан.

Ал БИРИНЧИ ЭРКЕКТИ жана БИРИНЧИ АЯЛДЫ жараткан. Ал аларды абдан кооз бакка жайгаштырган. Ал аларды өзүнүн ҮЙ-БҮЛӨСҮНҮН БИР БӨЛҮГҮ кылган жана алар менен ТЫГЫЗ МАМИЛЕДЕ болгон.

Кудай аларды ТҮБӨЛҮК ЖАШОО үчүн жараткан. Өлүм деген нерсе болгон эмес. Ушундай жеткилең жерде да, адам Кудайга каршы козголоң чыгарып, дүйнөгө КҮНӨӨ менен АЗАПТЫ алып келген. Кудай адамды бактан КУУП САЛГАН. Ошентип адам ӨЛҮМГӨ дуушар болгон. Жүздөгөн жылдар бою Кудай дүйнөгө КАБАРЧЫЛАРДЫ жиберип турган. Алар адамга күнөөсү тууралуу эскертип, Кудайдын КУТКАРУУЧУ жиберем деген ИШЕНИМДҮҮЛҮГҮ жана УБАДАСЫ тууралуу айтышкан.

Куткаруучу Кудай менен адамдын ортосунда тыгыз мамилени КАЛЫБЫНА КЕЛТИРЕТ. Куткаруучу адамды өлүмдөн КУТКАРАТ. Куткаруучу ТҮБӨЛҮК ӨМҮР берет жана адам менен түбөлүккө болот. Кудай бизди ушунчалык сүйгөндүктөн убагы келгенде Өз Уулун ошол Куткаруучу болууга дүйнөгө жиберген.

Ыйса Кудайдын Уулу болгон. Ал дүйнөгө кыз аркылуу төрөлгөн. Ал эч качан күнөө кылган эмес. Ыйса адамдарга Кудай жөнүндө үйрөткөн. Ал улуу кудуретин көрсөтүп, көптөгөн кереметтерди кылган. Ал көптөгөн жиндерди кууп чыккан. Ал көп адамдарды айыктырган. Ал сокурлардын көзүн ачкан. Кулагы укпагандарды угузган. Аксакты бастырган. Ыйса атүгүл өлгөндү тирилткен. Көптөгөн диний жетекчилер Ыйсадан КОРКУШКАН жана Ага ИЧИ КҮЙГӨН.

Алар Ыйсаны өлтүргүсү келген. Ал эч качан күнөө кылган эмес, Ыйса өлбөшү керек болчу.

Бирок ал баарыбыз үчүн КУРМАНДЫК катары өлүүнү ТАНДАГАН. Анын азаптуу өлүмү адамзатынын күнөөсүн жаап койгон. Ошондон кийин Ыйса көргө коюлган. Кудай Ыйса кылган КУРМАНДЫКТЫ көрүп, аны кабыл алган. Кудай аны кабыл алганын Ыйсаны үчүнчү күнү өлүмдөн тирилтүү аркылуу көрсөткөн.

Биз күнөөбүз үчүн Ыйсанын курмандыгына ИШЕНСЕК жана КАБЫЛ АЛСАК - күнөөлөрүбүздөн ТЕСКЕРИ БУРУЛУП Ыйсаны ЭЭРЧИСЕК, Кудай бизди бардык күнөөдөн ТАЗАЛАП, өз үй-бүлөсүнө КАБЫЛ АЛАРЫН айтат.

Кудай биздин ичибизде болуу үчүн жана Ыйсаны ээрчүүгө жөндөмдүү кылуу үчүн ЫЙЫК РУХУН жиберет. Биз бул калыбына келтирилген мамилелерди көрсөтүп, аларга мөөр басуу үчүн ЧӨМҮЛДҮРҮЛӨБҮЗ.

Өлүмдүн символу катары биз сууга киребиз. Жаңы өмүрдүн символу катары биз Ыйсаны ээрчүү үчүн суудан чыгабыз.

Ыйса өлүмдөн тирилгенде, 40 күн жерде өткөргөн.

Ыйса Өзүнүн жолдоочуларын бардык жерге барып Анын куткаруусу тууралуу дүйнөдөгү ар бир адамга жакшы кабар айтуу керектигин үйрөткөн. Ыйса мындай деген: "Асмандагы жана жер үстүндөгү бардык бийлик Мага берилди. БАРГЫЛА да, бардык элдерди Мага ШАКИРТ КЫЛГЫЛА. Аларды Ата, Уул жана Ыйык Рухтун атынан сууга чөмүлдүргүлө. Силерге буйругандарымдын бардыгын аткарууну аларга ҮЙРӨТКҮЛӨ. Бул дүйнөнүн акырына чейин, бардык убакта Мен силер менен болом".

Ыйса алардын көз алдында асманга КӨТӨРҮЛҮП КЕТКЕН. Бир күнү Ыйса кандай кетсе ошондо жол менен КАЙРА КЕЛЕТ. Ал Өзүн сүйбөгөндөрдү жана Өзүнө баш ийбегендерди ТҮБӨЛҮККӨ ЖАЗАЛАЙТ. Ал Өзүн сүйгөндөрдү жана Өзүнө баш ийгендерди КАБЫЛ АЛЫП, аларга ТҮБӨЛҮК СЫЙЛЫК БЕРЕТ. Биз Аны менен Жаңы асманда жана Жаңы жерде ТҮБӨЛҮККӨ ЖАШАЙБЫЗ.

Жакшы кабарды айтып берүүнү окуяны сүрдөбөй айтып калганга чейин өз алдынча практика кылыңыз.

Ыйса мындай деген: "Баргыла да, бардык элдерди Мага шакирт кылгыла. Аларды Ата, Уул жана Ыйык Рухтун атынан сууга чөмүлдүргүлө..." Чөмүлдүрүү - же түпкү тилде "баптизо" сууга чылоо же чөмүлүүнү билдирет; бул кездемени боёкко чылаганда, ал түстү сиңирип боёлуп калган сыяктуу.

Чөмүлдүрүү - бул Ыйсанын образына чыланып, Кудайга баш ийүү менен өзгөргөн жаңы өмүрдүн сүрөттөмөсү. Бул - Ыйса биздин күнөөбүз үчүн өлгөндөй, биз да күнөө үчүн өлгөнүбүздү, Ыйса көргө коюлгандай, биздин эски жашообуздун көмүлгөнүн билдирген сүрөттөмө; Ыйса тирилип, бүгүнкү күндө тирүү болгон сыяктуу, Ыйсада жаңы жашоого төрөлүү.

Сиз мурун эч кимди чөмүлдүргөн эмес болсоңуз, бул коркунучтуу сезилиши мүмкүн, бирок коркуп кереги жок. Бул жерде жөнөкөй кадамдар бар. Акпай турган суу табыңыз, ал жаңы шакирт чөмүлө алгыдай терең болушу керек. Бул көлмө, дарыя же океан болушу мүмкүн. Же болбосо кирингич же суу топтоонун башка жолу болушу мүмкүн.

Шакирт бир колу менен сиздин колуңузду кармасын, экинчи колуңуз менен далысын жөлөңүз.

Шакирт чечимин туура түшүнгөнүн ырастоо үчүн, ага төмөнкүдөй эки суроо бериңиз.

• "Ыйса Машайакты Теңирим жана Куткаруучум деп кабыл алдыңызбы?"
• "Сиз өмүр бою Ага Падышаңыз катары баш ийип, кызмат кыласызбы?"

Ал эки суроого тең "Ооба" десе, бул сыяктуу сөздөрдү айтыңыз:

• "Сен Теңир Ыйсага болгон ишенимиңди жарыялаганың үчүн, Мен сени азыр Ата, Уул жана Ыйык Рухтун урматына сууга чөмүлдүрөм".

Аларга сууга кирип, толук чөмүлүүгө анан кайра суудан турууга жардам бериңиз.

Сиз Ыйсанын жаңы жолдоочусун чөмүлттүңүз; ал асмандын жаңы жараны -Тирүү Кудайдын жаңы баласы Бул кубана турган убакыт!

Чөмүлдүрүү - бул Ыйса жолдоочуларына берген биринчи расми жана Зуме шаймандар топтомунунпайдубалы.

Ыйса жолдоочуларына: "Буга силер өзүңөр күбөсүңөр", - деген. Ыйсанын жолдоочулары катары биз да "күбөлөрбүз"; биз да Ыйса жашообузга кандай таасир тийгизгенин "күбөлөндүрөбүз". Сенин Кудай менен мамилең жөнүндө окуяң сенин күбөлүгүң деп аталат. Ар бир адамдын окуясы бар. Сенде аны айтып берүүгө мүмкүнчүлүк бар.

Айтып берүү үчүн бир же эки жолдоочуну тандагыла, анан 100дүн тизмесинен 5 атты тандагыла. "Машайакчы эмес" же "руханий абалы белгисиз" деген адамды тандаганыңды тактап алуу керек. Күбөлүгүңдү - Ыйса жөнүндө окуяңды шеригиңе айтып бергенде, ал тизмеңден тандаган беш адамдын бири деп элестетип айтып берип машыгуу керек. Окуяңды беш адамдын ар бирине ылайыктуу кылуу үчүн, айтып машыгуу керек. Окуяңды кыскача үч мүнөттүн ичинде айтып бөлүшүүгө жөндөмдүү болушуң керек болот.

Окуяңды түзүп чыгуунун көптөгөн жолдору бар. Төмөндө биз башкаларга жардам берген жолдорду айтып беребиз: Эмнеге Ыйсаны ээрчүүнү тандаганың тууралуу жөн эле бөлүшсөң болот. Бул жаңы ишенүүчүгө жакшы жардам берет. Сен "мурун" жана "азыр" деген сөздөрдү колдонуп, Ыйсаны билгенге чейин жашооң кандай болгонун жана азыр жашооң кандай экенин айтып берсең болот. Окуя жөнөкөй жана күчтүү болот.

Сен "Аны менен" жана "Ансыз" деген сөздөрдү колдонуп, "Ыйса менен" жашоо кандай экенин жана "Ыйсасыз" жашоо кандай болмок экенин айтып берсең болот. Ишенимге жаш куракта келген болсоң, окуянын ушундай түрү таасирдүү болот.

Бөлүшүп бүткөндөн кийин, кезекти шеригиңе бер. Экөөңөр тең тизмеңердеги беш адамга окуяны айтып бүткөнгө чейин кезектешип, уланткыла. Мындан да көбүрөөк таасир бергиң келеби?

Окуяңды бөлүшүп жатканда, аны үч бөлүктөн турган процесс катары кароонун жардамы тийет:

• Алардын окуясы: Сен сүйлөшүп жаткан адамдан анын руханий саякаты тууралуу сура.
• Сенин окуяң: Анан анын тажрыйбасына ылайыкташтырып өз күбөлүгүңдү бөлүш.
• Кудайдын окуясы: Акыры Кудайдын окуясын алардын дүйнө карашына, баалуулуктарына жана артыкчылыктарына шайкеш келтирип бөлүш.

Кантип баштайм деп сарсанаа болуп жатсаң -жөнөкөй кылып айт.

Эмнеге Ыйсаны ээрчүүгө чечим чыгарганынды бөлүш. Кудай жашоолорду өзгөртүү үчүн сенин окуяңды колдонушу мүмкүн, бирок сен аны айтып беришиң керек болот.

Сенин Үч-Мүнөттүк күбөлүгүң -Зуме шаймандар топтомундагы дагы бир жөнөкөй курал.

Мазмуну:

Күбөлүктөрдүн үч негизги түрү

Окуяңызды ар түрдүү кылып түзсөңүз болот, бирок төмөндө биз жакшы натыйжа алып келген түрлөрүн бердик:

• Жөнөкөй билдирүү - Ыйсаны ээрчүүнү эмнеге тандаганыңыз тууралуу бир жөнөкөй билдирүүнү бөлүшсөңүз болот. Бул жаңы эле ишенип жаткан адамга ылайык келет.
• "Чейин" жана "кийин" - Сиз Ыйсага ишенгенге чейин жашооңуз кандай болгонун жана азыр кандай болуп калганын, "чейин" жана "кийин" деген сөздөрдү колдонуп бөлушсөңүз болот. Бул жөнөкөй жана күчтүү ыкма.
• Аны менен жана Ансыз -жашооңуз "Ыйса менен" кандай болуп калганын жана "Ансыз" кандай болмок экенин бөлүшсөңүз болот. Бул ыкма ишенимге жаш кезде келген болсоңуз ылайыктуу келет.

Күбөлүгүңүздү бөлүшүүнүн үч бөлүгү

Окуяңызды бөлүшкөндө аны үч бөлүктөн турган процесс катары элестетүү пайдалуу.

• Алардын окуясы - Сүйлөшүп жаткан адамдан анын руханий саякаты тууралуу сураңыз.
• Сиздин окуяңыз - Анан алардын тажрыйбасына негизделген күбөлүгүңүздү айтып бериңиз.
• Кудайдын окуясы - Акыры алардын дүйнө таанымына, баалуулуктарына жана артыкчылыктарына ылайык Кудайдын окуясын бөлүшүңүз.

Күбөлүгүңүз таасирдүү болуу үчүн узак же өтө көп маалыматты камтышы зарыл эмес. Чынында окуяңызды 3 мүнөттөй айтсаңыз, суроолорго жана тереңирээк сүйлөшүүгө убакыт калат. Кудай сиздин окуяңызды жашоолорду өзгөртүү үчүн колдоно алат, бирок эсиңизде болсун - аны сиз айтасыз.

Бул сабакта биз Кудайдын УЛУУ, УЛУУРААК жана ЭҢ УЛУУ батасы тууралуу жана аны башкалар менен бөлүшүү тууралуу сүйлөшөбүз. Адам Ыйсаны ээрчүүнү тандаганда, аларга кантип туура жолго түшүүгө жардам бересиңер? Аларга Кудай Падышалыгында керектөөчү эмес өндүрүүчү болууга кантип жардам бересиңер Аларга кантип Кудай берүүнү каалаган баталарды алууга жардам бересиңер?

Мен сөздү мындай деп баштайм...

• Ыйсаны ээрчиген - бул бата.
• Башкаларды Ыйсаны ээрчүүгө алып келүү - бул улуу бата.
• Жаңы руханий үй-бүлөнү баштоо - бул чоңураак бата.
• Башкаларды жаңы руханий үй-бүлө баштоо үчүн даярдоо - бул эң чоң бата.

Сиз Кудайды ээрчүүнү тандадыңыз, ошондуктан Кудай сизди баталады. Мен сиздин да Кудайдын улуу, улуураак жана эң улуу батасын алууңузду каалайм.

Алар көбүрөөк билгиси келсе, Мен алардан тааныш 100 адамдын тизмесин жазууну суранам.
Анан ошол тизменин ичинен Ыйсаны тааныбаган -азыртан баштап бөлүшүүнү каалаган - беш адамдын атын тандап чыгууну суранам.

Ыйсаны ээрчүү - бул бата. Сиз бул батаны дагы ким менен бөлүшкүңүз келет? Мен аларга

КҮБӨЛҮГҮ менен бөлүшкөндү, Кудай алардын жашоосунда кылып жатканды бөлүшкөндү үйрөтөм. Мен аларга ЖАКШЫ КАБАРДЫ - Кудай дүйнөдө кылып жаткан окуяны бөлүшкөндү үйрөтөм. Мен аларга Кудайдын улуу, улуураак жана эң улуу батасын бөлүшкөндү үйрөтөм.

Мен алар азыртан бөлүшүүнү каалаган беш адамдын ар бири менен төмөнкүлөрдү кылып көргүлө дейм. Биринчиси - алардын окуясы. Анан Кудайдын окуясы. Анан Кудайдын батасы. Мен алардын тизмесиндеги беш адамдын ар биринин ролун ойнойм. Алар улам улам өз окуясын бөлүшөт. Алар Кудайдын окуясын бөлүшөт. Алар мени Ыйсанын жолдоочусу болууга чакырышат. Алар Кудайдын улуу, улуураак жана эң улуу батасы тууралуу үйрөтүшөт. Мен аларга ар жолкуда ал адам бере турган суроолорду берем жана ойлорду айтып турам. Көнүгүү кылгандан кийин, мен алар менен мүмкүн болсо бөлүшүү кандай болуп жатканын көрүүгө эки күндөн кийин жолугушууну суранам.

Мен аларга тизмедеги бешөө менен жолукканга жетиштүү убакыт берем, бирок кийинкиге калтырып же унутуп калбагандай кылам.

Мен дайыма телефон номерин же имэйл дарегин же башка байланыш жолун сурайм. Мен Кудай аларга мени менен бөлүшкөндө бергендей туура сөздү берсин деп сыйынам.

Биз эки күндөн кийин кайра жолугуп бөлүшүү кандай болуп жатканын сүйлөшөбүз.

Алар бөлүшпөгөн болсо, мен аларга кайра көнүгүү кылууну сунуштайм. Мен аларга жолугууга мүмкүн болгон бешөөнүн бирөөнө дароо барып жолугушууну сунуштайм. Мен аларга бөлүшүүгө жардам берген бардык нерсени кылам. Бирок мен жаңы нерселерди айтпайм. Мен аларга буга чейин үйрөнгөнүн аткарганга эң жакшы мүмкүнчүлүк бергим келет.

Алар каршы чыкса же шылтоо айтса, Мен Кудайдан ал чындап эле Анын Падышалыгы үчүн жемиштүү "жакшы топуракпы" деп же мен башка адамга салым кылышым керекпи деп сурайм.

Алар бөлүшкөн болсо - биз кубанабыз!

Тизмедегилердин эч кимиси ишенип калбаса да, Мен алар УГУП, БАШ ИЙИП, БӨЛҮШКӨНҮНӨ кубанам. Бул - ишенимдүүлүк. Алар кичине нерседе ишенимдүү болгондуктан, чоңураакты бөлүшүүгө сүйүнөм.

Мен ЧӨМҮЛДҮРҮҮ тууралуу жана алар колдоно турган башка куралды бөлүшөм. Бул - _____ жана _______. Мен алардан 100 адамдын тизмесинен башка Ыйсаны тааныбаган же ээрчибеген адамдарды тандоону суранам.

Андан кийин мурункудай эле алар менен алардын окуясы, Кудайдын окуясы жана Кудайдын баталары тууралуу айтууну көнүгүү кылам. Анан биз сыйынабыз. Алар бөлүшүп, алардын тизмесинен бирөө ишенип калса, биз чындап КУБАНАБЫЗ!

Кудайдын үй-бүлөсү чоңойуп жатат! Мен дайыма алардан алар улуу, улуураак жана эң улуу бата тууралуу айканын сурайм, анткени Кудайдын үй-бүлөсүн ушулар өстүрөт.

Алар Кудайдын баталарын бөлүшкөн эмес болсо, биз кайталайбыз -- ошол баталарды, Ыйсанын жаңы жолдоочусу кантип тизме жасай аларын, кантип өз окуясын бөлүшө аларын, Кудайдын окуясын жана баталарды бөлүшө аларын - Ыйсанын жаңы жолдоочусу да бөлүшүүнү үйрөнүшү керектигин сүйлөшөбүз.

Көнүгүү кылгандан кийин Мен аларды кайра бөлүшүүнү улантуу үчүн жаңы ишенүүчүгө кайра жиберем. Ал эми алар бөлүшкөндө тизмеден бирөө ишенип калып, ал аны менен баталарды бөлүшкөн болсочу?

Анда мындай болот... Мен аябай КУБАНАМ.

Бул адам Кудай "жакшы топурак" деп атаган адам -- ал мен элестетпеген жолдор менен Кудайдын үй-бүлөсүн өстүрүшү мүмкүн! Мен ушундай адамга жолуккан учурда, Алар менен көбүрөөк жолугууну пландайм. Мен алардын руханий өнүгүүсүнө чоң салым кылам.

Мен ЧӨМҮЛДҮРҮҮ, ҮЧТӨН-ҮЧ ТОПТОРУН баштоо сыяктуу жаңы сабакты бөлүшөм. Эми алар ошол Ыйсанын жаңы жолдоочулары менен руханий үй-бүлө катары өсүп баштай алышат.

Алар ишенимдүү болгондуктан, Мен болушунча көп бөлүшүүгө жана Кудай эмне кыларын көрүүгө умтулам. Улам кийинки кадамды таштайм. Аларга дайыма ҮЙРӨНҮҮГӨ, БАШ ИЙҮҮГӨ жана билгенин БӨЛҮШҮҮГӨ мүмкүнчүлүк берем.

Мен ошондой эле ал адам үчүн, алар менен бөлүшүп, үйрөнүүгө мүмкүнчүлүк бергенине Кудайга ыраазычылык айтып Кудай аларга ЭҢ УЛУУ БАТАСЫН берсин деп тез-тез сыйынам.

Зуме тренингине кош келиңиздер! Бул сабакта биз өрдөк балапандардын жаңы чуркап баса баштаганын үйрөнүү бизге шакирт жасоонун маанилүү эки принцибин түшүнүүгө кандай жардам берерин үйрөнөбүз.

Качандыр бир убакта сейилдеген өрдөк балапандарды көрдүңүз беле?

Дүйнөнүн кайсы жеринде болбосун бул бардык жерде бирдей. Эне өрдөк ар бирин тизип алып ээрчитет, балапандар болсо тизилип алып ээрчишет. Эне өрдөк ээрчитет. Балапандар болсо ээрчийт.

Бирок жакыныраак карасаңыз, дагы бир нерсе болуп жатканын көрөсүз. Чынында ар бир кичинекей балапан бир эле учурда эки ролду аткарып жатат. Ар бир кичинекей өрдөк ЖОЛДООЧУ, анткени ал эне өрдөктү же башка алдында кетип бара жаткан балапанды ээрчип бара жатат.

Ошол эле учурда ар бир балапан -- ЖЕТЕКЧИ, анткени ал башка артынан келе жаткан балапанды (же балапандарды) ээрчитип кетип бара жатат.

Демек, балапан ЖОЛДООЧУБУ же ЖЕТЕКЧИБИ? Экөө тең. Мына ушул себептен "сейилдеп жүргөн" өрдөктөрдүн шакиртчилик менен байланышы бар.

Кудай Анын үй-бүлөсү чоңоюп өсүшүн каалагандыктан, бир эле учурда ар бир жолдоочу жетекчи болуусун, ар бир ишенүүчү бөлүшүүчү болуусун, ар бир шакирт шакирт жасоочу болуусун күтөт.

Шакирттер же шакирт жасоочулар катары биз кулаган тузактардын бири -биз бирөө менен бөлүшүүдөн мурун баарын же өтө көп нерсени билишибиз керек деген жалган түшүнүк. Бирок шакиртчиликте андай болбойт.

Шакирттер балапандар сыяктуу. Аларга жетекчи болуу үчүн баарын билип кереги жок. Жетекчи болгону бир кадам алдыда болот. Кудай Өз үй-бүлөсүнүн ишенимдүүлүктө өсүүсүн каалайт -ошондуктан бир эле учурда ар бир жетекчинин жолдоочу болуусун, ар бир бөлүшүүчү ишенүүчү болуусун жана ар бир шакирт жасоочу шакир болуусун күтүп жатат.

Шакирттер жана шакирт жасоочулар катары биз кулаган дагы бир тузак -кайсы бир жерде бардыгын билген кимдир бирөө бар, эгер биз аларды таап, алардын артынан ээрчисек, баары жайында болот дегендик.

Бирок шакиртчилик мындай жол менен да иштебейт.

Кудай Падышалыгында баарыбыз ээрчиген бир гана "Эне Өрдөк", башкача айтканда Ыйса Машайак бар. Миссионер эмес. Пастор эмес. Семинария мугалими эмес. Ыйса гана толук Ага ишенүүгө татыктуу.

Калган баарыбыз "өсүү жолундабыз". Ыйсага жакыныраак биз ээрчий турган бирөө дайыма болот жана дайыма биздин артыбызда ээрчите турган бирөө болот. Бирок кандай орунда болбойлу, көздөрүбүз - жана жүрөктөрүбүз -дайыма Ыйса тарапты жакшылап карашы керек.

Ыйык Китепте, Жаңы Келишимдин көпчүлүк бөлүгүн жазган жана көп жыйындарды негиздеген Пабыл жөн гана "Мени ээрчигиле" -деген эмес. "Мен Ыйсаны ээрчигендей, мени ээрчигиле" дейт ал.

Пабыл бардык өрдөк балапандар билгенди жана ар бир шакирт да билиш керек болгонду билген - Кудай Падышалыгында ар бир жетекчи жолдоочу болушу керек жана баарыбыз Ыйсаны ээрчийбиз.

Пабыл Ыйык Китепте дагы мындай дейт: Көп күбөлөрдүн көзүнчө менден укканыңды башкаларды да үйрөтө ала турган, ишенимдүү адамдарга айт".

Пабыл бардык өрдөк балапандар билгенди жана ар бир шакирт да билиш керек болгонду билген. Кудайдын Падышалыгында ар бир жолдоочу жетекчи болушу керек жана баарыбыз Ыйсадай жетектеп, башкалар үчүн өмүрүбүздү беришибиз керек.

Эгер Кудайдын үй-бүлөсү чоңойгонун жана ишенимдүү болуп өскөнүн көргүңүз келсе, шакирт жасоону балапандардай көрүп, бир эле учурда жолдоочу жана жетекчи болушуңуз керек.

Бул сабакта биз Кудайдын Падышалыгы кайсы жерде жок экенин көргөндө, шакирттер кантип тез кеңейип көбөйөрүн үйрөнөбүз.

Адам баласы катары биз көрө алган нерсеге көңүл буруп, ал үчүн иштейбиз. Биз муну реалдуулук дейбиз. Жашоодо ушундай болот. Бирок биз көрүнбөгөн нерселерге көңүл бурганда падышалык тез өсөт. Бул - жок нерселер. Же азырынча жок нерселер десе болот.

Биздин айланабызда Кудайдын эрки асмандагыдай эле жерде аткарылбаган - талкалануу, жараат, куугунтук менен азаптын өтө чоң боштуктары бар жерлер, атүгүл өлүм да күнүмдүк жашоонун кадимки бир бөлүгү.

Ыйсанын ар бир жолдоочусу - ар бир шакирт Кудай Падышалыгы кайсы жерде бар экенин эле эмес,кайсы жерде жок экенин билиши керек. Падышалыктын иши - ошол боштуктарга жана ошол караңгы жерлерге кирип, жаракаларды жабууга аракет кылуу жана жерде өткөргөн убактыбызда жарык менен өмүр алып келүү.

Кайсы жер Кудайдын Падышалыгы эмес экенин биз тааныган жана жолуга элек адамдар аркылуу эки жол менен көрсөк болот.

Биринчи жолу - биз мурунтан тааныган адамдар аркылуу - МАМИЛЕБИЗ БАР досторубуз жана үй-бүлөбүз, кызматташтар, классташтар, кошуналар, жана башка. Кудайдын Окуясы ушундай жол менен ЭҢ БАТ тарайт. Биз бул адамдарды жакшы көрүп, аларга кам көрөбүз, анткени тааныйбыз. Бул табигый нерсе.

Ыйса өзүмчүл, жашоодо текебер, эми тозокто жазасын алган бай адам тууралуу окуя айтып берген. Бай мындай деп жалынат: "Лазарды атамдын үйүнө жиберчи. Анткени менин беш бир тууганым бар. Алар да бул азаптуу жайга келбеши үчүн..."

Ыйса өзүмчүл жана кыйналып жаткан адамдар да өз жакындарын сүйөт жана алар тууралуу кам көрүшөт.

Биз тааныган адамдардын жашообузда болгон себеби Кудай бизди сүйөт жана биздин аларды сүйүүбүздү каалайт. Биз ушул мамилелерде сүйүү, чыдамдуулук жана туруктуулук менен жакшы кызматчы болушубуз керек. Шакирттер Кудай алардын жанына жиберген адамдарга кам көрүп жана аларга кам көрүү үчүн кандайдыр бир пландарды түзгөндө көбөйүшөт.

Биз алардын кам көрүүсүн арттырып, бир нече кадам менен көбөйүү үчүн жөнөкөй план түзө алабыз. Мына мынтип: Алар мурунтан тааныган 100 адамдын тизмесин түзүшсүн. Алар ошол тизмени 3 категорияга бөлүшсүн.

• Ыйсаны ээрчиген адамдар.
• Ыйсаны ээрчибеген адамдар.
• Ээрчигенин же ээрчибегенин так билбеген адамдар.

Ыйсаны ээрчигендерди -шакирттер жемиштүү жана ишенимдүү болууга даярдап, шыктандырса болот. Ыйсаны ээрчибегендерге шакирттер аларды сүйгөн Кудай жөнүндө бөлүшүп, тааныштырууну үйрөнсө болот. Өз абалын так билбегендерге болсо -шакирттер убактысын салым кылып, көбүрөөк таанып билсе болот.

Биз Кудайдын Падышалыгы кайда жок экенин жолуга элек адамдар аркылуу да билебиз. Булар биздин МАМИЛЕБИЗДЕН СЫРТКАРЫ адамдар -биз тааныбаган адамдар биз саламдашып гана койгон коңшу адамдар, өтүп бараткан ишкер мырзалар жана айымдар, биз барып көрө элек айылдагы, шаарчадагы жана шаардагы чоочун адамдар.

Ыйса мындай деген: Бардык элдерди мага шакирт кылгыла. Ыйса мындай деген: Иерусалимде, бүт Жүйүт аймагында, Самарияда, атүгүл, бүт дүйнө жүзүндө Менин күбөлөрүм болосуңар.

Тааныш адамдар менен бөлүшүү аркылуу Кудайдын Окуясы ЭҢ ТЕЗ тарайт. Биз тааныбаган адамдар менен бөлүшүү аркылуу Кудайдын Окуясы ЭҢ АЛЫС тарайт.

Тааныбагандарга сүйүү көргөзүп, аларга кам көрүү табигый нерсе эмес. Бул - жашообуздагы Ыйык Рухтун табияттан тыш иштегенинин далили. Кудай акыркы, кичине жана адашкандарды баарынан жакшы көрөт. Анын жүрөгү кайра-кайра ушундай адамдарга кайрылат.

Кудайга окшош болгубуз келсе, ушундай адамдарга жашообузду салым кылышыбыз керек. Кудай бизди баргыла дейт. Баруунун бир бөлүгү жакындарга барууну эле эмес, дүйнөнүн руханий эң караңгы булуң-бурчтарында жашаган адамдарга, Ыйса деген ысымды эч качан укпагандарга баруу керек экенин дагы камтыйт.

Кудайдын Сөзү айткандай, Кудай текеберлерге каршы турат, ал эми момундарга ырайым кылат. Ыйсанын жолдоочусу катары биз Ал бизге ырайым кылгандай, момун, көңүлү чөккөн жана адашкандарга ырайым кылышыбыз керек. Шакирттер Кудай алардын жашоосуна жиберген адамдарга кам көрүп баштаганда көбөйүшөт. Шакирттер Кудай алардын жашоосуна жибербеген адамдарга кам көргөндө андан да көбүрөөк көбөйүшөт. Бирок ошондо да алар планга муктаж.

Сиз шакирттерге кам көрүүсүн арттырууга жардам берип, Кудай жүрөгүн угууга даярдап койгон адамдарды көрүүгө үйрөтүү аркылуу көбөйүүнүн жөнөкөй планын түзсөңүз болот. Ыйса мындай деген: Кайсы үйгө кирсеңер да, адегенде: "Бул үйгө тынчтык келсин!" - деп айткыла. Эгерде ал үйдө тынчтыкты кабыл ала турган адам болсо, анда силердин тынчтыгыңар ошол үйдө калат. Эгерде жок болсо, анда өзүңөргө кайтып келет.

Кудай жүрөгүн угууга даярдап койгон адам - бул ТЫНЧТЫКТЫН АДАМЫ; ал Кудайдын кабарын кабыл алат, БАШ ИЙҮҮ жана башкалар менен БӨЛҮШҮҮДӨ ишенимдүү болот. Тааныштарыбыз аябай аз болгон жерде досторубуз, үй-бүлөбүз, кызматташ, классташтар,коңшуларыбыз менен бөлүшкөндүн ордуна тынчтыктын адамын аларга барууну үйрөтөбүз.

Бирок ишенимдүүлөргө көңүл топтогондо гана эң жакшы натыйжа болот. Ишенимдүүлүк Кудай айтканга БАШ ИЙҮҮ жана башкалар менен БӨЛҮШҮҮ аркылуу көрсөтүлөрүн унутпаңыз. Баш ийген жана бөлүшкөн ишенимдүү адамдар Ыйса айткан жакшы топурак сыяктуу.

Ыйса мындай деген: "Кээ бир үрөндөр жакшы топуракка түшүп, бири жүз эсе, бири алтымыш эсе, бири отуз эсе түшүм берди".

• Ишенимдүү адамдардын жүрөгү Кудайдын Сөзүн четке какпайт.
• Ишенимдүү адамдар куугунтук болуп кыйналганда, тескери бурулуп кетип калбайт.
• Ишенимдүү адамдар бул дүйнөнүн кыска мөөнөттүү түйшүгүнө жана байлыгына азгырылбайт.
• Ишенимдүү адамдар Гераса аймагындагы жин оорулуу адамга окшош; ал баш ийип, Ыйса көрсөткөн нерсени бөлүшкөн.

Бир ишенимдүү адам баш ийип, бөлүшкөнү үчүн, көптөгөн адамдар Ыйсаны таанып билгиси келген.

Кайсы жерде Кудайдын Падышалыгы жок экенин көрүү жана биз тааныган жана тааныбаган адамдарга жетүү аркылуу шакиртчилик көбөйөт, ал эми Кудайдын Падышалыгы тез кеңейип, көбөйөт.

Ыйса мындай деген: " Мен асмандан түшкөн тирүү нанмын. Бул нанды жеген адам түбөлүк жашайт. Мен бере турган нан - бул менин денем. Мен аны адамзаттын өмүрү үчүн берем".

Нан сындыруу же "Теңирдин Кечки Тамагы" - Ыйса менен жакын байланышыбызга жана үзгүлтүксүз мамилебизге кубанып шаттануунун жолу.

Ыйсанын жолдоочусу катары чогулган учурда кубануунун, тынчтыкта ой жүгүртүп,үндөбөй ойлонуунун жана күнөөлөрдү ачык айтуунун жөнөкөй жолу бар.

Араңардан бирөө Жазуудан бул үзүндүнү окусун _-- "Силерге үйрөткөндөрүмдү мен Теңирден алгам. Адамдардын колуна салынып берилер түнү Теңир Ыйса нанды алып Кудайга ыраазычылык билдирип... нанды сындырып, мындай деген: "Бул менин силер үчүн сындырылган денем. Бул нанды мени эскериш үчүн жегиле". _(1 Корунттуктарга 11:23-24)

Топтогуларга даярдаган нанды таратып берип, жегиле.

Окууну уланткыла -- " Тамактан кийин чөйчөктү да алып, мындай деген: 'Бул чөйчөк менин каным менен бекитиле турган жаңы келишим. Бул шараптан ичкен сайын мени эскергиле'". (1 Корунттуктарга 11:25)

Топтогуларга даярдаган шире же шарапты таратып берип, ичкиле.

Окуп бүтүргүлө -- _" Бул нандан жеп, бул чөйчөктөгү шараптан ичкен сайын, Теңир келгенге чейин, силер Анын өлүмүн жарыялайсыңар". _(1 Корунттуктарга 11:26)

Ушинтип Теңирдин Кечки тамагын бөлүштүңөр.

Сыйынып же ырдап кубангыла, Ал силерге, силер Ага таандыксыңар!

Теңирдин Кечки тамагы - Алгачкы Жыйындан калган ыйык расми жана Зуме шаймандар топтомундагы өтө керектүү бөлүк.

Мазмуну:

Ыйсанын жолдоочулары катары чогулганда:

1. Тынчтыкта ой жүгүртүп, үн катпай күнөөлөрүңүз жөнүндө ойлонуп аларды моюнга алыңыз.
2. Даяр болгондо, кимдир бирөө кийинки Жазуудан үзүндүнү окусун: " Силерге үйрөткөндөрүмдү мен Теңирден алгам. Адамдардын колуна салынып берилер түнү Теңир Ыйса нанды алып, Кудайга ыраазычылык билдирип сыйынгандан кийин, нанды сындырып, мындай деген: «Алгыла, жегиле. Бул Менин силер үчүн сындырылган Денем. Бул нанды Мени эскериш үчүн жегиле». (1 Корунттуктарга 11:23)
3. Тобуңуз үчүн даярдалган нанды таратып аны жегиле.
4. Окууну уланткыла - Тамактан кийин чөйчөктү да алып, мындай деген: « Бул чөйчөк - Менин Каным менен бекитиле турган жаңы келишим. Бул шараптан ичкен сайын, Мени эскергиле». (1 Корунттуктарга 11:25)
5. Тобуңуз үчүн даярдап койгон ширени же шарапты таратып, ичкиле.
6. Акырына чейин окугула: "Бул нандан жеп, бул чөйчөктөгү шараптан ичкен сайын, Теңир келгенге чейин, силер Анын өлүмү жөнүндө жарыялайсыңар ". (1 Корунттуктарга 11:26)

Сыйынуу же ырдоо менен кубангыла. Силер Теңирдин Кечки Тамагын бөлүштүңөр. Силер Аныкысыңар жана Ал силердики!

Кудайдын Сөзү бизге "такыбаалык, тазалык менен бейпил жана коогасыз жашашыбыз үчүн бардык адамдар үчүн падышалар жана бардык башкаруучулар --үчүн сыйынгыла, өтүнгүлө, жалынгыла жана ыраазычылык билдиргиле. Анткени бул жакшы жана Куткаруучубуз Кудайга жагат, Анткени ал бардык адамдардын куткарылышын чындыкты таанып билишин каалайт",- дейт.

Басып сыйынуу башкалар үчүн сыйын деген Кудайдын буйругуна баш ийүүнүнжөнөкөй жолу. Басып сыйынуу деген өзү айтып тургандай -басып жүрүп сыйынууну билдирет.

Көзүбүздү жуумп, башыбызды ийгендин ордуна айланабыздагы муктаждыктарды көрүү үчүн көзүбүздү ачып, момундук менен Кудайдын кийлигишүүсүн сурануу үчүн жүрөктө таазим кылабыз. Силер эки же үч адамдан турган топто басып сыйынсаңар болот. же өзүңүз басып сыйынсаңыз болот.

Топ болуп чыксаңар - ар бир адам үнүн чыгарып, ар бир көргөн нерсеси үчүн жана Кудай жүрөккө салган ар бир муктаждык үчүн Кудай менен сүйлөшүп сыйына алгыдай болсун.

Жалгыз чыксаңыз - акырын сыйыныңыз же жолдо жолуккан бирөө менен сыйынсаңыз үн чыгарып сыйыныңыз.

Бул жерде эмне үчүн сыйынуу керектигин билинүүнүн төрт жолу бар Басып сыйынган маалда:

• Байкоо жүргүзгүлө --Эмнени көрүп жатасыңар? Сыртта ойноп жаткан баланы көрсөңөр, бул сизге коңшу балдар үчүн, айланадагы үй-бүлөлөр жана мектептер үчүн сыйынууга түрткү бериши мүмкүн.
• Изилдегиле --Эмнени билесиңер? Коңшулук жөнүндө маалымат издеген болсоңуз, ошол жерде жашаган адамдар жөнүндө бир нерсе билишиңиз мүмкүн же аймак кылмыштан же адилетсиздиктен жабыр тартса, булар тууралуу сыйынып, Кудай иштесин деп сурангыла.
• Ачылыш --Ыйык Рух жүрөгүңөргө тийиштүү чөйрө же муктаждык үчүн сыйынууга түрткү берип же эстетиши мүмкүн. Уккула - анан сыйынгыла!
• Жазуу -Басып сыйынууга даярдануу үчүн Кудайдын Сөзүнөн аяттарды окусаңар болот же басып бара жатканда Ыйык Рух оюңарга Жазуудан сөз эстетиши мүмкүн. Ошол аят боюнча, ал аят аймактагы адамдарга таасир кылсын деп сыйынгыла.

Басып сыйынганда көңүл бура турган ТААСИР ТИЙГИЗҮҮЧҮ БЕШ ТАРМАК бар:

• Мамлекет -Сот имараттары, мамлекеттик мекмелердин, укук коргоо органдарынын имараттарын карап, алар үчүн сыйынгыла. Аймактын коопсуздугу, адилеттүүлүк үчүн, жетекчилер жогорудан акылмандуулукка ээ болсун деп сыйынгыла.
• Ишмердик жана соода -Коммерциялык же соода борборлор сыяктуу жерлерди таап, алар үчүн сыйынгыла. Таза салымдар жана булактарды туура колдонуу үчүн сыйынгыла. Экономикада адилеттүүлүк жана мүмкүнчүлүктөр, адамды кирешеден жогору койгон берешен такыба берүүчүлөр үчүн сыйынгыла.
• Билим -Мектептер жана административдик бөлүмдөр, кесипти үйрөтүүчү борборлор, колледждер жана университеттерди таап, алар үчүн сыйынгыла. Кудайдын чындыгын окуткан жана студенттердин акыл эсин коргогон адил мугалимдер үчүн сыйынгыла. Калпты жана башаламандыкты токтотуу үчүн Кудай ар бир ишке кийлигишсин деп сыйынгыла. Бул мекемелер кызмат кылуу жана жетектөө үчүн акылман жарандарды чыгарсын деп сыйынгыла.
• Байланыш тармактары -Радио берүү, теле берүү, газета басмаканалары сыяктуу массалык маалымат каражаттары үчүн сыйынгыла. Кудайдын Баяны жана Анын жолдоочуларынын күбөлүктөрү бүтүндөй шаарга жана дүйнө жүзүнө тарасын деп сыйынгыла. Анын кабары Анын ортомчулары аркылуу калың элге тарасын деп жана Кудайдын адамдары бардык жерде Кудайдын ишин көрсүн деп сыйынгыла.
• Руханий тармак -Жыйын имараттары, мечиттер же ибадатканалар сыяктуу руханий борборлор үчүн сыйынгыла. Ар бир руханий изденүүчү Ыйсада тынчтык жана бейпилдик таап, жалган окутууга азгырылып же адашып калбасын деп сыйынгыла.

Акыры, басып баратып сыйынганда жолуккан адамдар үчүн сыйынуунун мындай БЕШ ЖОЛУ бар:

Басып баратып сыйынганда, Мүмкүнчүлүктөрдү байкап, Кудайдын Руху берген түрткүнү сезип, жолдо кезиккен адамдар жана топтор үчүн сыйынгыла. Сиз мындай десеңиз болот: "Биз бул коомчулук үчүн сыйынып жатабыз, ага тиешелүү сыйына турган өзгөчө бир нерсе барбы?" Же мындай деңиз: "Мен бул аймак үчүн сыйынып жатам. Биз сыйына турган өзгөчө муктаждыктарды билесизби?" Алардын жообун уккандан кийин, алардын жеке муктаждыктарын сурасаңыз болот. Алар бөлүшсө, дароо алар үчүн сыйынгыла. Теңир жүрөккө салса, андан башка муктаждыктар үчүн да сыйынсаңар болот.

Эстеп калуу үчүн ДЖЭСР деген тамгаларды колдонуңуз. Сыйынуу үчүн беш башка ыкма:

• Дене (ден соолук)
• Жумуш (иш жана акча-каражат)
• Эмоционалдык(моралдык)чөйрө
• Социалдык чөйрө (мамилелер)
• Руханий чөйрө

Көпчүлүк учурда адамдар сыйынып бергениңизге ыраазы болот.

Ал адам машайакчы эмес болсо, сиздин сыйынууңуз руханий баарлашууга, сиздин окуяңызжы жана Кудайдын окуясын бөлүшүү мүмкүнчүлүгүнө эшик ачышы мүмкүн. Аларды Ыйык Китепти изилдөөгө катышууга же үйүндө чогуу изилдөөгө чакырсаңыз болот.

Эгер адам машайакчы болсо, аны сиз менен чогуу басып сыйынууга чакырсаңыз болот же аларга басып сыйынууда таасирдүү тармактар үчүн сыйынуу сыяктуу жөнөкөй ыкманы же Кудайдын үй-бүлөсү өсүшү үчүн ДЖЭСР сыйынуусун үйрөтсөңүз болот.

Басып сыйынуу -Зуме шаймандар топтомундагы дагы бир жөнөкөй курал.

Мурунку сабакта сиз Тынчтык адамы деген түшүнүк менен тааныштыңыз. Бул сабакта биз ким ошондой адам боло аларын тагыраак карап чыгып, ошондой адамды тапканыңызды кантип билсе болорун сүйлөшөбүз.

Тынчтыктын адамы Ыйсанын жолдоочулары өтө аз жерлерде да шакирт-жасоону тез жайылтууга жардам бере алат.

Ыйса шакирттерин жаңы аймакка шакирт жасоо үчүн жиберген учурда жөнөкөй, бирок стратегиялык көрсөтмө берген.

Ыйса мындай деген: Капчык да, баштык да, бут кийим да албагыла, жолдо эч ким менен саламдашпагыла Кайсы үйгө кирсеңер да, адегенде: "Бул үйгө тынчтык келсин!" - дегиле. ...Кабыл ала турган адам болсо, анда силердин тынчтыгыңар ошол үйдө калат. Эгерде жок болсо, анда өзүңөргө кайтып келет. Ошол үйдө калып, алардын берген тамагын ичип-жегиле. Анткени эмгектенген адам эмгек акысын алууга татыктуу. Үйдөн үйгө көчпөгүлө.

Бул аяттардын мааниси кандай?

Шакирт жасоону ойлогондо биз алгач каражаттарыбызды иретке келтирип--даана максат коюп, кыла турган иштер үчүн так план түзүү керек деп ойлоп алышыбыз мүмкүн. Бирок Ыйса "баргыла" деген болсо "бара" берүү керек! Бардык жерде, баарына айтуу керек! Бардык убакта!!!

Бирок Ыйса көрсөтмөлөрүндө каражат жана жалындап иш алып барууга кам санабай эле, борбордо эмне болуш керектигине көңүл бурган. Ыйса шакирттерин Тынчтыктын адамын издеп, ага салым кылуусун каалаган.

Шакирттер көп эмес же таптакыр жок жерде шакирт жасоону каалап жатсаңыз, Тынчтыктын адамын издөө сиз кыла турган эң маанилүү иш болушу мүмкүн.

Тынчтыктын адамы деген:

• Сиздин окуяны, Кудайдын окуясын жана Ыйсанын жакшы кабарын угуу үчүн жүрөгү АЧЫК адам.
• МЕЙМАНДОС, сиздерди үйүнө же иштеген жерде КАБЫЛ АЛГАН адам же үй-бүлө, достору менен иш чараларга катышууга чакырган адам.
• БАШКАЛАРДЫ ТААНЫГАН (же БАШКАЛАР ТААНЫГАН), кичинекей топту, а түгүл калың элди ээрчитип кете алган адам.
• ИШЕНИМДҮҮ жана үйрөнгөндөрүн сиз кеткенден кийин да башкалар менен БӨЛҮШӨ турган адам.

Ыйык Китепте биз Ыйса жана Анын жолдоочулары такыр күтүлбөгөн жерден Тынчтыктын адамына жолукканын көрөбүз.

Гадара аймагында Ыйса кишенделип, өзү жалгыз бөлүнүп жашаган жин оорулуу адамга жолуккан. Биз аны эч качан Тынчтыктын адамы деп эсептебейт элек, бирок Ал Ыйсаны угууга ачык болчу. Ал МЕЙМАНДОС болуп, Ыйсаны жашаган жеринде КАБЫЛ АЛГАН. Аны ЖАКШЫ ТААНЫШЧУ, калың эл таң калычтуу жүрүм-туруму үчүн деле аны оңой эле байкамак.

Ыйса аны ИШЕНИМДҮҮ деп тапкан жана ал Ыйсадан өзү алган нерсени коомчулугу жана бүт аймагы менен БӨЛҮШКӨН. Чынында Ыйса ошол аймакка кайтып келгенде, калың эл топтолуп, ушунча көп жолу уккан Адамды көрүүгө ынтызар болушкан.

Самарияда Ыйса кудуктун жанында аялга жолуккан. Ал Ыйсаны угууга АЧЫК, МЕЙМАНДОСТУККА даяр болгон, Анын суранычын аткарып суу берген. Биз анын беш күйөөгө тийип чыгып, эми башка эркек менен жашап атканын, демек аны көп АДАМДАР ТААНЫГАНЫ анык экенин биле алабыз. Ыйса ага сүйлөгөндөн кийин, ал ушунчалык ИШЕНИМДҮҮ, ушунчалык көп жана тез БӨЛҮШКӨНдө, бүт шаар Ыйсанын калуусун жана алар менен да бөлүшүүсүн суранган. Ыйса ошондой кылган.

Тынчтыктын адамы бардык жерде жашашы мүмкүн болсо, каалаган ишти кылган, биз жолуккан адамдардын бири болсо - биз аны кантип табабыз?

Анын жөнөкөй үч жолу бар:

Биз коомдогу адамдардан алар тууралуу пикирлерди СУРАЙБЫЗ Бул жерде адамдар кимге ишенишет? Бул жерде алгач өзүлөрү жөнүндө эмес, башкалар тууралуу ойлонгон адамдар барбы? Биз бир ысымды кайталап уга берсек, ошол адамга жолугууга аракет кылып, руханий идеяларды бөлүшүп, угууга жана бөлүшүүгө даярдыгын көрөбүз.

Басып сыйынуу учурунда, иштегенде же ойногондо, мүмкүнчүлүк болгон жердин баарында бирөөгө сыйынып берүүнү сунуштап, анан ошол сыйынууну руханий маекке айлантабыз.

Биз ар бир сүйлөшүүдө Кудай адамдын жашоосунда иштеп жатканын көрүү үчүн рухий идеяларды ТААНЫШТЫРАБЫЗ. Алар ачык болсо жана кааласа, биз алар көбүрөөк талкуу кылуу үчүн топ чогултууну каалайбы деп сурайбыз. Сунуштарды СУРАП, сыйынууну СУНУШТАП, рухий идеяларды ТААНЫШТЫРЫҢЫЗ. Булардын баары Тынчтык адамын издеп табуудагы процессти баштоонун жолдору.

Аларды кандай жол менен таппайлы, Ыйса Тынчтык адамы биз шакирт-жасоочу убактыбыздын көпчүлүгүн чогуу өткөрүүчү адам ошол деп айтканын унутпаңыз.

Биз убактыбызды эң "адилеттүү" колдонуунун жолу бардыгына бирдей кичинеден убактыбызды бөлүү деп ойлошубуз мүмкүн. Бирок Ыйса баары менен үстүртөн мамиле кылуубузду эмес, азыраак адам менен терең мамиле кылуубузду кааларын айткан жана көрсөткөн.

Ыйсага көп учурда калың эл тартылган, бирок Ыйса убактысынын көпчүлүк бөлүгүн эң жакын он эки жолдоочусу менен өткөрүү үчүн калың элден алыстаганын Ыйык Китеп кайра-кайра айтып берет.

Ошондой эле, бир нече жолу Ыйса андан да аз сандагы үч адамдан турган кичине топ менен убакыт өткөргөн.

Бир топ көбүрөөк күчкө, көбүрөөк энергияга кадырлуу бийликке, тартипке, акылмандуулукка билимге, түшүнүккө боорукердикке ээ болгон Ыйса аз сандагы адамга убактысын салым кылып, шакирттерине да ошондой кылгыла деген болсо, биз да Анын жеткилең үлгүсүн жолдогонубуз акылга сыярлык иш да, чынбы?

Тынчтык адамы.

Аны табуу кыйын - ал миңдин бири болушу мүмкүн. Бирок издөөгө татыктуу болгон жашырылган казына сыяктуу Кудайдын үй-бүлөсүн өстүрүүдө алардын баалуулугу өлчөнгүс.

Мазмуну:

ДЖЭС (БАТА) сыйынуусунун үлгүсү

ДЖЭС (БАТА) сыйынуусу сизге дайыма жолугуп калган адамдар, өзгөчө басып сыйынуу убагында сыйынуунун беш жолун көрсөтөт.

• Дене - ден соолук
• Жумуш - иш жана каражаттар
• Эмоционалдык чөйрө - жан-дүйнөнүн абалы
• Социалдык чөйрө - мамилелер
• Руханий - Кудайды көбүрөөк таануу жана билүү

Мазмуну:

Сиздин сыйынууңузду жетекетеген төрт булак:

1. БАЙКОО ЖҮРГҮЗҮҮ. Эмнени көрүп турасыз? Короодо баланын оюнчугун көрсөңүз, коңшу балдар, үй-бүлөлөр жана мектептер үчүн сыйынууга түрткү берет.
2. ИЗИЛДӨӨ. Эмнени билесиз? Коңшулук жөнүндө маалымат окуган болсоңуз ал жерде жашаган адамдар жөнүндө же ал аймак кылмыштуулуктан же адилетсиздиктен азап чегип жатканын билишиңиз мүмкүн. Булар тууралуу сыйынып, Кудайдын иштешин сураныңыз.
3. АЧЫЛЫШ. Ыйык Рух жүрөгүңүздү козгоп же өзгөчө тармак үчүн сыйынуу оюн салышы мүмкүн. Угуп - сыйыныңыз!
4. ЖАЗУУ. Басууга даярдык катары Кудайдын Сөзүнөн үзүндү окуңуз же басып баратканда Ыйык Рух Жазууну эске салышы мүмкүн. Ошол үзүндү жана анын ошол аймакка таасири тууралуу сыйыныңыз.

Сыйынууну багыттай турган беш таасир тармагы:

1. ӨКМӨТ. Сот имараттары, салык имараттары же укук коргоо органдарынын кеңселери сыяктуу өкмөттүк борборлорду издеп, аларга сыйынгыла. Аймакты коргоо, адилеттүүлүк жана анын жетекчилери үчүн Кудайдан келген акылмандык үчүн сыйынгыла.
2. БИЗНЕС ЖАНА СООДА. Финансы райондору же соода аймагы сыяктуу коммерциялык борборлорду издеп, алар үчүн сыйынгыла. Адилеттүү салымдарды кылуу жана ресурстарды жакшы башкаруу үчүн сыйынгыла. Экономикалык адилеттүүлүк жана мүмкүнчүлүктөр үчүн жана адамдарды пайдадан жогору койгон берешен жана такыбаа берүүчүлөр үчүн сыйынгыла.
3. БИЛИМ БЕРҮҮ. Мектептер жана администрация имараттары, кесиптик билим берүү борборлору, коомдук колледждер жана университеттер сыяктуу билим берүү борборлорун издеп жана алар үчүн сыйынгыла. Кудайдын чындыгын үйрөтүү жана окуучуларынын акылын коргоо үчүн адил мугалимдер үчүн сыйынгыла. Калпты же башаламандыкты жайылтуу үчүн бардык аракеттерге Кудай кийлигишүүсү үчүн сыйынгыла. Бул жерлерге кызмат кылууга жана жетектей турган жүрөгү бар акылдуу жарандарды жөнөтсө экен деп сыйынгыла.
4. БАЙЛАНЫШ. Радиостанциялар, телекөрсөтүү сыяктуу байланыш борборлорун издеңиз, станциялар жана газета чыгаруучулар үчүн сыйыныңыз. Кудайдын Окуясы жана Анын жолдоочуларынын күбөлөндүрүүлөрү бүт шаарга жана бүткүл дүйнөгө таралышы үчүн сыйынгыла. Анын кабары Ал аркылуу Анын көптөгөн элине жеткирилиши үчүн жана Кудайдын эли бардык жерде Кудайдын ишин көрсүн деп сыйынгыла.
5. РУХАНИЙЛИК. Жыйын имараты, мечит жана ибадатканалар сыяктуу руханий борборлорду издеп сыйынгыла.

Бул сабакта биз руханий жетилүүнү өлчөгөндө ИШЕНИМДҮҮЛҮК билим менен машыгууга караганда бир топ жакшыраак экенин көрөбүз. Бүгүнкү күндө жыйында бир нече көйгөйдү жараткан эки түшүнүк орун алган.

Биринчиси адамдын руханий жетилүүсү Кудайдын Сөзүн канчалык билгенине байланыштуу деген түшүнүк. Алар бирөөнүн ишенимин ТУУРА ЫНАНЫМ - же "ортодоксия" менен өлчөө керек дегендей иш аракет кылышат.

Экинчиси кимдир бирөө жетектөө үчүн кызмат баштоонун алдында "толук окутуудан" өтүшү керек деген түшүнүк. Алар "ТОЛУК БИЛИМ" бирөөнүн кызмат кылуу жөндөмүн аныктоочу жакшы өлчөм деп эсептешет.

Биринчи түшүнүктүн маселеси мындай: ОРТОДОКСАЛДУУЛУККА -"туура ынанымга" таяна турган болсок, шайтан Жазууну адамдарга караганда жакшы билет. КУДАЙДЫН СӨЗҮ: "Сен Кудайдын бирөө экендигине ишенесиң, мунуң жакшы.

Бирок жиндер да ишенип, титиреп турушат», - дейт.

Кимдир бирөөнүн руханий жетилгенин өлчөөнүн жакшыраак жолу -ОРТОПРАКСИЯ - "туура практика". Биз жетилгендикти билим менен өлчөөгө караганда БАШ ИЙҮҮ жана БӨЛҮШҮҮДӨ ИШЕНИМДҮҮЛҮККӨ көбүрөөк көңүл бурушубуз керек.

Адам жетекчи болордон мурун толук билим алышы керек деген экинчи түшүнүктүн көйгөйү -эч ким эч качан толук даяр болбойт.

Ыйса көп нерселерди дагы эле билбеген жаш жетекчилерди Падышалыкта эң маанилүү ишти аткаруу үчүн жиберген үлгү көрсөткөн.

Кудайдын Сөзү айтат: Ыйса он эки шакиртин чакырып алып, аларга жиндерди кууп чыгууга жана оорулууларды айыктырууга күч жана бийлик берди. Анан аларды Кудайдын Падышалыгын жар салууга жана оорулууларды айыктырууга жиберди.

Алар биз ишенимдин биринчи кадамы катары көргөн Петир "Ыйса Куткаруучу" деген ишенимин бөлүшө электе жиберилген. Алар жиберилгенден кийин да Ыйса Петирди бир нече катасы үчүн ашкерелейт, ал эми Петир кийин Ыйсадан толук баш тартып кетет. Башка жолдоочулары кимиси жогору экенин жана Кудайдын Падышалыгында кандай орун ээлерин талашышкан.

Алар көп нерсени үйрөнүшү керек эле, бирок Ыйса аларды ушуга чейин үйрөнгөнүн бөлүшүүгө жиберген.

Ишенимдүүлүк - билимден жогору -кимдир бирөө Ыйсаны ээрчип баштаганда өрчүй турган нерсе.

Ишенимдүүлүк - окуудан жогору -аны бизге берилген нерселерди колдонгонубузга жараша өлчөсө болот.

Биз укканыбызга БАШ ИЙИП, аны БӨЛҮШСӨК, ишенимдүүбүз.

Биз угуп, бирок баш ийип, бөлүшкөндөн БАШ ТАРТСАК, ишенимдүү эмеспиз.

Шакирттерди көбөйткөндө туура нерселерди өлчөгөндөй бололу.

Зуме тренингине кош келиңиздер. Бул сабакта биз 3/3 Тобу Ыйсанын жолдоочулары бири-бирине Ыйсаны жакыныраак ээрчүүгө жардам берген кандай жолугуушу методу экенин үйрөнөбүз.

Ыйса мындай деген: "Кайсы жерде Менин ысымым үчүн эки же андан көп адам чогулса, Мен да ошол жерде, алардын арасындамын". Бул - күчтүү убада, Ыйсанын ар бир жолдоочусу бул сөздү колдонушу керек. Бирок топ болуп чогулганда, убакытты кантип өткөрүү керек?

3/3 Тобу шакирттерге убактысын бирдей үч бөлүккө бөлүп, Ыйса берген эң маанилүү осуяттардын кээ бирлерине баш ийүүдө машыкканга жардам берет.

Убакыт мындай бөлүнөт:

• Артты кароо. Топтун убактысынын үчтөн биринчи бөлүгү биз таанышып чогуу болгондон берки убакытка Артты кароого арналат.
• Издөө. Топтун убактысынын ортосундагы экинчи бөлүгү Жогору кароо Жазуу, талкуулоо жана сыйынуу аркылуу Кудайдын акылмандуулугун издөөгө арналат.
• Алдыны кароо. Топтун убактысынын үчүнчү бөлүгү Алдыны Кароо - ар бирибиз үйрөнгөнүбүздү колдонуп, ага баш ийүүбүз тууралуу болот.

Бул сабакта силердин тобуңар чыныгы жашоодо ТОЛУК аткарууну үйрөнүү үчүн 3/3 тобунун КЫСКАЧА үлгүсүн кылып көрүшөт. Рухий дем алуу тууралуу сабак эсиңиздеби? Дем алып, Кудайды угуңуз. Дем чыгарып, укканыңызга баш ийип, аны башкалар менен бөлүшүңүз. 3/3 Тобу дегенди жалпысынан ушундай түшүнсө болот. 3/3 Тобу - бул Ыйса осуяттаган эң маанилүү нерселерди аткарып - Кудайды угуп, баш ийип жана башкалар менен бөлүшүп машыгуу үчүн толук убактысын 3 бөлүккө бөлүп колдонгон топ.

Бул практика убактысы бир сааттан бир аз ашышы керек, ал бат эле өтүп кетет. Тобуңуз чоң болсо же тереңирээк талкууну жакшы көрсө, топтун мүчөлөрүнүн биринен убакытты көзөмөлдөп, саатты карап туруусун сурансаңыз болот.

Чыныгы жашоодо бул кадамдар жайыраак ылдамдыкта болот, бирок практика кылган учурда убакыттан ашып кетпөө үчүн баарын убагында кылууга умтулгула. Кээ бир кадамдарды кылбай койбогула - алардын баары маанилүү!

3/3 Тобу Ыйык Китепти изилдөө менен бирдей эмес экенин унутпаңыз, анын атайын максаты бар! Бул тажрыйбаны жолугушуунун Жаңы ыкмасын үйрөөнү мүмкүнчүлүгү катары карап, Кудай чогуу өткөргөн убактыңар үчүн эмнени даярдаганын көргүлө. Даярсызбы? Анда баштайлы!

АРТТЫ КАРОО

Убакыттын алгачкы бөлүгүн бири-бирибизге ыраазычылык айтуу, кыйынчылыктарды бөлүшүү жана топтун башка мүчөлөрү үчүн сыйынуу аркылуу кам көрүү менен Артты Кароого арнайбыз. Ошондой эле, ар бир топтун мүчөсү акыркы жолугушууда үйрөнгөн нерсесине баш ийүүгө жана бөлүшүүгө мүмкүнчүлүгү болгонун же болбогонун тактап чыгабыз.

Биринчи кадам - "Ыраазычылык айтуу".

Ар бир адамга эмнеге ыраазы экенин айтып бөлүшүүгө мүмкүнчүлүк бериңиз. Видеону токтото туруп, дароо азыр ушуну кылгыла... Дагы эле бул жердесиңерби? Биз чындап эле видеону токтотуп, топтогу ар бир адам Кудайга эмне үчүн ыраазы экенин бөлүшүүсүн каалайбыз. Силер бүткөндө, кайра улантабыз.

Экинчи кадам - "Кыйынчылыктарды бөлүшүү" жана "Бири-бири үчүн сыйынуу".

Эми топтогу ар бир адам кандай кыйынчылыктары бар экенин кыскача бөлүшүп чыксын. Анын бөлүшкөнү боюнча башка адам ал үчүн сыйынсын. Видеону токтотуп, бөлүшүп, сыйынгыла.

Үчүнчү кадам - "Топтун максатын эстөө".

Чогуу жолуккан сайын, убакыт бөлүп Кудайды сүйүү, бири-бириңерге сүйүү көргөзүү -Ыйсаны бөлүшүү жана башкаларга Аны бөлүшүүгө жардам берүү экенин эстегиле. Топтогулардын көңүлүн анын миссиясына буруунун көп жолу бар, бирок бул практикалык сабак үчүн бир адам Матай 22:37-38ди үн чыгарып окуп чыксын. Видеону токтотуп, окугула.

Төртүнчү кадам - "Тактоо"

Кээ бир топтор бул бөлүктү өткөрүп жиберүүнү каалашы мүмкүн, анткени булоор суроолорду берүүнү билдирет. Сураныч, аны өткөрүп жибербегиле.

Ыйса жолдоочуларын аябай сүйгөндүктөн, аларга оор суроолорду берген. Ыйсага окшош болгуңар келсе, бири-бириңерди ушундай суроолорду берерчелик сүйүшүңөр керек. Бул кадамда сиз топтогу ар бир адамдан акыркы жолу чогуу жолукканда Кудай аларга айткан сөзгө баш ийдиби же жокпу деп сурап чыгасыз.

Зуменин ар бир сабагында, биз Алдыны кароо кадамында бул милдеттенмелерди тааныштырып, биз сизден Баш ийүү, Бөлүшүү жана Сыйынууну суранганбыз. Биз Артты кароо кадамында жооптуу болууну көрсөтүп, ошол милдеттенмелерди аткарганыңызды такташыңызды суранганбыз.

Эгер тренингде ушул убакка чейин бул кадамдарга көп убакыт бөлгөн эмес болсоңуз, бул баштоо үчүн жакшы убакыт.

Кудайды сүйүүнүн бир тарабы - Анын айтканына баш ийүү. Бири-бирибизди сүйүүнүн бир тарабы - аларга Кудайдан укканына баш ийүүгө жардам берүү. Сүйүү кимдир бирөөнүн милдеттенмесин олуттуу кабыл алып -бардык убакытта берешендик менен бирдей сүйүү көргөзүү.

Видеону токтотуп, ар бир адам кийинки суроолорго жооп берсин:

• Ушуга чейин үйрөнгөн нерсеге баш ийдиңизби?
• Үйрөнгөн нерсени кимге үйрөттүңүз?
• Топ катары чогуу болгондон бери ким менен өз окуяңызды же Кудайдын окуясын бөлүштүңүз?

Сиздин 3/3 Тобубуздун Артка кароо бөлүгүн карап бүткөндөн кийин, сабактарыңызды дагы жакшыраак өткөрүүнүн жолун сунуш кылабыз:

ЗУМЕ КӨМӨКЧҮСҮНҮН КЕҢЕШИ

Кээде топтордо, кечке сүйлөп убакытты алган адамдар болушу мүмкүн. Мындайга жол бербеңиз. Топто ар бир адам баалуу болгондуктан ар бирөөнө бөлүшүүгө мүмкүнчүлүк берүү керек. Башкаларга сүйлөгөнгө мүмкүнчүлүк берилбей калса, көп сүйлөп жаткан адамга бакшаларды да угуу керектигин сылык эскертиңиз.

ЖОГОРУ КАРОО

Чогуу өткөргөн убакыттын ортоңку бөлүгүндө, биз Кудайдан Анын Сөзүн жакшыраак түшүнүү үчүн Ыйык Рухтун жетектөөсүн сурап сыйынабыз. Ыйык Китептин үзүндүсүн үнүбүздү чыгарып окуп, Кудайдын максаттарын жана пландарын жакшыраак изилдеп жана түшүнүү үчүн топто жөнөкөй суроолорду берип, аларга жооп беребиз.

Биринчи кадам -Кудайдын Ыйык Рухун жетектөөгө чакыргыла.

Сыйынууга убакыт бөлгүлө. Кудай менен жөнөкөй түрдө кыскача сүйлөшкүлө. Ыйык Рухтан сиз окуй турган үзүндүдөн үйрөт деп сурангыла. Видеону токтотуп сыйынгыла.

Экинчи кадам -Кудайдын Сөзүн окуп, суроолорду бергиле.

Топтогу бир адам Ыйык Китептен үзүндүнү окусун. Бул практикалык сабак үчүн Лука 18:9-14тү окугула. Окуп бүткөндөн кийин, топтогулар кийинки эки суроого жооп бериши керек:

• Бул үзүндүдөн сизге эмне жакты?
• Сиз үчүн эмне кыйынчылык туудурду же түшүнүүгө оор болду?

Тобуңарда оозеки үйрөнгөн -жакшы окуй албаган же угуу аркылуу үйрөнүүнү каалаган адамдар болсо, үзүндүнү жок дегенде эки жолу кайталап окугула.

Видеону токтотуп, текстти окуп, суроолорго жооп бергиле.

Анан башка адам ошол эле үзүндүнү экинчи жолу окусун, анан топтогулар кийинки суроолорго жооп беришсин:

• Бул үзүндүдөн АДАМДАР тууралуу эмнени үйрөнө алабыз?
• Бул үзүндүдөн КУДАЙ тууралуу эмнени үйрөнө алабыз?

Үзүндүдөн четтебей, аны жөнөкөй кылып түшүндүргүлө!

Бул - 3/3 тобундагы Жогору кароо бөлүгүнүн аягы, бул жерде сабактарды жакшыраак өткөрүүнүн жолу бар:

ЗУМЕ КӨМӨКЧҮСҮНҮН КЕҢЕШИ

Кудайдын Сөзүн изилдегенде, башка китептерге, окутуучуларга же пикирлерге караганда Анын сөздөрүнө көңүл бургула. "Үзүндүн мааниси кандай?" -деп сурагандын ордуна, "Бул үзүндү эмне дейт?" - деп сураңыз. Топто бирөөлөр үйрөткөндү жакшы көрсө, сылык түрдө Кудайдын Ыйык Руху жана жеткилең Сөз топту үйрөтө аларын эстетиңиз. Биз баарыбыз чогуу үйрөнүү үчүн келдик. Талкуу учуруна унчукпай же токтоп калгандан чочулабагыла. Кудай тынчтыкта да иштейт. Анын Сөзүнө көңүл топтоп, үзүндүдөн четтебей, калганын Кудайга тапшыргыла.

АЛДЫНЫ КАРОО

Убакыттын акыркы үчүнчү бөлүгүндө, биз Кудайдын Сөзүнөн үйрөнгөн нерсеге баш ийүүнү үйрөнүп, башкаларды ошого үйрөтүү үчүн, Алдыны кароого көңүл бурабыз. Топтун ар бир мүчөсү Кудайга бир нече жөнөкөй суроо берет, анан сыйынууда Анын жообун күтөт. Анан милдеттенмелерди бөлүшүп, практика кылып, убакыттын акырында чогуу сыйынабыз.

1-кадам -Кудайдын максаты үчүн сыйынуу

Топтун ар бир мүчөсү ичинен сыйынып, Кудайга кийинки суроолорду берсин:

• "Кудай, Сен мага үйрөткөнгө кантип баш ийип, аны колдоно алам?
• Ушул үзүндүнү Сага көбүрөөк баш ийип Сени сүйө алышы үчүн кимге үйрөтө алам?
• Менин күбөлүгүмдү же Ыйсанын жакшы кабарын ким менен бөлүшүүмдү каалайсың?

Видеону токтотуп, сыйынгыла.

Кудайдын Ыйык Руху силерге белгилүү жоопторду, белгилүү ысымдарды, белгилүү адамдарды азыркы учурда жана топтун кийинки жолугушуусу үчүн атасын деп сыйынгыла.

2 -кадам -Милдеттенмелерди чогултуу

Топтогу ар бир адамдан ар бир суроого Теңир эмне деп жооп бергенин бөлүшүүсүн сураныңыз. Бирөөлөр Теңирден биринчи, экинчи, атүгүл үч суроого тең жооп укпаган болушу мүмкүн. Алар жөн гана эч нерсе укпаганын айтса болот.

Бирок топ Кудайды угушу керектиги эсиңизде болсун. Ыйса: "Менин койлорум Менин үнүмдү угушат" деген. Баш ийе турган кадамдар канчалык так болсо, кийинки жолугушууга чейин аларга баш ийүү ошончолук жеңил болот.

Видеону токтотуп, укканыңарды бөлүшкүлө.

3-кадам -Планды практикалоо

Чогуу өткөргөн убакытты бүтүрүүдөн мурун 3/3 тобуңарды эки же үч чакан топко бөлүп, Теңир силерге аткаруу керек деген нерсени тажрыйбада аткаргыла.

Эсиңизде болсун -Практика - баш ийүү, тренинг же бөлүшүү эмес, бирок ал силерди ошолорду аткарууга даяр кылат. Ар бир кичирээк топ практикасын чогуу сыйынып бүтүрөт. Кудай жүрөгүңөргө салган белгилүү адамдар жана пландар үчүн өзгөчө сыйынгыла.

Топто оозеки үйрөнүүчүлөр болсо, практика убактысынан Кудайдын сөзүнөн окулган үзүндүнү кайра окуп чыгууга убакыт бөлгүлө. Бул бүтүндөй топко чогуу жолугуудан мурун жолугуп калганда бөлүшүүгө жардам берет.

Видеону токтотуп, практика кылып, сыйынуу үчүн топторго бөлүнгүлө. Белгилүү милдеттенмелери жоктор күбөлүгүн же Кудайдын Окуясын бөлүшүп практика кылышы керек.

БИРГЕ ӨТКӨРГӨН УБАКТЫБЫЗДЫ ЖЫЙЫНТЫКТОО

Тобуңар кайра чогуу жолугушканда, майрамдоого убакыт бөлгүлө! Силер Алдыны Кароо бөлүгүн акырына чыгарып, 3/3 тобунун форматын толугу менен практика кылып чыктыңар.

Кийинки сабактарда тобуңар практиканы бул видео көрбөй улантат. Чогулуш өткөн учурда башкаларга топту жетектөөгө сөзсүз мүмкүнчүлүк бериңиз. Таланттуу окутуучу болуунун кереги жок, болгону кийинки жөнөкөй кадамдарды аткаруу керек. Баштаардан мурун, сабактар жакшыраак өтүшү үчүнm жардам бере турган дагы бир сунуш бар:

ЗУМЕ КӨМӨКЧҮСҮНҮН КЕҢЕШИ

Дүйнө жүзүндө 3/3 топтору чогуу убакыт өткөргөндө Теңирдин Кечки Тамагын же башка тамак, күнүмдүк баарлашууларды өткөрүп турушат. Кудай бизге ушундай баарлашууну -максаттуу үйрөнүү жана өсүү, максаттуу жашоону мамилелерди бекемдеп, шыктандырууга жардам берип, Өзүнүн Уулу Ыйсага окшоштуруп өстүрүү үчүн берген.

Эми силердин тобунар ушул үч бөлүктү тең практика кылып көрдү -Акыркы жолу жолуккандан берип эмнеге жетишкениңерди тактоо үчүн Артты карадыңар. Ушул убакытта Кудай эмнени үйрөткүсү келгенин билүү үчүн Жогору карадыңар жана өз алдынча жүргөндө Кудай жүрөгүңөргө салганды аткаруу үчүн Алдыны карадыңар.

3/3 Топтору -жолугушуунун жөнөкөй, натыйжалуу жолу, ал бизге Ыйсага окшошууга жардам берет.

Бул сабакта биз шакирттерге бирден баштап көп адамдарга барып миссияны чоң кыймылга айландырганга жардам берген ТРЕНИНГ АЙЛАМПАСЫН үйрөнөбүз.

Велосипед тепкенди үйрөнүп көрдүңүз беле? Башка бирөөгө үйрөтүп көрдүңүз беле? Ошондой болсо, анда ТРЕНИНГ АЙЛАМПАСЫ жөнүндө түшүнүгүңүз бар.

Бул эң жөнөкөй: ҮЛГҮ, ЖАРДАМ, КАРОО жана КОЁ БЕРҮҮ. Эстеп көрсөңүз - велосипед тээп көрө электе, алгач башкалардын тепкенин көрсөңүз керек.

Бул - ҮЛГҮ болуу.

ҮЛГҮ, ЖАРДАМ, КАРОО анан КОЕ БЕРҮҮ.

Үлгү болуу - башкаларга бир нерсенин кантип жасаларын көрсөтүү. Бала кимдир бирөөнүн велосипед тепкенин көргөндө, аны кантип тебүүнү дароо түшүнөт. Үлгүнү кайра кайра карай --берүүнүн деле кереги жок, аны бир жолу кылып көрүү жетиштүү болот.

Биринчи жолу велосипед тепкениңизди эстеңиз. Жөн эле карап тургуңуз келди беле? Же катуу кызыгып, тээп көргүңүз келген беле? Эч ким эч качан андай мүмкүнчүлүк бербесечи?

Үлгүнү карай берүү чынында машыгууга зыян кылышы мүмкүн. ҮЛГҮ КӨРСӨТҮҮ бир нерсени бир аз көрсөтүү, анан кылып көрүүгө жол берүү. Биринчи велосипед тепкенде эмне болду эле? Үйрөткөн адам велосипедди карматып коюп кетип калды беле?

Антпеди болуш керек. Көпчүлүк адамдар велосипед үйрөнгөндө алгачкы тепкенде бирөө жанында кармап турат. Анан жаныңда басып, түз айдатат.

Бул - ЖАРДАМ БЕРҮҮ.

ҮЛГҮ, ЖАРДАМ , КАРОО анан КОЕ БЕРҮҮ.

Жардам берүү - бул үйрөнүүчүгө көндүмдө машыгууга жол берүү бирок катуу кулап кетүүсүнө жол бербөө. Жардам берүү үлгү көрсөтүүдөн көбүрөөк созулат. Бирок өтө көп эмес. Ал кармашып көмөктөшүү менен багыттоону жана жетектөөнү талап кылат, бирок бул - негизги жөндөмдөрдү гана үйрөтүү. Бирөөнү жеткилең кылып даярдоо эмес. Бул - велосипедке мингизүү.

Велосипедди тез тээп баштап ылдамдаганда, бирөө жаныңызда чуркап баратканын элестете аласызбы? Алар коштоп көпкө чуркабайт, чуркаса сиз тең салмактуулукту эч качан үйрөнмөк эмессиз.

ЖАРДАМ БЕРҮҮ деген бирөөнү колдоп, андан ары ага өз алдынча кылып көрүүгө жол берүү. Анан алар жылып баштаганда, кийинки үйрөнүүчү үчүн үлгү болуп беришет. Эми велосипедди эч ким кармап бербегени сиздин жалгыз экениңизди билдирбейт. Мындай учурда кимдир бирөө алыстан сизге көз салып турат.

Бул - КАРАП ТУРУУ.

ҮЛГҮ, ЖАРДАМ, КАРОО ЖАНА КОЁ БЕРҮҮ.

Карап туруу - бул үйрөнүүчү көндүмдү бирөөнүн кийлигишүүсүз жана көзөмөлүсүз өз алдынча алып кеткенге чейин таасир берүү. Велосипедди мингенде кээ бирлери аны тез эле тээп кетишет, бирок алар жол эрежелеринин баарын билбеши мүмкүн. Карап туруу - үйрөнүүчүнүн жанында эч ким жок болсо да анын коопсуз камсыз кылуу. Карап туруу үйрөнүүчү эмне кылуу керектигин билгенин гана ырастоо эмес, эч ким карабай турганда да ишти алып кете аларын ырастоо.

Машыгуу Айлампасындагы ушул кадамда үйрөнүүчү өсүп, башкаларга өсүүнү үйрөтөт... анан алар башкаларды үйрөтөт... тигилер башкаларды өсүүгө үйрөтөт. Шакирт жасоочу башкаларды шакирт кылат, алар болсо башкаларды, башкалар да башкаларды кылат. Үчүнчү төртүнчү муунга чейин улана берет.

КАРАП ТУРУУ - үйрөнүүчү өзү жетилип, башкаларга жардам берүүнү каалап эле койбостон, чындап бере аларын ырастоо. Карап туруу бир топко созулат. Ал ҮЛГҮ КӨРСӨТҮҮ менен КОЛДОО бириккенден он эсе көп болушу мүмкүн. Балким андан да узак. Бирок бул күтүүгө арзыйт. Акырында - үйрөнүүчү велосипедди тээп кетет.

КОЕ БЕРҮҮ дегендин мааниси ушул.

ҮЛГҮ, ЖАРДАМ, КАРОО ЖАНА КОЁ БЕРҮҮ.

Кое берүү бүтүрүүгө окшош. Окуучу окутуучу болуп калат. Жумушчу кызматташ болуп калат. Шакирт дос болуп калат. Велосипед тепкенде, сизге аны тепкенди үйрөткөн адам эми тепкен сайын жаныңызда жүгүрбөйт. Кээде коштоп чогуу тебиши мүмкүн. Кээде өзүңүзчө же бирөөлөр менен же жалгыз тебесиз.

КОЕ БЕРҮҮ сүйгөн адамыңызга акыркы белекти - эркиндик белегин берүү сыяктуу. Кое берүү кимдир бирөөнү жабдуулап, сиз баскан жолду басууга жиберүү, ошондой эле аны барууга, сиз жете элек жерге жетүүгө шыктандыруу.

ҮЛГҮ, ЖАРДАМ, КАРОО ЖАНА КОЁ БЕРҮҮ. МАШЫКТЫРУУ АЙЛАМПАСЫ.

Бирөөнөн баштап көп адамга. Миссиядан чоң кыймылга айлануу.

Мазмуну:

АРТТЫ КАРОО

1-кадам - Ыраазычылык келтирүү

Ар бир адам бир нерсеге ыраазычылыгы менен бөлүшүүсүүчүн убакыт бөлгүлө.

2-кадам - Кыйынчылыктарды бөлүшүп бири-бириңер үчүн сыйынуу

Топтогу ар бир адам кандай кыйынчылыгы бар экенин кыскача бөлүшсүн. Алар айтканы тууралуу бир адам сыйынып берсин.

3-кадам - Топтун көңүлүн топтоо

Убакыт бөлүп силер - Кудайды сүйүү, башкаларды сүйүү, Ыйса тууралуу бөлүшүү жана башкаларга Ал тууралуу бөлүшүүгө жардам берүү үчүн чогулганыңарды эстегиле.

4-кадам - Текшерүү

Ар бир адам кийинки суроолорго жооп берсин:

• Буга чейин үйрөнгөн нерсеге баш ийип келдиңизби?
• Үйрөнгөн нерсени кимге үйрөттүңүз?
• Топ катары чогуу болгондон бери ким менен окуяңызды же Кудайдын окуясын бөлүштүңүз?

ЖОГОРУ КАРОО

1-кадам - Кудайдын Ыйык Рухун жетектөө үчүн чакыргыла

Сыйынууга убакыт бөлгүлө. Кудай менен жөнөкөй түрдө кыска сүйлөшкүлө. Ыйык Рух окуй турган үзүндүдөн силерди үйрөтсүн деп сурангыла.

2-кадам - Кудайдын Сөзүн окуп, суроолорду бергиле

Топтогу бирөө Ыйык Китептен үзүндүнү окусун. Окуп бүткөндөн кийин топ кийинки эки суроого жооп бериши керек.

• Бул үзүндүдөн эмне жакты?
• Эмнеси татаал же түшүнүүгө кыйын экен?

Үзүндүнү экинчи жолу окуп чыгып, топ кийинки эки суроого жооп берсин:

• Бул үзүндүдө адамдар тууралуу эмнени үйрөнө алабыз?
• Бул үзүндүдө Кудай жөнүндө эмнени үйрөнө алабыз?

Үзүндү боюнча гана сүйлөшүп, аны жөнөкөй түрдө түшүндүрүү керектигин унутпагыла!

АЛДЫНЫ КАРОО

1-кадам - Кудайдын максаты тууралуу сыйынуу

Топтогу ар бир адам үн катпай сыйынып, Кудайга кийинки суроолорду берсин:

• Кудай, сен үйрөткөн нерсени кантип колдонуп, ага кантип баш ийем?
• Сага баш ийүүнү жана сени көбүрөөк сүйүүнү үйрөнүшү үчүн бул үзүндүнү кимге үйрөтө алам?
• Ыйсанын жакшы кабарын ким менен бөлүшүүмдү каалайсың?

Кудайдын Ыйык Руху топ азыр жолуккан учурда жана жолугушуулардын арасында кыла турган кадамдар тууралуу сизге өзгөчө жооп, белгилүү аттарды берсин деп сурагыла.

2-кадам - Топтун милдеттери

Топтогу ар бир адам Теңирден ар бир суроого кандай жооп алганын сурагыла. Кээ бирөө Теңирден бир же эки, атүгүл үч суроо боюнча тең эч кандай жооп албашы мүмкүн. Алар уга албаганын айтса болот.

Бирок топ Теңирден уга алышы керектигин унутпагыла. Ыйса: "Менин койлорум Менин үнүмдү тааныйт" деген. Баш ийүү кадамдары канчалык так болсо, кийинки жолугушууга чейин аларга баш ийүү ошончолук жеңил болот.

3-кадам - Планды практика кылуу

Чогуу өткөргөн убакытты бүтүрүүдөн мурун 3/3 тобу кичирээк эки же үч топко бөлүнүп, Теңир силерге кылуу керектигин айткан нерсени практика кылгыла.

Бул сабакта биз ЖЕТЕКЧИЛИК ТҮЙҮНДӨР кыска убакытта жолдоочуларын өмүр бою жетекчи болууга даярдаарын үйрөнөбүз.

Бирөө эки адам болот. Экөө төрт адам болот. Төртөө сегиз адам болот. Жекече көбөйүү. Муундардын көбөйүүсү. Тез ар тараптуу өсүү. Кудай жаратуусунда ушундай моделди түзгөн. Кудай Өз үй-бүлөсүнүн ушундай өсүшүн каалайт. Биз буга чейин эле 3/3 үлгүсүн үйрөндүк, ал керектөөчүлөрдү өндүрүүчүлөргө, үйрөнүүчүлөрдү жетекчилерге шакирттерди шакирт жасоочуга айлантат.

Артты кароо-Жогору кароо-Алдыны кароо-Үйрөнүү - Баш ийүү - Бөлүшүү

Чогуу жолугугушуунун бул түрү Ыйсанын жолдоочуларынын тобунда жеке ар бир ишенүүчүдө токтобогон рухий өсүүнү жана көбөйүп өсүүнү пайда кылат. Бул үлгү шакирттерге көбөйүүгө жардам берет.

Бирок топ кыска убакытка гана чогуу боло алса, өсүүнү улантып, Кудайдын Падышалыгын көбөйтө алабы? Топтун чогуу боло алган убактысы чектелгенин эске алсак, Жетекчилик түйүндөрү аркылуу 3/3 үлгүсүн колдонуу эң туура жол болот.

Жетекчилик түйүндөрү кыска убакытта жеке бир адамды өмүр бою көбөйүүчү моделдерди жаратууга үйрөтүп даярдайт.

Жетекчилик түйүндөрү үйрөнүүчүлөргө жаңы топторду баштоого, жыйында жаңы топторун үйрөтүүгө жана Кудайдын үй-бүлөсү өсүшү үчүн дагы Жетекчилик түйүндөрдү баштоого жардам берет.

Топ мобилдүү болгондо Жетекчилер түйүнү жакшы иштейт. Ыйсаны жолдоп жүргөн көчмөндөр, студенттер, аскерлер, мезгилдүү жумушчулар Жетекчилик түйүндө жакшы иш алып барат. Өздөрүнүн маданияты, кесиби же жашоосундагы жагдайлардын айынан аларга туруктуу топту негиздеген кыйын болушу мүмкүн, бирок аларды саякаттап жүргөн жеринде топ баштаганга үйрөтүү толук мүмкүн.

Ошондой эле Жетекчилик түйүндөрү ишенимге бир учурда келген адамдар үчүн жакшы иштейт. Үй-бүлө, достордун курамы, атүгүл кичинекей айыл кыска убакытта жеке коштоосуз жана рухий көмөкчүсү жок эле өмүр бою өндүрүүчү адам болууга даярдала алат.

Мындан мурунку сабакта биз 3/3 моделинин акыркы эки бөлүгүн үйрөнүп, аны практика кылганбыз. Эми биз бул моделди - үч бөлүктүн баарын: практикалайбыз -- артты карайбыз, жогору карайбыз, алдыны карайбыз.

Мазмуну:

АРТТЫ КАРОО

1-кадам - Ыраазычылык келтирүү

Ар бир адам бир нерсеге ыраазычылыгы менен бөлүшүүсүүчүн убакыт бөлгүлө.

2-кадам - Кыйынчылыктарды бөлүшүп бири-бириңер үчүн сыйынуу

Топтогу ар бир адам кандай кыйынчылыгы бар экенин кыскача бөлүшсүн. Алар айтканы тууралуу бир адам сыйынып берсин.

3-кадам - Топтун көңүлүн топтоо

Убакыт бөлүп силер - Кудайды сүйүү, башкаларды сүйүү, Ыйса тууралуу бөлүшүү жана башкаларга Ал тууралуу бөлүшүүгө жардам берүү үчүн чогулганыңарды эстегиле.

4-кадам - Текшерүү

Ар бир адам кийинки суроолорго жооп берсин:

• Буга чейин үйрөнгөн нерсеге баш ийип келдиңизби?
• Үйрөнгөн нерсени кимге үйрөттүңүз?
• Топ катары чогуу болгондон бери ким менен окуяңызды же Кудайдын окуясын бөлүштүңүз?

ЖОГОРУ КАРОО

1-кадам - Кудайдын Ыйык Рухун жетектөө үчүн чакыргыла

Сыйынууга убакыт бөлгүлө. Кудай менен жөнөкөй түрдө кыска сүйлөшкүлө. Ыйык Рух окуй турган үзүндүдөн силерди үйрөтсүн деп сурангыла.

2-кадам - Кудайдын Сөзүн окуп, суроолорду бергиле

Топтогу бирөө Ыйык Китептен үзүндүнү окусун. Окуп бүткөндөн кийин топ кийинки эки суроого жооп бериши керек.

• Бул үзүндүдөн эмне жакты?
• Эмнеси татаал же түшүнүүгө кыйын экен?

Үзүндүнү экинчи жолу окуп чыгып, топ кийинки эки суроого жооп берсин:

• Бул үзүндүдө адамдар тууралуу эмнени үйрөнө алабыз?
• Бул үзүндүдө Кудай жөнүндө эмнени үйрөнө алабыз?

Үзүндү боюнча гана сүйлөшүп, аны жөнөкөй түрдө түшүндүрүү керектигин унутпагыла!

АЛДЫНЫ КАРОО

1-кадам - Кудайдын максаты тууралуу сыйынуу

Топтогу ар бир адам үн катпай сыйынып, Кудайга кийинки суроолорду берсин:

• Кудай, сен үйрөткөн нерсени кантип колдонуп, ага кантип баш ийем?
• Сага баш ийүүнү жана сени көбүрөөк сүйүүнү үйрөнүшү үчүн бул үзүндүнү кимге үйрөтө алам?
• Ыйсанын жакшы кабарын ким менен бөлүшүүмдү каалайсың?

Кудайдын Ыйык Руху топ азыр жолуккан учурда жана жолугушуулардын арасында кыла турган кадамдар тууралуу сизге өзгөчө жооп, белгилүү аттарды берсин деп сурагыла.

2-кадам - Топтун милдеттери

Топтогу ар бир адам Теңирден ар бир суроого кандай жооп алганын сурагыла. Кээ бирөө Теңирден бир же эки, атүгүл үч суроо боюнча тең эч кандай жооп албашы мүмкүн. Алар уга албаганын айтса болот.

Бирок топ Теңирден уга алышы керектигин унутпагыла. Ыйса: "Менин койлорум Менин үнүмдү тааныйт" деген. Баш ийүү кадамдары канчалык так болсо, кийинки жолугушууга чейин аларга баш ийүү ошончолук жеңил болот.

3-кадам - Планды практика кылуу

Чогуу өткөргөн убакытты бүтүрүүдөн мурун 3/3 тобу кичирээк эки же үч топко бөлүнүп, Теңир силерге кылуу керектигин айткан нерсени практика кылгыла.

Бул сабакта биз падышалыктын өсүүсүн тездетүүнүн жолу катары түз сызыктуу ойлонуу адатынан арылуунун жолу үйрөнөбүз. Шакирттерди жасаган шакирттерди тезирээк жасоо үчүн көбөйүү иши жанаша жүрө берерин жана көбөйүү кандайдыр бир иреттүүлүк менен жүрүшү кереги жок экенин эстен чыгарбаңыз.

Биз ЫРАТТУУ ЭМЕС өсүүнүн күчүн үйрөнүшүбүз керек. Адамдар шакирттерди көбөйтүү тууралуу ойлонгондо,аны кадам артынан кадам таштоо процесси катары элестетишет.

Биринчи - сыйынуу. Анан даярдануу. Анан Кудайдын жакшы кабарын бөлүшүү. Анан шакирттерди тургузуу. Анан жыйындарды тургузуу. Анан жетекчилерди өстүрүү. Анан көбөйүү.

Ушундай үйрөнгөндө, падышалыктын өсүүсүн бир багыттуу, ыраттуу процесс деп элестетип алыш оңой. Бирок аны аткарууга келгенде дайыма бир көйгөй жаралат. Аны эң жакшы аткаруу андан да чоңураак көйгөй жаратат.

Түз сызык адамдын жашоосун билдирет. Адам төрөлөт. Анан биринчи жолу Кудайдын жакшы кабарын угат.

Анан Ыйсаны ээрчүү жолун тандайт. Анан биринчи жолу өз окуясын анан Кудайдын окуясын бөлүшөт. анан көбөйүү башталат. Анан жашоо ушуну менен бүтөт.

[image_pace1]

Бул жерден бул жерге чейин -Ыйса жөнүндө биринчи уккандан баштап, Ыйса жөнүндө биринчи жолу бөлүшкөнгө чейин рухий муун деп эсептесек болмок.

Көбөйүүгө чейин ушунча убакыт кетет. Кудайдын үй-бүлөсү өскөнгө чейин ушунча убакыт кетет. Шакиртчиликти адатта ушундай үйрөтүшөт. Бирок Эң улуу бата сыяктуу үлгүнү колдонгондо -эмне болорун көрүңүз.

[image_pace2]

Жаңы шакирт дароо көбөйүүнү баштайт. Рухий муун кыскарат. Бирөө Кудайдын жакшы кабарын эртерээк угат. Кудайдын үй-бүлөсү тезирээк өсөт. Түбөлүктүүлүктө көбүрөөк адам куткарылат.

Ушунун баары алар көбөйгөндө иш аракет кыла бергенден болот. Биз дагы кыскартсак эмне болот? Кимдир бирөө андан да мурун көбөйө баштасачы? Алар алгач ишенип калгандан кийин эмес, биринчи укканда эле бөлүшүп баштасачы?

[image_pace3]

Кээ бирөөлөр Ыйсага "ооба" деп жооп бере электе эле топторду түзүп жана достору, үй-бүлөсү менен Кудайдын Сөзүн бөлүшкөнгө даяр болот. Биз ошондой адамдарга топ чогултууну, үйрөнгөнүн башкалар менен бөлүшүүнү же башкаларга ушундай кылууну көрсөтсөк, Кудайдын үй-бүлөсү тезирээк өсөт.

Ушинтип шакиртчилик куткарылгандан кийин жасаган нерсе эмес, Ыйсага алып барган жол болуп калат. Мындай жол менен үй-бүлө же досторубуз, атүгүл бүт айыл Ыйсаны ээрчип калат. Кимдир бирөө андан да тезирээк көбөйө алсачы? Бирөө Кудайдын Уулуна жолуга электе эле Кудайдын жолун бөлүшө алсачы?

[image_pace4]

Кээде топ Кудайдын жакшы кабарын дароо угууга даяр эмес болушу мүмкүн.
Бирок ошондо деле бул топ коомду өнүктүрүү же жетекчилерди даярдоо аркылуу Кудайдын үлгүлөрүн үйрөнө алат. Бул топ Кудайдын үйрөнүү - баш ийүү - бөлүшүү сыяктуу үлгүлөрүн көбөйтүп, Ыйса жөнүндө биринчи жолу уга элек адамдарга да ушундай кылууну үйрөтсө болот.

Ушундай болгондо, Кудайдын жолу ачык жүрөктөргө сиңип калат. Анын үлүгүлөрү коомдук жана жеке жашоонун бир бөлүгү болуп калат. Анан Кудай Өз жолдорун даярдаганда -Кудайдын жакшы кабары алар кабыл алып келген чындыкты ачып берет. Ушундай жол менен бир уюм, бир коом, атүгүл бир өлкө Ыйсаны ээрчип калышы мүмкүн.

Ыраттуу эмес өсүү баары бир "Эмне маанилүү?" деген ой жүгүртүүнү талап кылат. Кайсы кадамдан өтүп жатсак да эң маанилүү суроо дайыма бирдей -Ишенимдүү боло турган жакшы топурак ким? Ким Кудайдын жолдорун үйрөнүп, колдонуп, анан бөлүшөт?

Ошол жакшы топуракты ачуу - жакшы жүрөктөрдү табуу убакытты, аракетти жана күчтү арноого арзыйт. Ушундай адамдарга биз жүрөгүбүздү арнашыбыз керек. Ушундай адамдарга биз жашообузду арнашыбыз керек. Кудайдын падышалыгын эң жакшы өстүрө турган бирөөлөр бар.

Бул сабакта биз көбөйүү эмне үчүн маанилүү экенин, тез көбөйүү болсо андан да маанилүү экенин үйрөнөбүз. Бул сабак ТЕМП жөнүндө. Темп убакытка тиешелүү, бир нерсенин тез же жай болушу. Темп маанилүү, анткени баарыбыз түбөлүктүүлүктү кайда өткөрөрүбүздү - бул өмүрдөн кийинки жашоону -"өмүр" деген кыска убакыт аныктайт.

Кудайдын Сөзү Ал бизге чыдамкай экенин айтат, ал адамдын жок болуп кетишин эмес, Кудайга кайрылып, Аны ээрчишин каалайт. Кудай бизге көбүрөөк убакыт берет, анткени бизди кылууга чакырган ишти кылууга жана жетүүгө чакыргандарга жетүүгө бизде кыска эле убакыт бар экенин билет.

Ыйсаны жакыныраак ээрчүү үчүн, Анын адамдарына тезирээк жетишибиз керек. Биз убакытты уттура албайбыз. ТЕМПТИ жогорулатышыбыз керек.

Дүйнөлүк жыйын - Ыйсанын бардык жолдоочулары болуп көрбөгөндөй көп санга жетти. Дүйнөлүк жыйын - Ыйсанын жолдоочуларынын баары -болуп көрбөгөндөй дүйнөнүн көпчүлүк бөлүгүн түзүп калды. Бирок ошончолук көп сан менен да дүйнөлүк жыйын дүйнөнүн калкына салыштырмалуу тезирээк өскөн жок.

Бул Ыйсаны ээрчигендер мурун болуп көрбөгөндөй көбөйүп жаткан болсо да, Ыйсаны ээрчибегендер жана түбөлүктүүлүктү Андан өзүнчө бөлүнүп өткөрө турган адамдар мурункудан да көп экенин билдирет.

Көбөйүүчү шакирттерди жасоо маанилүү. Бир эле шакирттен баштаңыз. Алар көбөйүп 18 айдын, бир толук жыл жана алты айдын ичинде жаңы бир шакирт жасаса, ал эми кийинкилер 10 жылдын ичинде так эле ушундай кылса, Ыйсанын дагы 64 жолдоочусу болот. 64 адам түбөлүктүүлүгүн мээримдүү Кудай менен өткөрүшөт.

Бирок алар тезирээк кыймылдасачы? Алар ТЕМПИН тездетишсечи?

18 айдын ордуна алар эми 4 айда, чейрек жылда көбөйүп турушса, кийинки шакирттер да ошондой кылышса, 10 жылда Ыйсанын МИЛЛИАРД жолдоочусу болот. Ойлонуп көрсөңүз. Жүзгө жетпеген адамдын ордуна миллиарддан ашык адам.

ТЕМП көбөйгөндө ушундай болот.

18 ай эмес 4 айда ишке ашыруу биз төрт жарым эсе тезирээк кыймылдаганыбызды билдирет. Ар бир шакирт ушундай ылдамдуулукта кыймылдаса, бул 10 жыл аралыгында Кудайдын үй-бүлөсү он беш миллионго тезирээк өскөнүн билдирет. Жүздөн азыраак адам. Миллиарддан көп адам.

ТЕМП маанилүү.

Өзүбүздүн жана Кудайдын окуясын бөлүшүү, бирөөнү Ыйсаны ээрчүүгө жетектөө Кудайдын үй-бүлөсүн өстүрөт. Жаңы жолдоочуга так эле ушундай кылууну үйрөтүү Кудайдын үй-бүлөсүн оттой жайылтат. Абдан тез болот. Ачыткы камырды ачыткандай.

Зуме сыяктуу.

Баары ТЕМПке байланыштуу.

Бул сабакта биз Ыйсанын жолдоочулары өсүүнү тездетип, ишенимдүү руханий үй-бүлөгө бүтүндөй шаарга тараган өсүүчү ишенүүчүлөрдүн тобуна айлануу үчүн кантип ЭКИ ЖЫЙЫНДЫН БӨЛҮГҮ боло аларын үйрөнөбүз. Кудайдын Сөзүнөн биз Анын жеткилең планы биздин руханий үй-бүлө катары жашообуз экенин билебиз. Ыйык Китеп бул үй-бүлө тууралуу үч формада айтат:

• Ааламдык жыйын --азыр бар жана кийин боло турган бардык ишенүүчүлөрдүн тобу.
• Аймактык же шаардык жыйын --шаардагы же өлкөнүн бир бөлүгүндөгү бардык ишенүүчүлөрдүн тобу.
• Жөнөкөй жыйын --бир имаратта же үйдө кичине топто жолуккан ишенүүчүлөрдүн чогулушу.

Эң кичине топ - бул жөнөкөй жыйын -чогуу өмүр сүргөн руханий үй-бүлө; ал үй-бүлө айлар же жылдар бою жолугушуп чогуу иштешкенде эң жакшы иш алып барат. Ошол эле учурда, Ыйса жолдоочуларына алар туруктуу түрдө жаңы руханий үй-бүлөлөрдү түптөп, аларды Ыйсага окшоштуруп өстүрүп, ошондой эле руханий үй-бүлөлөрдү баштоону үйрөнүүгө жардам бериш керектигин айткан.

Ыйса мындай деген: Баргыла да, бардык элдерди Мага шакирт кылгыла. Аларды Ата, Уул жана Ыйык Рухтун атынан сууга чөмүлдүргүлө. Силерге буйругандарымдын бардыгын аткарууну аларга үйрөткүлө. Бул эки нерсе кантип жанаша жүрүшү мүмкүн - жыйындын бир бөлүгү болуу жана жаңы жыйын баштоо процессине катышуу бир учурда кандайча мүмкүн?

Төрт үй-бүлөдөн турган эң жөнөкөй жыйынды элестетиңиз. Ар бир жуп үйүн жетектеген ар башка түгөйлөрдү билдирет. Бардык түгөйлөр бир жыйындын бөлүгү; бул алардын туруктуу рухий үй-бүлөсү.

Бул - алар менен чогуу жашаган, аларды сүйүүгө жана жакшы иштерге шыктандырган бир туугандары. Бирок ушул жубайлардын ар бири жаңы рухий үй-бүлөнү баштоо үчүн иштеп жатышат. Алар өзүнүн кичинекей үй-бүлөлүк тобуна катышкандай, жаңы руханий үй-бүлөлүк топко катышпайт, бирок жаңы үй-бүлөнүн башталышына жана өсүүсүнө ҮЛГҮ болуп, ЖАРДАМ кылышат.

Элестетсеңиз - бир жыйын бир эле учурда төрт жаңы жыйын баштайт. Кудай өз үй-бүлөсүн ушундай тез өстүрө алат. Жыйын өзүнүн темпин ушундай тездете алат.

Мындан мурунку сабакта ҮЛГҮ, ЖАРДАМ, КАРОО жана КОЁ БЕРҮҮ деген ТРЕНИНГ АЙЛАМПАСЫН үйрөнгөнбүз. Биз алгачкы эки фаза - ҮЛГҮ жана ЖАРДАМ тууралуу билебиз, алар жаңы жолдоочуларды дени сак кылып, ишенимде өстүрүү үчүн тезден өткөрө турган кадамдар.

Ошондо түпкү жыйын жана алар баштаган төрт жыйынга эмне болот? Үлгү болуу жана Жардам берүү аркылуу колдоо алгандан кийин, бул жубайлар ушул жаңы жыйындарга өздөрү да Үлгү болуп, Жардам көрсөтүштү. Бул төрт жыйын үчүн биздин жубайлар азыр КАРОО фазасында; алар бул жаңы жыйындардын өсүүсүнө көз салып, өздөрү баштаган жыйындарга Үлгү көрсөтүп Жардам берүү аркылуу көмөк көрсөтүп жатышат.

Көпчүлүк адамдар бирден ашык руханий үй-бүлөгө Үлгү көрсөтүп жана Жардам бере албашы мүмкүн. Бирок алар көз салып, жыйындардын көбөйүүсүнө көмөк кылып, өсүүдө теңдеш кеңешчилер менен байланышууга жардам берет.

Бул бир эле руханий үй-бүлө - бир чакан топ жыйын - бир эле учурда башка көп чакан топ жыйындарды баштоо ишине катышарын билдирет. Бул аябай көп жемиш. Бул жыйындар өсө баштаганда жана алар жаңы жыйындарды негиздей баштаган жыйындарды баштаганда эмне болот? Алар бири-бири менен кантип байланышат? Алар кеңейген руханий үй-бүлө катары кантип чогуу өмүр сүрүшөт?

Анын жообу мындай - бул жөнөкөй жыйындардын баары өсүп жаткан, бири-бири менен байланышкан шаар же аймактык кызматташтыкты түзгөн денедеги клеткалар сыяктуу. Жыйындар өз ара байланышкан. Алар окшош руханий ДНКга ээ. Алардын баары биринчи көбөйүүчү руханий үй-бүлөгө байланыштуу.

Эми - бир аз жол көрсөтүү аркылуу -алар дагы чоңураак иштерди кылуу үчүн биригишет.

Ыйса мындай деген: "Достору үчүн өз жанын берип коюудан өткөн сүйүү жок". Ыйса Кудайдын үй-бүлөсү Кудайдын эркине баш ийип, өз каалоосунан баш тартканда, эң жакшы өсөрүн айтып, кайра кайра көргөзгөн.

Үйрөткөндү текшерүү тизмеси -Зуме тренингинин ар түрдүү бөлүктөрү аркылуу башкаларды жетектеп жардам берүү үчүн жөнөкөй курал. Ал Айлампа тренинги же 100дүн тизмесине окшош.

Башкаларда кайсы көндүмдөр өнүккөнүн көрдүңүз? Кайсы тармактарды дагы эле өнүктүрүү керек?

Үйрөткөндү текшерүү тизмесин колдонуу сиз барган бардык жерлерде Ыйсанын жолдоочуларын Кудайдын үй-бүлөсүндө жетекчи кылып өстүрүүдө көңүл топтоого жана сергек болууга жардам берет.

Бул убакытты жана аракетти талап кылат. Курмандыкты талап кылат. Кудайдын жеткилең планы үчүн өз каалооңдон баш тартууну талап кылат. Анан баарынан маанилүүсү, ал ошого татыктуу.

Үйрөткөндү текшерүү тизмеси -Зуме шаймандар топтомунда сизге жашоодогу эң чоң оюнду - Кудайдын ишин улантууга жардам берген эң жөнөкөй курал.

Бул сабакта биз КЫЗМАТТАШТЫКТАГЫ ЖЕТЕКЧИЛИК өсүп жаткан кичинекей жыйындардын тобуна жаңы жетекчилерди өстүрүүгө жана Кудай өз эли үчүн пландаган жакшы иштердин дагы да көбүн кылууга жол ачып берерин үйрөнөбүз.

Анда жыйындар өсүп, жаңы жыйындарды ачып, алар өз кезегинде жаңы жыйындарды баштаганда кандай иштер болот? Алар кантип байланышта болот? Алар жайылган руханий үй-бүлө катары кантип чогуу өмүр сүрө алышат?

Буга жооп - бул жөнөкөй жыйындардын баары өсүп жаткан денедеги клеткалар сыяктуу; алар шаардык же аймактык жыйын менен байланышта болуп, кызматташат.

Жыйындар бири-бирине байланыштуу. Алардын руханий ДНКсы окшош болот. Алар бири-бири менен биринчи көбөйгөн үй-бүлөдөн чыкканы үчүн туташкан. Эми - бир аз жол көрсөтүү менен - алар андан көптү кылуу үчүн бири-бири менен биригишти. Шаардык жана аймактык деңгээлде, Кудайдын Сөзү ишенүүчүлөрдүн өсүүчү денесине жаңы жетекчилердин тобу кызмат кыларын көрсөтөт.

Жаңы Келишимде, жыйын бул кызматчыларды аксакал жана диакон, үйүрдүн койчусу жана кайтаруучусу деп аталат. Биз Кудайдын Сөзүндө Иерусалим шаарында көптөгөн кичинекей үй жыйындарына 7 кызматчы же диакон кызмат кылып жүргөн деп айтылганын көрөбүз.

Кудайдын Сөзүндө Эфестеги көптөгөн кичинекей үй жыйындарына Жакшы Койчу Ыйсанын үлгүсүн ээрчий турган жана койлору үчүн өз жанын бере турган аксакалардардын чакан тобу - кызмат кылып жүргөнү айтылганын көрөбүз.

Шаарда же аймакта, биз беш жетекчилик жөндөм берилгенин көрө алабыз. Кудайдын Сөзү айткандай, Машаяк Өзү элчилерди, пайгамбарларды, Жакшы Кабар таратуучуларды, багуучулар жана окутуучуларды дайындаган. Машайактын Денесин түзүүдө ыйыктарды кызмат кылууга жөндөмдүү кылуу үчүн ушундай кылган.

Бул рухий жөндөмдөр кичине топ жыйындын жумушунун баарын өзү бүтүрүшү үчүн эмес, Ыйсанын жолдоочуларын ишенүүчүлөрдүн бүтүндөй денеси чогуу иштешип, Кудай Өзүнүн жүрөгүндө кылууну каалагандын баарына жетиш үчүн кызмат кылып даярдоого берилген.

Буга кошумча же анын ордуна өздөрүнүн рухий үй-бүлөлөрү жолуккан жерде, бул жетекчилер сыйынышат жана баарлашып, бири-бирин шыктандырышат, бул адатта жөнөкөй үй жыйынында кылына турган иш аракеттерге окшош болот.

3/3 үлгүсү жетекчилерди даярдоо жолугушууларында жана теңдеш көмөкчүлүктө колдонулат.

Төрт талаа үлгүсү пландоо, жергиликтүү деңгээлдегидей эле бийигирээк деңгээлдерде баалоо жана багыт көрсөтүү үчүн колдонулат.

Жетекчилер жолукканда, эмне болуп жатканын жеке адам катары эле эмес, кызматташтык деңгээлде да бөлүшүшөт. Алар үй-бүлөлөрдүн өкүлдөрү катары кызмат кылган жыйындардын ал абалы тууралуу бөлүшөт. Рухий үй-бүлөлөрдүн кызматташтыгы үчүн топтоло турган жакшы жер кызматташтык башталган жер болуп эсептелет. Тампадан башталган жыйындар түйүнү Тампадагы шаар жыйыны катары башталат. Алар өсүп бүтүндөй шаарга кызмат кылганда, Флоридадагы түйүндүн атынан иш аракет кылышат. Алар өлкөгө жана дүйнөнүн ар тарабына адамдарды жиберип кызмат кылганда, улуттук, атүгүл эл аралык деңгээлде иш алып бара баштайт.

Ыйса мындай деген: Аз нерседе ишенимдүү адам көп нерседе да ишенимдүү.

Жыйындардын бул түйүнү окшош рухий ДНК аркылуу бири-бири менен байланышкан жана бир жерден чыгышкан. Кээде кызматташтык тилге, жолугушуу мүмкүнчүлүктөрүнө же башка себепке карап бир нече кичине кызматташтыкка бөлүнөт.

Бул көйгөй эмес, өсүүнүн бир бөлүгү. Жөнөкөй жыйындардын жана жолдоочу адамдардын Кудайдын Сөзүн үйрөнүү, ага баш ийүү жана аны бөлүшүү каалоосу - кыймылдын рухий ДНКсы. Эгер ал муундан муунга, жыйындан жыйынга жана ишенүүчүдөн ишенүүчүгө ийгиликтүү өткөрүп берилсе, анда шакирттерди көбөйтүү үчүн жаңы кыймылды баштоого керектүү нерсенин баары ар бир руханий үй-бүлөдө жана Ыйсанын ар бир жолдоочусунда даяр болот.

Кыймылдар кыймылдарды ишке киргизген учурда биз "ачыткынын" иш аракетке кирип, шаар же аймак, атүгүл бир элде камырды ачыткандай иштеп жатканын көрөбүз. Мына ушинтип Кудайдын Падышалыгы Кудайдын эрки боюнча асмандагыдай эле жерде да орнотулат. Мына ушинтип бардык элдерден шакирттерди жасап, биз Улуу Тапшырманы бүтүрө алабыз.

Ыйса мындай деген: "Силерге жаңы осуят берем: бири-бириңерди сүйгүлө! Мен силерди сүйгөндөй, силер да бири-бириңерди сүйгүлө! Эгерде бири-бириңерди сүйсөңөр, башкалар силердин Менин шакирттерим экениңерди билишет».

Теңдеш Көмөк Тобу - жетекчилерден жана 3/3 топторун баштап жаткандардан түзүлгөн топ. Ал да 3/3 форматы боюнча түзүлгөн жана аймагыңыздагы Кудайдын ишинин руханий абалын баалаганга жардам берет.

Жетекчи жетекчиге жардам берген Теңдеш Көмөк Топтору Ыйсанын жеке жолдоочуларына, кадимки жыйындарга, кызмат кылган уюмдарга же бүт дүйнөгө тараган дүйнөлүк жыйындардын тармагына көмөк көрсөтөт.

Теңдеш Көмөк Топторунда Ыйсанын Жазуудагы кызмат үлгүсү колдонулат, мүчөлөр бири-бирине суроолорду берип, жооп беришет -- бардыгы 3/3 тобундай негизги убакыт тартибин колдонушат. Бул топтордун максаты бири-бирин айыптоо эмес - бирөөнү көкөлөтүп, бирөөнү басынтуу эмес.

Ыйса мындай деген: "Айыптабагыла, ошондо өзүңөр да айыпталбайсыңар. Кандай айыптасаңар, силер да ошондой айыпталынасыңар. Кандай өлчөм менен өлчөсөңөр, силерге да ошондой өлчөм менен өлчөнөт».

Тескерисинче, Теңтуштардын Көмөк Тобунун максаты -Ыйсанын жолдоочуларына сыйынуу, баш ийүү, колдонуу жана жооптуу болуу аркылуу өскөнгө жардам берүү үчүн жөнөкөй форматты камсыз кылуу. Башкача айтканда "бири-бирин сүйүүгө" үйрөтүү.

Бул мындай иштейт:

АРТТЫ КАРОО

Биринчи үчтүктө -сыйынууда убакыт өткөргүлө жана негизги 3/3 Тобунда кам көргөндөй кам көргүлө. Анан топтун келечекке көрүнүшүн кароого убакыт бөлгүлө Биз жеке Ыйсада болууда, Жазууну окуп, сыйынып, Кудайга ишенип, баш ийүүдө жана негизги мамилелерди түзүүдө канчалык ийгиликтүүбүз?

Акыры биринчи үчтүктө акыркы акыркы сабакта кабыл алынган ар биринин кыла турган ишин жана милдеттенмелерин топто карап чыккыла.

Издөө

Топтун убактысынын үчүнчү бөлүгү Жазуу, талкуулоо жана сыйынуу аркылуу Кудайдын акылмандуулугун жана багыттоосун Издөөгө арналат. Кудай Өз Сөзү аркылуу Өз эркин жана Өз жолдорун үйрөтсүн деп кыскача жана жөнөкөй сыйынгыла. Ыйык Рухтан убакытты жетектөөсүн сурангыла.

Топ мүчөлөрү жетекчилик кызматы боюнча Теңирден эмнелерди үйрөнгөнүн, Кудайдын Сөзү, Сыйынуу же башка жолдоочулар аркылуу билип калганын бөлүшөт.

Топ төмөнкү жөнөкөй суроолорду талкууласын:

• Төрт талаа диаграммасынын ар бир бөлүгүндө жагдай кандай?
• Кайсынысы жакшы болуп жатат? Эң чоң кыйынчылыктарыңыз кайсы?
• Азыркы муундун картасын карап чыккыла.
• Сиз үчүн эмне кыйын болду же эмнени түшүнүү кыйынга турду?
• Кудай сизге жакында эмне көрсөттү?
• Тажрыйбалуу лидерлерден же катышуучулардан кандайдыр бир суроолор же ой пикирлер барбы?

АЛДЫНЫ КАРОО

Топтун убактысынын үчүнчү акыркы бөлүгү үйрөнгөнүбүздү колдонуу жана баш ийүү үчүн Алдыны кароого арналат. Топтогу ар бир адам менен тынчтыкта сыйынууга убакыт арнап, Ыйык Рухтан төмөнкү суроолорго жооп берүүнү үйрөтсүн деп сурангыла:

• Кийинки жолугушууга чейин Кудай кандай пландарды жана максаттарды ишке ашыруумду каалайт? (Ишиңерге көңүл топтоо үчүн Төрт талаа куралын колдонгула)
• Көмөкчүм же Топтун башка мүчөсү мага ушул иште кандай жардам бере алат?

Акыры топ катары Кудайга сыйынууда кайрылып, убакыт өткөргүлө. Топтун ар бир мүчөсү үчүн сыйынгыла жана алар өз алдынча жүргөндө жолуга турган адамдардын жүрөктөрүн даярда деп Кудайдан сурангыла.

Топтун ар бир мүчөсү Кудай аларга бул сабакта үйрөткөн нерселерди колдонуп, аларга баш ийиш үчүн кайрат жана күч берсин деп сыйынгыла. Тажрыйбалуу жетекчи жашыраак жетекчи үчүн сыйынышы керек болгон учурда, ушул убакыт мындай сыйынууга эң ыңгайлуу убакыт.

Топтор көбүнчө бетме-бет эмес аралыктан жолуккандыктан,Теңирдин Кечки Тамагын чогуу бөлүшө же чогуу тамактана албасаңар керек, бирок ден соолук, үй-бүлө жана достор тууралуу кабар алууну унутпагыла.

Ыйса эң маанилүү иштер менен алек болсо да, сүйүктүүлөрү үчүн дайыма убакыт бөлүп, тең салмактуулукту сактаганын бизге кайра кайра көрсөткөн. Теңтуштардын Көмөк Тобу - Зуме шаймандар топтомундагы күчтүү жетекчилерди өстүрүү үчүн жөнөкөй бирок стратегиялык курал.

Мазмуну:

Теңдеш көмөкчүлүк топту алып баруу үчүн

АРТТЫ КАРОО - убактыңыздын 1/3

Биринчи үчтөн бир бөлүгүндө - негизги 3/3 тобундагыдай эле сыйынуу жана кам көрүү менен убакыт өткөргүлө. Анда кийин убакыт топтун келечекке көрүнүшүн жана мурунку милдеттенмелерге ишенимдүүлүгүн карагыла:: Сиз Машайактын ичинде канчалык жакшы жашап жатасыз? [Жазуу, сыйынуу, ишеним артуу, баш ийүү, негизги мамилелер?] Сиздин топ акыркы акыркы сабактагы иш пландарды бүтүрдүбү? Аларды карап чыккыла.

ЖОГОРУ КАРОО - убактыңыздын 1/3

Төмөнкү жөнөкөй суроолор боюнча топто талкуулоо өткөргүлө:

• Төрт талаа диаграммасынын ар бир бөлүгүндө кандай иштерди кылып жатасыңар?
• Кайсынысы жакшы иштеп жатат? Эң чоң кыйынчылыктар кайсылар?
• Азыркы Муун картаңарды карагыла.
• Силерге эмне кыйын болду же эмнени түшүнүү кыйынга турду?
• Кудай акыркы убакта эмнени көрсөтүп жатат?
• Тажрыйбалуу жетекчилер же башка катышуучулардан дагы башка суроолор барбы?

АЛДЫНЫ КАРОО - убактыңыздын 1/3

Топтогу ар бир адам менен Ыйык Рух аларга төмөнкү суроолорго жооп берүүгө жардам берсин деп үн катпай сыйынгыла:

• Кийинки жолугушуубузга чейин Кудай менин кандай пландарды же максаттарды ишке ашыруумду каалайт эле? [Ишиңизге көңүл буруу үчүн Төрт талаа диаграммасын колдонуңуз]
• Кам көрүүчү же топтун башка Мүчөлөрү мага кантип бул иште жардам бере алат?

Акырында топ менен Кудайга сыйынуу убактысын өткөргүлө. Топто сыйынууда ар бир мүчө бири-биринен алыс болгон учурда баарлаша турган адамдардын жүрөгүн даярдасын деп сыйынгыла. Кудайга топтун ар бир мүчөсүнө Кудай аларга ушул сабакта үйрөткөн нерселерди колдонуп, аларга баш ийүүгө кайраттуулук жана күч берсин деп сыйынгыла. Эгер тажрыйбалуу жетекчи жашыраак жетекчи үчүн өзгөчө сыйынышы керек болсо, бул эң сонун убакыт. Мындай топтор көбүнчө аралыктан жолуккандыктан, силер Теңирдин Кечки тамагын бөлүшө же чогуу тамактана албашыңар мүмкүн, бирок ден-соолук, үй-бүлө жана достор тууралуу кабар алууну унутпагыла.