Zúme-ն, որը հունարենում նշանակում է թթխմոր, շատ խորիմաստ բառ է։ Մատթեոս 13.33 խոսքում Հիսուսը Երկնքի Արքայությունը համեմատում է թթխմորի հետ, որը, խառնվելով մեծ քանակությամբ խմորի հետ, խմորում է ամբողջ զանգվածը։ Այս առակը ցույց է տալիս, թե ինչպես սովորական մարդիկ, օգտագործելով սովորական միջոցներ, կարող են Աստծո Արքայության տարածման վրա մեծ ազդեցություն ունենալ։
2015 թվականին մի փոքր խումբ, որի անդամներն իրենց ընծայել էին Հիսուսի Մեծ հանձնարարականը կատարելուն, համախմբվեց «Ջոնաթան» նախագծի առաջնորդների ժողովի շրջանակներում։ Նրանք աղոթեցին և քննարկեցին բազմապատկվող աշակերտության մարտահրավերները։ Նրանք հասկանում էին, որ անհրաժեշտ էր հասանելի, բազմալեզու և ճկուն ուսուցման համակարգ, որը կհամապատասխաներ Հիսուսի կոչին, այսինքն՝ սովորական մարդիկ դառնան «թթխմոր» Աստծո Արքայության համար։ Սա հանգեցրեց առցանց, տեսաշարերի հիման վրա ձևավորված ուսումնական ծրագրի գաղափարի ծնունդին։ Արդյունքում այս գաղափարը դարձավ այն, ինչ այսօր հայտնի է որպես Zúme։
Zúme դասընթացի աշակերտության հիմնարար սկզբունքներն անմիջապես վերցված են Աստվածաշնչից և ավելի քան երեսուն տարի փորձարկվել են աշխարհով մեկ։ Այս սկզբունքները քաջալերում են սովորական հավատացյալներին դառնալ աշակերտներ, ովքեր իրենց հերթին պատրաստում են աշակերտներ, ինչի արդյունքում միլիոնավոր աշակերտներ տարածում են Աստծո Արքայությունը հոգևորապես խավար վայրերում։
Zúme դասընթացը, որը մեկնարկեց 2017 թվականի փետրվարի 14-ին, տարբեր եկեղեցիների և կազմակերպությունների հետ համագործակցության շնորհիվ, մնում է բաց նախաձեռնություն՝ առանց պաշտոնական կազմակերպչական վերահսկողության կամ առանձին կառույցի։ Քանի որ Zúme-ն որևէ կազմակերպության կողմից չի ղեկավարվում, այն չունի պաշտոնական դավանանքի հռչակագիր։ Այնուամենայնիվ, բոլոր ներգրավվածները համաձայն են Լոզանի համաձայնագրի հետ։
Նպատակն մեր օրերում աշխարհը բազմապատկվող աշակերտներով լցնելն է։ Այս դասընթացում ներկայացված աստվածաշնչյան սկզբունքները պարզ են, սակայն դրանց կիրառումն ունի աշխարհը փոխելու ներուժ։
Zúme-ի տեսիլքը նման է թթխմորի, որը տարածվում է խմորով մեկ՝ Աստծո Արքայության հիմնական գործիքները տարածելով ամբողջ աշխարհում։
Մաս 1
Առնվազն մեկ աշակերտող Հյուսիսային Ամերիկայի բնակչության յուրաքանչյուր 5000 մարդու և մեկ աշակերտող ամբողջ աշխարհում յուրաքանչյուր 50000 մարդու համար:
Մաս 2
Մարզված աշակերտները պետք է սկսեն առնվազն երկու պարզ բազմապատկվող եկեղեցի ԱՄՆ-ի բնակչության յուրաքանչյուր 5000 մարդու և առնվազն երկու պարզ եկեղեցի ամբողջ աշխարհում յուրաքանչյուր 50000 մարդու համար:
Այս փոքրիկ «սկիզբներով» (այն, ինչ Աստվածաշունչը անվանում է թթխմոր) կարող ենք տեսնել աշխարհը՝ լցված բազմապատկվող աշակերտներով և եկեղեցիներով։ Ուսումնասիրե´ք Zúme դասընթացը և բացահայտե´ք, թե ինչպես դա անել։
Անվճատ գրանցումըլիարժեք հասանելություն է տալիս ամբողջ ուսումնական նյութերին և առցանց մենթորությանը։
Ուսուցողական տեսանյութերը օգնում են Ձեր խմբին հասկանալ աշակերտների բազմապատկման հիմնական սկզբունքները։
Խմբային քննարկումներն օգնում են Ձեր խմբին խորհել ներկայացված թեմայի շուրջ։
Պարզ վարժանքները օգնում են Ձեր խմբին կիրառել այն, ինչ սովորում եք։
Դասաժամի հանձնարարություններն օգնում են Ձեր խմբին շարունակել սովորել և աճել դասաժամերի միջև ընկած ժամանակահատվածում։
Առաջինը.
Zúme-ն նածատեսված է խմբերով աշխատելու համար։ Խմբային վարժությունները, քննարկումները և հմտությունների կիրառությունն ավելի արդյունավետ կլինեն, երբ դա անեք ուրիշների հետ միասին, ուստի, եթե հնարավոր է, խումբ հավաքե´ք։
Երկրորդը.
Zúme-ն ուղղված է ոչ միայն գիտելիքների ձեռքբերմանը, այլ նաև հմտությունների և կարողությունների զարգացմանը։ Յուրաքանչյուր դասաժամի նպատակը պտղաբեր գործունեությունն է։ Դասընթացի լավագույն արդյունքը կլինի փոփոխված կենսակերպը և զորացած հավատքը։
Դասընթացի ողջ ընթացքում Zúme համայնքը պատրաստ է աջակցել Ձեզ՝ տրամադրելով մարզիչ, ով կօգնի Ձեզ և Ձեր խմբին հաջողությամբ անցնել դասընթացը։ Մի´վարանեք դիմել հարցերով և մտահոգություններով։
Գտնել մարզիչի