رؤية سكب أعظم بركة

تفرّج في الفيديو

عرض النصّ

مشاركة مثال على أعظم بركة

طريقة باهية باش تبدا إدّرب واحد يتبّع في يسوع المسيح، تنجّم تبدا على الطريق الصحيح في تطبيق شوية مالمبادئ هذي. 

أوّل حاجة، إتحصّل على معلومات الإتّصال الخاصّة بيهم وأحكيلهم: متابعة يسوع هي بركة. قيادة النّاس يتبّعوا في يسوع هي بركة عظيمة. تأسيس عائلة روحية جديدة هي بركة أعظم. تكوين النّاس باش يؤسّوا عائلات روحية جديدة هي أعظم بركة. نحب نعاونك باش تبدا وتتحصّل على البركة العظيمة، البركة الأعظم، والبركة العظمى.

أعمل قائمة تتكوّن من 100 شخص تعرفهم وإختار خمسة منهم (إلّي مايعرفوش ربّي) تحب تشارك معاهم توّا. مبعد، وقت تكون القائمة حاضرة، خلّيهم يشاركوا شهادتهم والإنجيل.

مارس هذا خمس مرّات، مرّة لكلّ شخص مالأشخاص إلّي خترتهم بعد ألعب دور النّاس هاذم وقت الممارسة. حدّد موعد باش تشوفهم، في العادة بعد نهارين. في نفس الوقت ينجّموا يشاركوا معاك كيفاه مشات الأمور وقت شاركوا بالإنجيل. إذا مجاويش، عندك معلومات الإتّصال الخاصّة بيهم. بعد نهارين، قابلهم مرّة أخرى. إذا مشاركوش، متحدّثوش على حتّى حاجة جديدة. إقترح عليهم يشاركوا. إقترح عليهم التدرّب معاهم. أعمل مجهود باش يشاركوا مع النّاس. ساعات باش تحسّ بالشكّ في إنّو الشخص هذا موش "تربة باهية"، وإذا كانت الحكاية كيما هكّا، متستثمرش فيه برشة.

إذا شاركوا أما مآمن حتّى حدّ فيهم، كون فرحان! أبدا إتحّدث معاهم على المعمودية وعرّفهم على إحدى أدوات تلمذة التّلامذة. إختار بعض الأشخاص الإضافيين من قائمة ال100 شخص و شاركها معاهم وإدرّب معاهم  وقت الضرورة.

إذا شاركوا وآمن شوية منهم أما فشلوا باش يحكيوا على أعظم نعمة، فأفرح معاهم، راجع الأسس، وأبعث مرّة أخرى لنفس الأشخاص باش يواصلوا في العملية. إذا شاركوا وآمن شوية منهم وحكاو على أعظم نعمة، كون متحمّس برشة! حطّ ديما أنهم باش يكونوا  "تربة باهية" وخطّط  باش تستثمر بشكل كبير في نموّهم الرّوحي. أبدا أحكي على المعمودية وقدّملهم نموذج على مجموعة 3/3 وفسّرلهم حتّى ينجّموا يبداو مجموعة مع الأشخاص إلّي قادوهم لرّبي.

 

أسأل روحك

• هل هذا هو النمط إلّي تعلّمتوا أوّل مبديت تبّع في يسوع؟ إن كان الجواب لا، شنية الفرق؟
• بعد مجيت للإيمان، قدّاه قعدت وقت قبل ماتبدى في تلمذة النّاس؟
• حسب رايك شنية  إلّي باش يصير إذا بدوا الأتباع الجدد في المشاركة مع النّاس وتلمذتهم؟