البداية مع تدريب زومّيه
أجمع شوية من أصحابك وإلاّ تبّع الدّورة مع مجموعة صغيرة موجودة.كوّن مجموعتك التّدريبية وتبّع تقدّمك.
فمّا برشة طرق تشارك بيها قصّة ربّي. أفضل طريقة تعتمد على الشخص إلّي تشارك القصّة معاه ونظرتوا للعالم وخبرتوا الحياتية. يستخدم ربّي قلوب تحب تشارك الخدمة في قلوب تحب تسمع. مالطّرق إلّي تنجّم تستعملها باش تشارك قصّة ربّي هي تفسير شنية إلّي صار من بداية الخلق لدّينونة في نهاية الزمان.
في البداية خلق ربّي العالم وكلّ مافيه. أوّل حاجة خلقها, هي الرّاجل والمرا وحطّهم في جنّة مزيانة وخلاّهم يكونوا جزء من عائلة ربّي وكانت بيناتهم علاقة قوّية.
خلقهم باش يعيشوا للأبد ومكانش فمّا موت جملا وقتها . حتّى في البلاصة المثالية هذي ,تمرّد الإنسان على ربّي وجاب الخطّية والألم للعالم. طرّد ربّي الإنسان مالجنة. وإتقصّت العلاقة بين الإنسان وربّي. ولّى الموت ضروري على الإنسان. على طول مئات السنين واصل ربّي في بعثان برشة رسل للعالم. وكانوا ديما يذكّروا الإنسان بالخطّية متاعوا, أما كانوا ديما يحكيولوا على أمانة ربّي و وعدوا بمخلّص يجي للعالم على قريب. باش يرجّع المخلّص هذا العلاقة القوّية إلّي بين ربّي والإنسان ويخلّص الإنسان مالموت. وباش يعطي المخلّص الحياة الأبدية ويكون مع الإنسان للأبد.
ربّي يحبنا حب عظيم لدرجة إنّو وقت جا الوقت المناسب بعث ولدو للعالم باش يكون هو المخلّص. كان يسوع ولد ربّي. تولد في العالم من عذراء. وعاش حياتو بلا حتّى عيب ومغلطش حتّى غلطة. علّم يسوع النّاس على ربّي. وعمل برشة معجزات, ورّا قدرتوا العظيمة. طرّد برشة شواطن, وشفا برشة, خلّى العميان يشوفوا والبكاكش يتكلّموا والمعاقين يمشيوا وقيّم الموتى مالموت. كانوا برشة قادة دينيين يغيروا من يسوع, ولاّ يمثّللهم تهديد. حبوا يقتلوه, بما إنّو مغلطش جملة وموش ملزوم عليه الموت.
أما خطار باش يموت كيما الذبيحة على خاطرنا الكلّ. وكفّر بموتوا المؤلم على خطايا العباد الكلّ. وبعدها تدفن يسوع في قبر. شاف ربّي الذبيحة إلّي قدّمها يسوع وقبلها. وظهّر ربّي إنّو قبل الذبيحة هذي بإقامة يسوع من بين الأموات, في اليوم الثالث.
قال ربّي إذا أمنّا بذبيحة يسوع على خاطر الخطايا متاعنا وقبلنا الذبيحة هذي في حياتنا وتراجعنا على خطايانا وتبّعنا يسوع وقتها يطهرّنا ربّي من كلّ خطّية ويقبلنا من جديد في عايلتو. بعث فينا ربّي الرّوح القدس باش يحيا في داخلنا ويخلّينا نجّموا نتبّعوا يسوع. نتعمّدوا بالماء باش نعلنوا على ترجيع العلاقة مع ربّي. كرمز للموت تتدّفنا تحت الماء. كرمز للحياة الجديدة. قمنا مالماء باش نتبّعوا يسوع. وقت قام يسوع من بين الأموات عدّى 40 يوم على الأرض. علّم يسوع تلامذتو باش يمشيوا للعالم الكلّ ويورّيوا العالم الكلّ الخبر السّار على خلاصوا. قال يسوع -"مَالَا إِمْشِيوْ لِلشْعُوبْ الكُلْ وخَلِّيوْ النَّاسْ يْوَلِّيوْ تْلَامْذَة لِيَّا، وعَمْدُوهُمْ بْإِسْمْ الآبْ والإِبْنْ والرُّوحْ القُدُسْ، وعَلْمُوهُمْ يْطِيعُوا الِّي وَصِّيتْكُمْ بِيهْ الكُلْ، وهَانِي دِيمَا مْعَاكُمْ، لْآخِرْ الزْمَانْ."
بعدها ترفع يسوع قدّام عنيهم في السماء, أما باش يرجع مرّة أخرى بنفس الطّريقة إلّي مشى بيها. باش يدين للأبد النّاس إلّي محبّوهش ومطاعوهش. أما إلّي حبوه وطاعوه باش يكافئهم ويقبلهم في ملكوتوا للأبد ونعيشوا معاه للأبد في سماء وأرض جديدة.
آمنت وقبلت التّضحية إلّي قدّمها يسوع على خاطر الخطايا متاعي, خلاّني نكون طاهر ورجّعني كجزء من عائلة ربّي. هو يحبني وأنا نحبوا وباش نعيش معاه للأبد في ملكوتو. ربّي يحبك ويحبك تقبل الهديّة هذي. هل تحب تعمل هذا توّا؟
إدّرب على الإنجيل وحدك حتّى تحسّ براحة وإنتي تحكي في القصّة.
أجمع شوية من أصحابك وإلاّ تبّع الدّورة مع مجموعة صغيرة موجودة.كوّن مجموعتك التّدريبية وتبّع تقدّمك.