البداية مع تدريب زومّيه
أجمع شوية من أصحابك وإلاّ تبّع الدّورة مع مجموعة صغيرة موجودة.كوّن مجموعتك التّدريبية وتبّع تقدّمك.
إذا نتلمذوا تلامذة يتضاعفوا، فأحنا نستحقّوا نكوّنوهم باش يوليّوا منتجين وموش مستهلكين أكهو. في عالمنا المكسور، رفضوا برشا خطّة ربّي، ويعدّيوا طاقتهم في العيش في جزء من معادلة ربّي الكاملة. يتعلّموا أما ميشاركوش. يعبّيوا أما ميفرّغوش. يستهلكوا أما مينتجوش.
فمّا أربعة طرق رئيسية ينمّينا ربّي بيها روحيا. يتمّ تقديم الأدوات الموجودة في المجموعة بالطّرق الأربعة هذي:
يستحقّ كلّ تلميذ يكون حاضر باش يتعلّم، يفسّر ويطبّق الكتاب المقدس. على مدى آلاف السنين وعبر برشة مالمؤلفين المختلفين، تكلّم ربّي بكلمتوا في قلوب الرجال المؤمنين إلّي إستلموا وشاركوا إلّي سمعوه. يعلّمنا الكتاب المقدس قصّة ربّي وخططوا وقلبوا وطرقوا. إذا ميكونش التلميذ قاري، لازم يكون مجهّز باش يعمل هذا بمنهجية شفوية، ساعات يبدا بالإستماع لنسخة صوتية مالكتاب المقدس. الأدوات الثلاثة المذكورة في المجال هذا تكمّل بعضها في معاونة التّلامذة على مجموعة مالمهارات اللاّزمة باش يكونوا مؤهلين في تفسير وتطبيق الكتاب المقدس. إذ امعملتش هذا قبل، قوم بالتحقّق منها!
الصّلاة أساسية في علاقتنا مع ربّي. بالصّلاة نجّموا نسمعوه ونتحّدثوا معاه. تخلّينا الصّلاة نتعرّفوا على ربّي بشكل حميمي ونفهموا قلبوا ومشيئتوا وطرقوا. تعاونا الصّلاة نخدموا النّاس، ونعلّموهم، ونشهدوا ليهم. تنجّم الأداتين هاذم تعاون التّلامذة على النمّو في حياة الصّلاة الخاصّة بيهم، وفي الخدمة مع النّاس. تنجّم تعاونا في تنمية عادة العيش في سلوك الصّلاة ونشوفوا العالم بإستمرار من منظور روحي في عوض من مجرد الحالة الماديّة المرئية. تنجّم زادا تزيد في قدرتنا على الصّلاة.
صمّم ربّي جسدوا حتّى نستحقّوا لبعضنا. كلّ واحد فينا فيه نقاط قوّة ونقاط ضعف. لازمنا نخضعوا لبعضنا ونخدموا بعضنا. حياة التلميذ مطنتويش على علاقة الإنسان بربّي أكهو، أما تتضمّن زادا علاقة الإنسان بالإنسان. التّلمذة موش فردية أكهو، هي زادا شركة بطبيعتها. الأدوات المذكورة إلّي لوطا تعاونا في تحفيز بعضنا على المحبة والأعمال الباهية في بيئة مالمساءلة المزدوجة على المحبة الطّاعة ومشاركة النّاس علّي يقولنا عليه ربّي.
يستعمل ربّي الإضطهاد والمعاناة على خاطرنا في برشة نواحي. يستعملها باش يحسّن شخصيتنا ويطوّر الصفات الإلهية إلّي فينا. يستعملها باش يعزّز وينقّي إيماننا. يستعملها باش يجهّزنا لخدمة النّاس إلّي تعاني. يستعملها لتمجيد نفسوا في رغبتنا للتّضحية والمخاطرة على خاطروا. ربّي يخلّينا نسعاوا باش نعيشوا معاه بشكل كامل في العالم هذا، باش يضطهدونا. المعاناة على خاطر الملكوت تحظّرنا لعهدنا الأبدي مع المسيح في الأبدية.
أجمع شوية من أصحابك وإلاّ تبّع الدّورة مع مجموعة صغيرة موجودة.كوّن مجموعتك التّدريبية وتبّع تقدّمك.