جزء من كنيستين

تفرّج في الفيديو

عرض النصّ

نتعلّموا من كلمة ربّي إنّو خطّتوا الكاملة تخلّينا نحياوا كيما العائلة الرّوحية. يتكلّم الكتاب المقدس على العائلة هذي ككنيسة في ثلاثة أشكال: 

• الكنيسة الجامعة -- هي جماعة المؤمنين عبر التاريخ والعايشين تّوا وإلّي باش يؤمنوا.
• كنيسة المنطقة وإلاّ المدينة -- هي كلّ المؤمنين في مدينة معينة وإلاّ في جزء مالبلاد.
• الكنيسة البسيطة -- هي مجموعة صغيرة مالمؤمنين يجتمعوا مع بعضهم في دار.

تخيّل كنيسة أساسية - متكوّنة من أربعة عائلات أكهو, كلّ رمز في الكنيسة هذي يمثل راجل ومرتو إلّي يقودوا في عايلاتهم, الأزواج الكلّ جزء من كنيسة وحدة, هذي هي عايلتهم الرّوحية النّامية. هاذم هوما إلّي يعيشوا معاهم الأخوة والأخوات إلّي يشجّعوا فيهم على المحبة والأعمال الصّالحة. أما كلّ مرا ورجلها يخدموا على تكوين عائلة روحية جديدة, ميشاركوش بالطّريقة نفسها إلّي يشاركوا بيها مجموعة عائلاتهم الصّغيرة أما يعاونوا في تقديم النموذج والمعاونة باش يبداو يكوّنوا بيها عائلات روحية نامية.

تخيّل في نفس الوقت كنيسة وحدة تبدا بأربعة كنائس جديدة, بالسّرعة هذي ينجّم ربّي ينمّي عايلتو وبالطريقة هذي تنجّم الكنيسة تزيد فيسع في النمّو متاعها.

شنية باش يصير للكنائس هذي وقت تنمو وتكوّن كانيس جديدة, كيفاه تبقى الكنائس هذي الكلّ متصّلة ببعضها؟ كيفاه تعيش كيما العائلة الرّوحية الممتدة؟ الجواب هو كلّ الكنائس البسيطة هذي تشبه للخلايا في جسم ينمو ويكبر, على هذاكا هي مربوطة ببعضها في كنيسة مدينة وإلاّ منطقة. الكنائس مربوطين ببعضهم, يتشاركوا بالبصمة الوراثية الرّوحية نفسها, مربوطة كيما العائلة المتضاعفة لولا. وتّوا مع شوية إرشاد تجتمع الكنائس هذي مع بعضها كجسد كبير ينجّم يخدم أكثر وأكثر.

أسأل روحك

• شنية بعض مزايا المحافظة على عائلة روحية متناغمة تولد عائلة جديدة تنمو وتتكاثر في عوض النمّو المستمرّ للعائلة نفسها وتتقسّم على خاطر النمّو؟