كيفاه نلقاوا إنسان السلام

تفرّج في الفيديو

عرض النصّ

وقت تحب تلمذ النّاس في بلاصة مفيهاش برشة تلامذة - وإلا ّمفماش تلامذة جملة - وقتها تكون أهمّ حاجة تعملها إنّك تلوّج على إنسان السّلام.

إنسان السّلام هو:

• إنسان يحب يسمع قصّتك وقصّة ربّي وأخبار يسوع الباهية.
• إنسان مضياف ويرحّب بيك في بيتو, عايلتو وأصحابو.
• إنسان معروف ويحسّ بالفرحة وقت يتقابل مع مجموعة كبيرة وإلاّ صغيرة.
• إنسان أمين ويشارك إلّي يتعلّموا مع النّاس حتّى بعد متمشي إنتي.

ثلاث طرق بسيطة تميّز بيها إنسان السّلام:

• نطلب مالنّاس في المجتمع المحلّي مقترحات -- "مالشخص إلّي ناثقوا فيه؟ فمّا إنسان في المنطقة هذي يخمّم في النّاس قبل ميخمّم في روحوا؟"
• نصلّيوا لشخص وقت نمشيوا في مسير الصّلاة وإلّا في صلاتنا العاديّة كلّ يوم.
• نقدّموا أفكار روحية في كلّ حوار باش نشوفوا إذا كان ربّي يخدم في حياة أيّ إنسان.

ومهما كانت الطريقة إلّي نلقاوه بيها، تفكّر يسوع قال إنسان السّلام شخص لازم نعدّيوا وقتنا الكلّ معاه في التّلمذة.

 

أسأل روحك

• هل ينجّم شخص عندو "سمعة خايبة" (كيما المرا السامرية وإلاّ الراجل المسكون بالشواطن في كورة الجدريين) يكون إنسان السّلام؟علاه وعلاه لا؟
• شنية المجموعة وإلاّ المجتمع القريب منّك إلّي فيه حضور المملكة قليل (وإلّا مفقود)؟
• كيفاه ينجّم إنسان السّلام (شخص متفتّح ومضياف يعرف النّاس ويشارك) يسرّع في إنتشار الإنجيل في المجموعة؟