البداية مع تدريب زومّيه
أجمع شوية من أصحابك وإلاّ تبّع الدّورة مع مجموعة صغيرة موجودة.كوّن مجموعتك التّدريبية وتبّع تقدّمك.
فمّا برشة طرق تشارك بيها قصّة ربّي.
أفضل طريقة تكون مع الشخص إلّي تشارك معاه وجهة نضروا للعالم وتجاربوا الحياتية. يستعمل ربّي قلوب تحب تشارك في الخدمة على القلوب إلّي تحب تسمع. الخدمة خدمتوا. هو أكهو إلّي يخلينا ديما معاه.
إحدى الطرق لمشاركة قصّة ربّي هي مشاركة و وصف رسم بسيط نسميّوه الدوائر الثلاثة.
لكلّنا نعيشوا في عالم مكسور برشة. نشوفوا ونسمعوا قصص المعاناة والموت والحرب والمرض والإدمان في كلّ بلاصة. أما هذا موش تصميم ربّي الأصلي. تصميم ربّي الكامل هو عالم معبّي بالحب والفرح والوحدة والسّلام.
الطريقة إلّي خرّجنا بيها راوحنا من تصميم ربّي الكامل ودخلنا للإنكسار هي من خلال ميسمّيه الكتاب المقدس "الخطيّة". الخطيّة هي نبعدوا على طريق ربّي ونمشيوا في طريقنا الخاصّ. الخطيّة تفصلنا على ربّي. الخطيّة تحطّنا في الإنكسار. الخطيّة تقودنا للموت الرّوحي.
النّاس تحب تخرج مالإنكسار. أحنا قاعدين نحاولوا باش نخرجوا منّو. ساعات تلقى ناس تجرب في المخدرات والشّراب وساعات تلقى ناس تحاول تخرج منّو كي تلقى خدمة باهية باش تلمّد برشة فلوس. ساعات يخمّوا شوية مالنّاس بالحاجة هذي باش ينجّموا يخرجوا ملإنكسار وساعات تلقى ناس تجرّب الدين، فنعتقدوا إنّو السلوك الباهي وإلاّ معاونة النّاس باش تحررّنا.
حتّى حاجة مالحاجات هذي باش تحلّ مشكلة الإنكسار. حتّى وقت نحسّوا إنّو بعدنا برشة. فنعاودوا نرجعوا منين بدينا. وهذي هي الحقيقة المرّة. باش نكونوا ديما في الإنكسار إذا مازلنا قاعدين غادي -- وقت توفى الحياة هذي، الكتاب المقدس يقولنا أحنا مفصولين للأبد على ربّي. للأبد.
يسمّي الكتاب المقدس البلاصة هذي "الجحيم".
أما ربّي ميحبناش نبقاوا في الإنكسار.
يقول الكتاب المقدس -- ربّي حبنا برشة حتّى إنّو بعث ولدو باش يصنعلنا مخرج. جاء يسوع للأرض باش ينحّي خطايانا ويبعدنا على الإنكسار.
على هذاكا نحّى يسوع ولد ربّي ، خطايانا بموتوا.
بعد ثلاثة أيّام من موت يسوع ودفنوا، قام من بين الأموات وبسبب تضحيتوا العظيمة، خلّى ربّي يسوع ملك على كلّ شيء في السماء وعلى كلّ شيء على الأرض.
صنعلنا الملك يسوع ثنيّة نخرجوا بيها مالإنكسار. قال ربّي إذا...
…نرجعوا على خطيتنا…
...ونآمنوا أنّو يسوع مات على خاطرنا…
...ونتعمّدوا بإسم الآب والإبن والروح القدس…
بعد يقيّمنا ربّي – كيما يسوع -- باش نكونوا في حياة جديدة كجزء من عائلة ربّي -- للأبد.
بعد نمثّلوا الحياة الجديدة هذي في العالم المكسور، ونستناوا رجوع يسوع ويصنع سماء جديدة وأرض جديدة ونكونوا معاه للأبد في الملكوت.
ربّي يحبنا ننماوا في علاقتنا معاه. يحبنا ربّي نرجعوا للتّصميم الأصلي المثالي وكجزء من عائلة ربّي، يعطينا يسوع رسالة – سبب نعيشوا بيه – وطريقة نعيشوا بيها أحسن حياة ممكنة.
مهمّة يسوع لينا باش نمشيوا للبلايص الكلّ.
بعثنا يسوع - كيما بعثوا بوه ربّي -- مرّة أخرى للإنكسار باش نعاونوا النّاس تتحرّر ويولّيوا جزء من عائلة ربّي للأبد.
في عالم الدوائر الثلاثة هذا، فمّا زوز أنواع مالنّاس --
النّاس إليّ هوما ... جزء من تصميم ربّي المثالي إلّي يعيشوا مهمة إنقاذ ربّي ... يعاونوا في إعادة ربط ربّي بعائلتوا الأبدية.
وإلاّ …
النّاس إلّي... ما زالوا في حالة إنهيار... يحاولوا في كلّ شي باش يتحرّوا... على أمل باش يعاونهم حدّ.
فمّا برشة طرق تشارك بيها قصّة ربّي. أهم حاجة المشاركة. يستعمل ربّي القلوب إلّي تحب تشارك الخدمة على القلوب إلّي تحب تسمع، الخدمة خدمتوا. هو أكهو إلّي يخلينا ديما معاه.
أجمع شوية من أصحابك وإلاّ تبّع الدّورة مع مجموعة صغيرة موجودة.كوّن مجموعتك التّدريبية وتبّع تقدّمك.