شاگرداں نُوں بالغ کرن لئی تربیتی چکر
تربیتی چکر (ٹریننگ سائیکل) رُوحانی ترقی دے چار وکھرے قدماں راہیں شاگرداں نُوں پختہ کرن لئی ورتیا جاندا اے۔
ایہناں قدماں وِچ شامل نیں: نمونہ دیو، معاونت کرو، دھیان رکھو تے چلو جاؤ۔
تربیتی چکر اِک شاگرد نُوں کِسے مہارت یاں ضابطے وِچ نویں ہون توں لے کے اوہدی قابلیت نُوں اینا ودھاؤندا اے پئی اوہنُوں اوس مہارت وِچ ہور کوچنگ دی لوڑ نہیں رہندی۔ بہت سارے شاگرد تے شاگرد بناؤن والے تربیتی چکر دے شروع دے قدماں (نمونہ دینا، معاونت کرنا) وِچ اٹک جاندے نیں، تیجے قدم (دھیان رکھنا) وِچ کافی ویلا نہیں گزاردے، تے چوتھے قدم (چلو جاؤ) وانگ تقریباً کدی وی اوہناں نُوں آزاد نہیں کیتا جاندا۔
تربیتی چکر اینج کم کردا اے:
تربیتی چکر کیہ اے؟ ایہنُوں اینج سمجھو۔ کیہ تُسی کدی سائیکل چلانی سِکھی اے؟ کیہ تُسی کدی کِسے دُوجے دی سِکھن وِچ مدد کیتی اے؟ جے اینج اے، تے ہو سکدا اے تُسی اپنے تجربے توں پہلاں ای تربیتی چکر نُوں جاندے او۔
نمونہ دیو
نمونہ دینا بس کِسے عمل یاں ٹُول دی مثال پیش کرنا اے۔ ایہہ تربیتی چکر دا سب توں چھوٹا حصہ اے۔ عام طور تے ایہنُوں صرف اِک واری کرن دی لوڑ ہوندی اے۔ ایہہ بس ایہہ دسنا اے پئی کوئی عمل یاں ٹُول موجود اے تے ایہہ اِک عام اندازہ دینا اے پئی اوہ کیہو جیہا لگدا اے۔ بار بار نمونہ دینا کِسے نُوں تیار کرن دا اثر والا طریقہ نہیں۔ اوہناں نُوں آپ مہارت ازماؤن دا موقع دینا چاہیدا اے۔ جدوں کوئی بچہ کِسے نُوں سائیکل چلاؤندیاں ویکھدا اے، تے ایہہ نمونہ دین دا مرحلہ اے۔
معاونت کرو
معاونت کرنا سِکھن والے نُوں مہارت دی مشق کرن دینا اے۔ ایہدے وِچ نمونہ دین والے مرحلے نالوں ودھ ویلا لگدا اے۔ ایہدے وِچ راہنمائی کرن والے نُوں "ہتھ پھڑنا" پیندا اے۔ راہنمائی کرن والے نُوں ہدایتاں دینیاں تے سِکھن والے دی کوچنگ وِچ سرگرم کردار ادا کرنا پیندا اے۔ ایہہ مرحلہ اوس ویلے تک نہیں چلدا جدوں تک سِکھن والا پوری طراں قابل نہ ہو جاوے، بلکہ صرف اوس ویلے تک جدوں تک اوہ مہارت دیاں بنیادی گلاں نہ سمجھ لوے۔ جے ایہہ مرحلہ بہت لما چلے، تے سِکھن والا راہنمائی کرن والے تے انحصار کرن لگ پوے گا تے کدی وی پوری قابلیت تک نہیں اپڑے گا۔ معاونت دے مرحلے دا اخیر ایس گل نال ہونا چاہیدا اے پئی سِکھن والا دُوجیاں لئی نمونہ دینا شروع کر دیوے۔ جدوں ماں پیو سائیکل نُوں پھڑ کے رکھدے نیں تے بچہ اپنا توازن قائم رکھنا سِکھ رہیا ہوندا اے، تے ایہہ معاونت دا مرحلہ اے۔
دھیان رکھو
دھیان رکھنا سب توں لما مرحلہ اے۔ ایہدے وِچ سِکھن والے نال ودھ بالواسطہ رابطہ ہوندا اے۔ ایہدا مقصد مہارت دے ہر پہلو وِچ پوری قابلیت پیدا کرنا اے۔ ایہہ پہلے دو مرحلیاں نُوں رلا کے وی دس گُنا یاں ایس توں ودھ لما ہو سکدا اے۔ جیویں جیویں سِکھن والا مہارت وِچ اگے ودھدا اے، راہنمائی کرن والے نال رابطہ گھٹ باقاعدہ تے لوڑ مطابق ہو سکدا اے۔ ایس مرحلے وِچ سِکھن والا ہولی ہولی مہارت ورتن وِچ ودھ ذمہ داری تے پہل کردا اے۔ عام طور تے شاگرد بناؤن وِچ ایس مرحلے دے اخیر دی نشانی ایہہ اے پئی سِکھن والے نے اوہناں لوکاں راہیں جِنہاں دی اوہ کوچنگ کر رہیا اے، کامیابی نال ایہہ مہارت چوتھی نسل تک اپڑا دِتی ہووے۔ جدوں ماں پیو بچے نُوں سائیکل چلاؤندیاں ویکھدے نیں تے یقینی بناؤندے نیں پئی اوہدے کول بِنا نگرانی دے چلاؤن لئی کافی مہارت تے علم اے، تے ایہہ دھیان رکھن دا مرحلہ اے۔
چلو جاؤ
چلو جاؤ ایک مختصر گریجویشن اے جو سِکھن والا استاد دا ساتھی بن جاندا اے۔ جے سِکھن والا تے سکھاؤن والا اِکو نَیٹ ورک وِچ ہون تے متواتر رابطہ تے برابری دی راہنمائی جار ی رہ سکدی اے۔ جدوں ماں پیو اپنے بچے نُوں پُوری طراں دھیان رکھن دے بغٖیر اپنی سائیکل چلان دی اجازت دیندے نیں تے ایہہ حصہ ہوندا اے چلو جاؤ۔
شاگرد دی ترقی دا حساب رکھن وِچ تربیتی چکر ورتن دی اِک مثال لئی شاگرد بناؤن لئی سکھلائی دی چیک لِسٹ وی ویکھو۔
اپنے آپ توں پچھو
- کیہ تُسی کدی تربیتی چکر دا حصہ رہے او؟
- تُسی کِنہوں سکھایا سی؟ یاں تہانُوں کِنہیں سکھایا سی؟
- کیہ فرق فرق مہارتاں سکھدیاں ہویاں اِک ای بندی تربیتی چکر دے فرق فرق حصیاں وِچ ہو سکدا اے؟
- ایس طریقے نال کِسے جی نُوں سکھاؤنا کیسا لگے گا؟
اج ہی زُومی ٹریننگ شروع کرو
ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔
مُفت رجسٹر کرو