عشائے ربانی تے اوہنُوں کرن دا طریقہ
خُداوند یسوع نے فرمایا - "زندگی دی روٹی میں آں جیہڑی آسمانوں لتھی۔ جیہڑا کوئی ایہہ روٹی کھاوے گا اوہ سدا جیوندا رہوے گا۔ تے جیہڑی روٹی میں دُنیا دی زندگی لئی دیاں گا اوہ میرا گوشت اے۔" عشائے ربانی یاں "پاک شراکت" یسوع نال ساڈے ڈونگھے تعلق تے جاری رشتے دا جشن مناؤن دا اِک طریقہ اے۔ ایتھے جشن مناؤن دا اِک سادہ طریقہ اے!
جدوں تُسی یسوع دے پیروکاراں دے طور تے اکٹھے ہوو، تے چُپ چاپ دھیان وِچ ویلا گزارو، خاموشی نال اپنے گُناہواں بارے سوچو تے اوہناں دا اقرار کرو۔ جدوں تُسی تیار ہوو، تے کِسے نُوں آکھو پئی اوہ پاک کلام دا ایہہ حصہ پڑھے -- "کیونجے ایہہ گل مینُوں خُداوند توں پہنچی تے میں تہانُوں وی پہنچا دِتی پئی خُداوند یسوع نے جیس رات اوہ پھڑوایا گیا روٹی لئی؛ تے شکر کر کے توڑی تے آکھیا، "ایہہ میرا بدن اے جیہڑا تہاڈے لئی اے؛ میری یادگاری لئی ایہہ کیتا کرو۔" 1 کرنتھیوں 11:23-24
جیہڑی روٹی تُسی اپنے گروپ لئی وکھری رکھی اے اوہ ونڈو، تے کھاؤ۔
پڑھنا جاری رکھو -- "ایسے طراں اوہنے کھانے توں بعد پیالہ وی لیا تے آکھیا، 'ایہہ پیالہ میرے لہو وِچ نواں عہد اے؛ جدوں وی پیو میری یادگاری لئی ایہہ کیتا کرو۔'" 1 کرنتھیوں 11:25
جیہڑا رس یاں مے تُسی اپنے گروپ لئی وکھری رکھی اے اوہ ونڈو، تے پیو۔
پڑھنا مُکاؤ: "کیونجے جدوں وی تُسی ایہہ روٹی کھاندے تے ایس پیالے وِچوں پیندے او، تے خُداوند دی موت دا اعلان کردے او جدوں تک اوہ نہ آوے۔" 1 کرنتھیوں 11:26
دُعا یاں گیت گا کے جشن مناؤ۔ تُسی عشائے ربانی وِچ شریک ہوئے او۔ تُسی اوہدے او، تے اوہ تہاڈا اے!
اپنے آپ توں پچھو
- بائبل کیہ آکھدی اے پئی عشائے ربانی لین لئی کیہ ضروری اے تے کیہ ضروری نہیں؟
اج ہی زُومی ٹریننگ شروع کرو
ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔
مُفت رجسٹر کرو