concept

رُوحانی ساہ دا مطلب ہے خُدا دی گل سُننا تے عمل کرنا

ایہہ صفحہ شیئر کرو

رُوحانی ساہ لینا خُدا دی گل سُننا تے اوہدے تے عمل کرنا اے ... سارا دن، ہر روز۔

ساہ اندر لوو

بادشاہی وِچ، اسی ساہ اندر لیندے آں جدوں اسی خُدا دی گل سُننے آں ایہناں راہیں:

  • اوہدا کلام - بائبل
  • دُعا - اوہدے نال ساڈیاں گلاں
  • اوہدا بدن - کلیسیا، یسوع دے دُوجے پیروکار
  • اوہدے کم - اوہ واقعات، تجربے تے کدی کدی اوہ ستاؤ تے دُکھ وی جیہڑے اوہ اپنے بچیاں نُوں جھلن دیندا اے

یسوع دے ہر پیروکار لئی خُوشخبری ایہہ اے پئی جدوں اسی ساہ اندر لیندے آں تے خُدا دی گل سُننے آں، تے جدوں اسی ساہ باہر کڈھدے آں تے جو سُنیا اوہدے تے عمل کردے آں تے جو سُنیا اوہ دُوجیاں نال ونڈدے آں - تے خُدا ہور وی صاف طور تے بولے گا۔

ساہ باہر کڈھو

بادشاہی وِچ اسی ساہ باہر کڈھدے آں جدوں اسی خُدا توں سُنی ہوئی گل تے عمل کردے آں۔ اسی ساہ باہر کڈھدے آں جدوں اسی فرمانبرداری کردے آں۔ کدی کدی ساہ باہر کڈھ کے فرمانبرداری کرن دا مطلب ہوندا اے اپنے خیالاں، اپنیاں گلاں یاں اپنے کماں نُوں بدلنا تاں جو اوہ یسوع تے اوہدی مرضی دے مطابق ہو جان۔ کدی کدی ساہ باہر کڈھ کے فرمانبرداری کرن دا مطلب ہوندا اے اوہ گل دُوجیاں نال ونڈنا جیہڑی یسوع نے ساڈے نال ونڈی - جو اوہنے سانُوں دِتا اوہ اگے دینا - تاں جو دُوجیاں نُوں وی اوسے طراں برکت مِلے جیویں خُدا سانُوں برکت دے رہیا اے۔ یسوع دے پیروکار لئی - ایہہ ساہ اندر لینا تے ساہ باہر کڈھنا بہت ضروری اے۔ ایہہ ای ساڈی زندگی اے۔

اپنے آپ توں پچھو

  • خُدا دی آواز نُوں سُننا تے اگے سُناؤنا سِکھنا کیوں ضروری اے؟
    • کیہ رب دی گل سُننا تے جواب دینا واقع ساہ لین دے برابر ہے؟ کیوں یا ں کیوں نئیں؟

اج ہی زُومی ٹریننگ شروع کرو

ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔

مُفت رجسٹر کرو