بڑھوتری دی رفتار اہم اے
رفتار ایس لئی اہم اے کیونجے اسی سارے اپنی ہمیشگی کِتھے گزاراں گے، ایہہ اوس تھوڑے جیہے ویلے وِچ طے ہوندا اے جیہنُوں اسی "زندگی" آکھدے آں۔ خُدا دا کلام سانُوں دسدا اے پئی خُدا ساڈے نال صبر کردا اے - اوہ نہیں چاہندا پئی کوئی ہلاک ہووے، بلکہ ایہہ پئی ہر کوئی مُڑ کے اوہدی پیروی کرے۔ خُدا سانُوں ہور ویلا دیندا اے کیونجے اوہ جاندا اے پئی ساڈے کول اوہ سب کرن لئی تھوڑا ای ویلا اے جیہدے لئی اوہنے سانُوں سدیا اے تے اوہناں سب تک اپڑن لئی جِنہاں تک اپڑن لئی اوہنے سانُوں سدیا اے۔ یسوع دی ہور نیڑیوں پیروی کرن لئی، سانُوں اوہدے لوکاں دے مگر ہور تیزی نال جانا پئے گا۔ اسی بس آرام نال نہیں ٹُر سکدے۔ سانُوں اپنی رفتار ودھاؤنی پئے گی۔
بھاویں کلیسیا اج پہلاں نالوں کِتے وڈی اے تے دُنیا دی آبادی وِچ اوہدا حصہ وی پہلاں نالوں ودھ اے، فیر وی اسی آبادی دے ودھن دی رفتار دا ساتھ نہیں دے پا رہے۔ ایہدا مطلب اے پئی اج پہلاں نالوں کِتے ودھ گواچے ہوئے لوک جیوندے نیں۔ ایہہ حالت قبول کرن جوگی نہیں۔ ایہہ اِک وجہ اے پئی وادھا کرن والے شاگرد بناؤنا اینا ضروری کیوں اے۔
اوہناں شاگرداں دی شرح جیہڑے سچی مُچی باقاعدگی نال ودھدے نیں، بہت اہم اے۔ سمجھاؤن لئی، آؤ دس سالاں دے عرصے دی اِک مثال ویکھیے۔
فرض کرو تُسی اِک شاگرد نال شروع کردے او جیہڑا ہر 18 مہینیاں بعد اِک نواں شاگرد بناؤندا اے۔ نویں شاگرد وی اینج ای کردے نیں۔ دس سالاں وِچ، تہاڈے کول 64 شاگرد ہون گے۔
جے ایہدی تھاں، اوہ اِک شاگرد تے نویں شاگرد ہر 4 مہینیاں بعد ودھن، تے دس سالاں وِچ تہاڈے کول اِک ارب توں ودھ شاگرد ہون گے۔ دُوجے لفظاں وِچ، دس سالاں دے عرصے وِچ، ودھن دی اوسط رفتار نُوں 18 مہینیاں توں 4 مہینیاں تے لیاؤن دا مطلب ایہہ نہیں پئی نتیجہ ساڈھے چار گُنا تیز اے۔ ایہہ ڈیڑھ کروڑ گُنا توں ودھ تیز اے۔
ایہہ ایس لئی ممکن اے کیونجے نویں شاگرد نُوں سب توں پہلاں جو کرنا چاہیدا اے اوہ ایہہ اے پئی جو اوہ سِکھ رہیا اے اوہ دُوجیاں نال ونڈے۔ ایہدا مطلب اے پئی ایمان لیاؤندیاں ای اوہ کِسے ہور نُوں مسیح ول لیا سکدے نیں۔ ایہہ نمونہ پختگی دے سارے عمل دوران جاری رہ سکدا اے جے شاگرد جو سِکھدے نیں اوہدے تے عمل کرن تے اوہنُوں ونڈن دی دوہری جوابدہی دے نمونیاں تے ٹُردے رہن۔
اپنے آپ توں پچھو
- رفتار کیوں اہم اے؟
- رب دی ترجیح نال بہتر طور تے میل کھان لئی تہانُوں اپنی سوچ، اپنے اعمال یاں اپنے روئیے وِچ کیہ تبدیلی لیان دی لوڑ اے؟
- ایس ہفتے تہانُوں کیہڑا اِک کم کرن دی لوڑ جیہرا فرق پیدا کرے گا؟
اج ہی زُومی ٹریننگ شروع کرو
ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔
مُفت رجسٹر کرو