لیڈر شِپ سَیل
لیڈر شِپ سَیل اِنفرادی ایمانداراں نُوں تھوڑے ویلے وِچ ایسے ودھن والے نمونے سکھاؤن لئی تیار کردے نیں جیہڑے ساری عمر کم آؤندے نیں۔ خانہ بدوش، طالب علم، فوجی، تے موسمی مزدور جیہڑے پہلاں توں یسوع دی پیروی کردے نیں، لیڈر شِپ سَیل وِچ بہت چنگا کم کردے نیں۔ اپنی ثقافت، اپنے پیشے یاں اپنی زندگی دے موسم پاروں - اوہناں لئی اِک جاری گروپ بناؤنا اوکھا ہو سکدا اے، پر اوہناں نُوں بالکل سکھایا جا سکدا اے پئی اوہ جِتھے وی جان اوتھے گروپ کیویں شروع کرن۔ ایہہ خاص مقصد والے گروپ سِکھن والیاں نُوں ایسے آگو بنن وِچ مدد کردے نیں جیہڑے فیر نویں گروپ شروع کرن گے، نویں کلیسیاواں نُوں ٹریننگ دین گے، تے خُدا دے ٹبر نُوں ودھاؤن لئی ہور لیڈر شِپ سَیل شروع کرن گے۔
لیڈر شِپ سَیل اوس ویلے وی چنگا کم کردے نیں جدوں لوکاں دا اِک گروپ اِکو ویلے ایمان لیاؤندا اے۔ اِک خاندان، یاراں دا اِک نیٹ ورک، یاں اِک نِکا جیہا پِنڈ وی تھوڑے ویلے وِچ ساری عمر لئی پیدا کرن والے بنن لئی ٹرینڈ کیتا جا سکدا اے - اِنفرادی پیروی یاں رُوحانی کوچنگ دے بِنا وی۔
لیڈر شِپ سَیل دے اکٹھ دا طریقہ (3/3 نمونہ)
پچھے ویکھو (تہاڈے ویلے دا 1/3)
فکر:
ویلا کڈھو تاں جو ہر بندہ کوئی ایسی گل دسے جیہدے لئی اوہ شکر گزار اے۔ فیر ہر بندہ کوئی ایسی گل دسے جیہدے نال اوہ جدوجہد کر رہیا اے۔ ہر بندے دے سجے پاسے بیٹھا بندہ اوہناں گلاں بارے اوہدے لئی دُعا کرے جیہڑیاں اوہنے دسیاں۔ جے کوئی کِسے ایسی گل نال جدوجہد کر رہیا اے جیہنُوں ہور توجہ دی لوڑ اے، تے بعد وِچ رُک کے اوس بندے دی دیکھ بھال کرو۔
نظریہ (کدی نہ چھڈو):
رل کے گیت گاؤن وِچ ویلا گزارو تے گیتاں دے بولاں نُوں ایہناں موضوعاں نال جوڑو: خُدا نال پیار کرنا، دُوجیاں نال پیار کرنا، دُوجیاں نال یسوع نُوں ونڈنا، نویں گروپ شروع کرنا، تے دُوجیاں دی وی ایہو کرن وِچ مدد کرنا۔ یاں فیر، لوک بائبل دے اوہ حصے ونڈ سکدے نیں جیہڑے ایہہ موضوع بیان کردے نیں۔
حال احوال (کدی نہ چھڈو):
ہر بندہ دسے پئی پچھلے ہفتے اوہنے جیہڑے وعدے لکھے سن اوہناں بارے اوہنے کیہ کیتا:
- تُسی جو سِکھیا اوہدے تے کیویں عمل کیتا؟
- تُسی جو سِکھیا اوہدی ٹریننگ کیہنُوں دِتی؟
- تُسی اپنی کہانی یاں خُدا دی کہانی کیہدے نال ونڈی؟
جے اوہ کِسے وعدے نُوں پورا کرنا بُھل گئے یاں اوہناں نُوں اینج کرن دا موقع نہیں مِلیا، تے پچھلے ہفتے دے اوہ وعدے ایس ہفتے دے وعدیاں وِچ شامل کر دینے چاہیدے نیں۔ جے کوئی بس اوس گل تے عمل کرن توں انکار کردا اے جیہڑی اوہنے صاف طور تے خُدا توں سُنی، تے ایہنُوں کلیسیائی تادیب دا معاملہ سمجھیا جانا چاہیدا اے۔
اُتے ویکھو (تہاڈے ویلے دا 1/3)
دُعا کرو:
سادگی تے مختصر طور تے خُدا نال گل کرو۔ خُدا توں منگو پئی اوہ تہانُوں ایہہ حصہ سکھائے۔
پڑھو تے گل بات کرو:
ایس ہفتے دا حصہ پڑھو۔ ایہناں سوالاں تے گل بات کرو:
- ایس حصے وِچ تہانُوں کیہ چنگا لگا؟
- ایس حصے وِچ تہانُوں کیہ اوکھا لگا یاں کیہ سمجھ نہیں آیا؟
ایس ہفتے دا حصہ فیر پڑھو۔
- ایس حصے توں اسی لوکاں بارے کیہ سِکھ سکدے آں؟
- ایس حصے توں اسی خُدا بارے کیہ سِکھ سکدے آں؟
اگے ویکھو (تہاڈے ویلے دا 1/3)
عمل کرو، سکھاؤ تے بیان کرو (کدی نہ چھڈو):
گھٹ توں گھٹ پنج مِنٹ چُپ چاپ دُعا کرو۔ گروپ دا ہر بندہ دُعا کرے پئی پاک رُوح اوہنُوں وکھائے پئی ایہناں سوالاں دا جواب کیویں دینا اے، فیر وعدے کرو۔ ہر کوئی اپنے وعدے لکھ لوے تاں جو اوہ سمجھ بوجھ نال لوکاں لئی دُعا کر سکن تے اوہناں نُوں جوابدہ رکھ سکن۔ ہو سکدا اے اوہ ہر ہفتے ہر سوال بارے کجھ نہ سُنن۔ جے اوہ کوئی ایسا جواب دسن جیہدے بارے اوہناں نُوں پکا نہیں پئی اوہ خُدا توں سُنیا اے پر اوہناں نُوں لگدا اے پئی ایہہ چنگا خیال ہو سکدا اے، تے اوہناں نُوں ایہہ دس دینا چاہیدا اے، کیونجے اوس صورت وِچ جوابدہی وکھرے درجے تے ہووے گی۔
- تُسی ایس حصے تے کیویں عمل کرو گے یاں اوہنُوں کیویں لاگو کرو گے؟
- تُسی ایس حصے بارے کیہنُوں ٹریننگ دیو گے یاں کیہدے نال ونڈو گے؟
- تُسی اپنی کہانی (گواہی) تے/یاں خُدا دی کہانی (خُوشخبری) کیہدے نال یاں کِتھے ونڈو گے؟
مشق (کدی نہ چھڈو):
دو یاں تِن بندیاں دے گروپاں وِچ، اوہ مشق کرو جیہڑا کم کرن دا تُسی سوال 5، 6 یاں 7 وِچ وعدہ کیتا اے۔ مثال دے طور تے، کِسے اوکھی گل بات یاں کِسے آزمائش دا ساہمنا کرن دا کردار ادا کرو، اج دا حصہ سکھاؤن دی مشق کرو، یاں خُوشخبری ونڈن دی مشق کرو۔
خُدا نال گل کرو:
اوہناں ای دو یاں تِن بندیاں دے گروپاں وِچ، ہر رُکن لئی وکھرے طور تے دُعا کرو۔ خُدا توں منگو پئی اوہ اوہناں لوکاں دے دِل تیار کرے جیہڑے ایس ہفتے یسوع بارے سُنن گے۔ اوہدے توں منگو پئی اوہ تہانُوں اپنے وعدیاں تے عمل کرن لئی طاقت تے حکمت دیوے۔ ایس نال اکٹھ مُک جاندا اے۔
سارے سیشن دوران گروپ وِچ اگوائی واری واری بدلدے رہو تاں جو ہر اِک نُوں اگوائی کرن، دُعا کرن یاں سوال پُچھن دا موقع مِلے۔ اِک دُوجے دی حوصلہ افزائی تے کوچنگ کرو پئی کیہ ٹھیک چل رہیا اے، تھوڑی مشق نال کیہ بہتر ہو سکدا اے، تے گروپ دے ہر رُکن لئی ہور ودھن واسطے چنگا اگلا قدم کیہ ہووے گا۔
اپنے آپ توں پچھو
- کیہ تُسی خُداوند یسوع دے پیروکارں دے کِسے گروپ نُوں جانندے اور جیہڑے پہلے ای جمع ہورہے نیں یاں زُومی ٹریننگ سِکھن لئی تے لیڈر شِپ سَیل قائم کرن لئی تیار ہون گے؟
- اوہناں نُوں کٹھے کرن لئی کیہ کرنا پوے گا؟
اج ہی زُومی ٹریننگ شروع کرو
ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔
مُفت رجسٹر کرو