زُومی ٹریننگ وِچ جی آیاں نُوں! "زُومی" "خمیر" دے لئی یونانی لفظ اے۔ خُداوند یسوع نے آکھیا پئی آسمان دی بادشاہی اوس "خمیر" وانگُوں اے جہڑا کِسے سوانی نے تھوڑا جیہا لے کے تیِن کَولے آٹے وِچ رلا دِتا تے خمیر ہوندا ہوندا آٹے دی پُوری تَون خمیری ہوگئی۔ خُداوند یسوع اسانُوں دسدے پئے نے پئی ایک عام بندہ کوئی تھوڑی جہی شَے لے کے ورتدا اے تے اوہدا چوکھا اثر ہو سکدا اے۔ ساڈا مقصد اوہ کم کرنا اے جو خُداوند یسوع نے فرمایا -- پئی ساری دُنیا وِچ عام لوکاں دی مدد کرو وڈے نتیجیاں لئی نِکے نِکے اوزار ورتو کرو تاں جو خُدادی بادشاہی دا اثر پھیلے! خُداوند یسوع نے اپنے شاگرداں نُوں جیہڑیاں آخری ہدایتاں دِتیاں بڑیاں سادہ نیں۔ اوس فرمایا پئی – آسمان تے زمین دا کُل اِختیار مَینُوں دِتاگیا اے۔ ایس لئی - جاؤ تے ساریاں قوماں نُوں شاگرد بناؤ تے اوہنا ں نُوں باپ تے بیٹا تے پاک رُوح دے نام تے بپتسمہ دیو۔ تے اوہناں نُوں تعلیم دیوپئی اوہناں گلاں تے عمل کرن جِنہاں دا مَیں تہانُوں حُکم دیتا وے۔ تے ویکھو! مَیں دُنیا کے اخیر تک سدا تہاڈے نال آں۔ یسوع دا حُکم سادہ سی۔۔ شاگرد بناؤ ایہہ کم کرن دے پاروں اوہدیاں ہدایتاں سادہ سن۔۔ جِتھے کِتے جاندے او شاگرد بناؤ اوہناں نُوں باپ تے بیٹا تے پاک رُوح دے ناں تے بپتسمہ دے کے شاگرد بناؤ اوہناں نُوں تعلیمدے کے شاگرد بناؤ پئی اوہناں ساریاں گلاں تے عمل کرو جِنہاں دا مَیں تہانُوں حکم دِتا وے۔ تے فیر شاگردبناون دا ایہہ کم چلنا کیویں؟ 1- اسِیں ہمیشہ لوکاں نُوں شاگرد بناؤنا اے جِتھے وی جائیے، جدوں وی جائیے 2- جدوں کوئی اِنسان خُداوند یسوع دی پیروی دا فیصلہ کردا اے تے اور بپتسمہ لوے 3- جد اوہ ترقی کردا اےتے اسانُوں چاہی دا اے ہر شاگرد نُوں تعلیم دئیے پئی ہر اوس گل تے کِیویں عمل کرنا اے جہدا خُداوند یسوع نے حُکم دِتا۔ جیہڑیاں گلاں دا اوہنے حکم دِتا اے اوہناں وِچوں اِک اے شاگرد بناؤ، جہدا مطلب اے پئی جیہڑا وی شاگرد خُداوند یسوع دے مغر چلدا اے لوڑ اے پئی اغاں اوہ وی شاگرد بناوے۔ جیہڑے شاگرد بن جاندےنے اوہ نویں شاگرد بناون تے شاگرد بن کے اگوں اوہ وی ہور شاگرد بناون شاگرداں تھوں اغاں نویں شاگرد۔ ایہہ "زُومی" دے کم کرن دا طریقہ اے۔ ایہو ای خمیر ہے - جِنہیں پھیلدیاں پھیلدیاں آٹے دی پُوری تَون خمیری کر دِتی۔ جد خُداوند یسوع ایہہ حکم دیندے نیں پئی جاؤ تے شاگرد بناؤ، تے نال اوہناں اِک وعدہ وی کیِتا۔ خُداوند یسوع نے فرمایا - ویکھو! میں دُنیا دے اخیر تک سدا تہاڈے نال رہواں گا۔ خُداوند یسوع دے ہر شاگرد نُوں چاہی دا اے ایس وعدہ تے بھروسا کرے پئی خُداوند یسوع سدا اساڈے نال نیں۔ اوہ تے سدا اساڈے نال ہےاے پر ایس گل دا ایہہ وی مطلب اے پئی یسوع دے ہر شاگرد نُوں چاہی دا اے ایس گل دےتابع ہو کے رہوے جیہڑی خُداوند یسوع چاہندے نیں پئی ساڈے وِچوں ہر کوئی اگوں شاگرد بناوے۔ ایس لئی کہ اوہ بناؤندا اے۔ خُداوند یسوع نے فرمایا - آسمان تے زمین دا کُل اِختیار مَینُوں دِتا گیا اے۔ ایس لئی جاؤ تے شاگرد بناؤ۔ جِس اِختیار تے خُداوند یسوع بھروسا کردے نیں جدوں اوہ اسانُوں گھلدے نیں -- اپنا اِختیار دے کے ٹوردے نیں۔ خُداوند یسوع آکھدے نیں پئی ایس اِختیار تھوں اُتے کوئی اِختیار نہیں ہے گا۔ روایت چہ ایہدے تھوں ودھ اِختیار نہیں ہے گا۔ ثقافت چہ ایہدے تھوں ودھ اِختیار نہیں ہے گا۔ زمین دے اُتے کِسے شریعت یا قانون کول اہدے تھوں ودھ اِختیار نہیں ہے گا۔ یسوع نے فرمایا - جاؤ تے شاگرد بناؤ۔ تے جیویں "زُومی" یعنی "خمیر: ودھدا جاندا اے اویں اسِیں وی ٹُردے تے ودھدے جاواں گا۔ جدوں تک سارا کم نِبڑ نہیں جاندا۔