رب عام لوکاں نُوں ورتدا اے
کیہ تُسی کدی سوچیا اے پئی کلیسیا دی شروعات کیویں ہوئی سی؟ شروع وِچ کوئی وی پیشہ ور نہیں سی۔ حیران ہو گئے؟ چنگی گل ایہہ اے پئی خُدا کول اِک ایسا منصوبہ سی جیہدے لئی پیشہ وراں دی لوڑ نہیں سی۔ خُدا عام لوکاں نُوں ورتدا اے۔ اوہنے کلیسیا دی پہلی تحریک شروع کرن لئی اینج ای کیتا۔ تے اوہ اج وی اینج ای کردا اے۔ پہلی کلیسیا نے عام لوکاں نُوں ساری دُنیا وِچ گھلیا تاں جو اوہ دُوجیاں نُوں یسوع بارے دسن۔ اوہنے عام لوکاں نُوں گورنراں، جرنیلاں، حاکماں تے بادشاہواں دے ساہمنے کھلون لئی گھلیا۔ اوہنے عام لوکاں نُوں گھلیا پئی اوہ بیماراں نُوں شفا دین، بھُکھیاں نُوں روٹی کھوان، مویاں نُوں جیوندا کرن، تے دُنیا دے ہر بندے نُوں خُدا دے سارے حُکم سکھان۔ پہلی کلیسیا نے عام لوکاں نُوں دُنیا بدلن لئی گھلیا۔ تے اوہناں نے دُنیا بدل دِتی۔
ساڈا خواب اوہ کرنا اے جو یسوع نے آکھیا -- ساری دُنیا دے عام لوکاں دی مدد کرنا پئی اوہ نِکے نِکے ٹُول ورت کے خُدا دی بادشاہی وِچ وڈا اثر پا سکن! یسوع نے اپنے پیروکاراں نُوں جیہڑیاں آخری ہدایتاں دِتیاں اوہ بڑیاں سادہ سن۔ اوہنے فرمایا — آسمان تے زمین دا سارا اختیار مینُوں دِتا گیا اے۔ ایس لئی جاؤ تے ساریاں قوماں نُوں شاگرد بناؤ، تے اوہناں نُوں باپ تے بیٹے تے پاک رُوح دے ناں تے بپتسمہ دیو، تے اوہناں نُوں سکھاؤ پئی اوہناں ساریاں گلاں تے عمل کرن جِنہاں دا میں تہانُوں حُکم دِتا اے، تے ویکھو، میں دُنیا دے اخیر تک سدا تہاڈے نال آں۔ یسوع دا حُکم سادہ سی - شاگرد بناؤ۔
ایہہ کم کرن بارے اوہدیاں ہدایتاں وی سادہ سن:
- جِتھے وی جاؤ شاگرد بناؤ؛
- اوہناں نُوں باپ تے بیٹے تے پاک رُوح دے ناں تے بپتسمہ دے کے شاگرد بناؤ؛
- اوہناں نُوں اوہناں ساریاں گلاں تے عمل کرنا سکھا کے شاگرد بناؤ جِنہاں دا اوہنے حُکم دِتا۔
تے فیر شاگرد بناون دے قدم کیہڑے نیں؟
- اسی ہر ویلے شاگرد بناؤنے آں - جِتھے وی جاندے آں تے جاندیاں جاندیاں۔
- جدوں کوئی یسوع دی پیروی کرن دا فیصلہ کردا اے - تے اوہنُوں بپتسمہ لینا چاہیدا اے۔
- جیویں جیویں اوہ ودھدے نیں - سانُوں ہر شاگرد نُوں سکھانا چاہیدا اے پئی اوہ ہر اوس گل تے کیویں عمل کرے جیہدا یسوع نے حُکم دِتا۔
کیونجے اوہدے حُکماں وِچوں اِک حُکم شاگرد بناؤنا اے، ایس دا مطلب اے پئی یسوع دی پیروی کرن والے ہر شاگرد نُوں وی شاگرد بناؤنا سِکھنا پئے گا۔
اپنے آپ توں پچھو
- جے خُداوند یسوع دا ارادہ سی کہ اوہدا ہر اِک پیروکار اوہدے ارشادِ اعظم تے عمل کرے تے فیر کیوں بہت گھٹ لوک نیں جیہڑ ے شاگرد بناؤندے نیں؟
- کیہ ایہہ خیال پئی خُدا عام لوکاں نُوں ورتدا اے، اوس توں وکھرا اے جو تُسی سِکھیا سی یا منصوبہ سمجھدے سی؟
اج ہی زُومی ٹریننگ شروع کرو
ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔
مُفت رجسٹر کرو