دیانت داری علم توں چنگی اے
رُوحانی پختگی نُوں ناپن لئی علم تے ٹریننگ نالوں دیانت داری کِتے چنگا پیمانہ اے۔ جدوں اسی شاگرداں نُوں ودھاؤنے آں، تے آؤ یقینی بنائیے پئی اسی صحیح چیزاں ناپ رہے آں۔ جے اسی جو سُننے آں اوہدے تے عمل کردے تے اوہ دُوجیاں نال ونڈدے آں، تے اسی دیانت دار آں۔ جے اسی سُننے آں پر عمل کرن تے ونڈن توں انکار کردے آں، تے اسی بے وفا آں۔
دو خیال ایسے نیں جِنہاں نے اج کلیسیا وِچ کئی مسئلے کھڑے کیتے نیں۔
پہلا خیال ایہہ اے پئی کِسے دی رُوحانی پختگی ایس گل نال جُڑی اے پئی اوہ خُدا دے کلام بارے کِنا جاندا اے۔ لوک اینج سمجھدے نیں جیویں صحیح عقیدہ - یعنی آرتھوڈوکسی - کِسے دے ایمان دا چنگا پیمانہ اے۔
دُوجا خیال ایہہ اے پئی کِسے دی اگوائی کرن دی صلاحیت لئی ضروری اے پئی خدمت شروع کرن توں پہلاں اوہ "پوری ٹریننگ" لوے۔ لوک اینج سمجھدے نیں جیویں مکمل علم - کِسے دی خدمت کرن دی صلاحیت دا چنگا پیمانہ اے۔ پہلے خیال - آرتھوڈوکسی - یعنی "صحیح عقیدے" تے بھروسہ کرن - دا مسئلہ ایہہ اے پئی شیطان آپ کِسے وی اِنسان نالوں ودھ پاک کلام جاندا اے۔
خُدا دا کلام آکھدا اے - تُوں ایمان رکھدا ایں پئی خُدا اِک اے۔ چنگا کردا ایں! بدرُوحاں وی ایمان رکھدیاں نیں--تے کمبدیاں نیں۔ کِسے دی رُوحانی پختگی دا ایہدے نالوں چنگا پیمانہ آرتھوپراکسی اے - یعنی "صحیح عمل"۔ سانُوں صرف ایس گل تے پختگی ناپن دی بجائے پئی اسی کیہ جاندے آں، عمل کرن تے ونڈن وِچ دیانت داری دی کِتے ودھ فکر ہونی چاہیدی اے۔
دُوجے خیال دا مسئلہ - پئی اگوائی کرن توں پہلاں کِسے دا پوری طراں ٹرینڈ ہونا ضروری اے - ایہہ اے پئی کوئی وی کدی پوری طراں ٹرینڈ نہیں ہوندا۔ یسوع نے نمونہ دِتا پئی اوہنے اوہناں نوجوان آگوآں نُوں گھلیا جِنہاں نے اجے بہت کجھ سِکھنا سی تاں جو اوہ بادشاہی دے کجھ سب توں اہم کم کرن۔ خُدا دا کلام آکھدا اے - یسوع نے اپنے بارہ رسولاں نُوں کٹھیاں سدیا تے اوہناں نُوں ساریاں بدرُوحاں تے بیماریاں اُتے پورا اختیار دِتا۔
فیر اوہنے اوہناں نُوں خُدا دی بادشاہی دی منادی کرن تے بیماراں نُوں چنگا کرن لئی گھلیا۔ ایہہ بندے اوس توں پہلاں گھلے گئے سن جدوں پطرس نے اپنا ایہہ ایمان ظاہر کیتا پئی یسوع نجات دہندہ اے - جیہنُوں اسی ایمان دا پہلا قدم سمجھاں گے۔ تے گھلے جان توں بعد وی یسوع نے پطرس نُوں کئی واری غلطیاں تے جھڑکیا، تے پطرس نے بعد وِچ وی یسوع دا پوری طراں انکار کر دِتا۔ دُوجے پیروکار ایس گل تے بحث کردے سن پئی سب توں وڈا کون اے تے خُدا دی آؤن والی بادشاہی وِچ ہر اِک دا کیہ کردار ہووے گا۔
اوہناں سب نے اجے بہت کجھ سِکھنا سی پر یسوع نے اوہناں نُوں اوہ ونڈن دے کم تے لا دِتا جو اوہ پہلاں توں جاندے سن۔ دیانت داری - علم نالوں ودھ - اوہ شے اے جیہڑی اوسے ویلے شروع ہو سکدی اے جدوں کوئی یسوع دی پیروی کرنا شروع کردا اے۔
پختگی ویلے نال آؤندی اے، پر دیانت داری شاگرد دی زندگی دے کِسے وی تے ہر موڑ تے ظاہر کیتی جا سکدی اے۔
اپنے آپ توں پچھو
- رب دے اوہناں حکماں بارے سوچوں جِنہاں دا تہانُوں پہلوں تو پتا اے۔ تُسی اوہناں گلاں تے عمل کرن چے تے دُوجیاں نُوں دسن چے کِنے کُو "دیانت دار" او؟
اج ہی زُومی ٹریننگ شروع کرو
ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔
مُفت رجسٹر کرو