concept

ویکھ آلیاں اکھاں کہ بادشاہی کِتھے نئیں ہیگی

ایہہ صفحہ شیئر کرو

ہر شاگرد نُوں ایہہ ویکھن لئی تیار ہونا چاہیدا اے پئی بادشاہی کِتھے نہیں۔ ساڈے چاروں پاسے ایسیاں تھاواں نیں جِتھے زمین تے خُدا دی مرضی اونج پوری نہیں ہو رہی جیویں آسمان تے ہوندی اے۔ وڈے وڈے خلا نیں جِتھے ٹُٹ بھج، درد، ستاؤ، دُکھ تے موت وی روزمرہ دی عام زندگی دا حصہ نیں۔ ایس زمین تے رہندیاں ہویاں بادشاہی لئی اپنی محنت وِچ سانُوں ایہناں خلاواں نُوں بند کرن تے کم کرنا اے۔

بادشاہی کِتھے نہیں، ایہہ ویکھن لئی اپنیاں اکھاں کھولنا تے اوہناں لوکاں راہیں اگے ودھنا جِنہاں نُوں اسی جاندے آں تے جِنہاں نُوں اجے نہیں جاندے - ایہہ ای اوہ طریقہ اے جیہدے نال شاگرد ودھدے نیں تے خُدا دی بادشاہی دُور تک تے تیزی نال ودھدی اے۔

سانُوں زمین تے خُدا دی مرضی دے پوری طراں پورا ہون تے ہُن دی موجودہ حالت دے وِچکار خلا ویکھنے چاہیدے نیں۔ ایہہ دو دائریاں وِچ ہونا چاہیدا اے:

جاری رشتے

پہلا دائرہ ساڈے جاری رشتے نیں۔ ایہدے وِچ ساڈے یار، خاندان، نال کم کرن والے، جماعت دے ساتھی تے شاید گوانڈھی شامل نیں۔ خُوشخبری سب توں تیزی نال اینج ای اگے ودھدی اے۔ ایہناں لوکاں دی فکر کرنا قدرتی گل اے۔ لُوقا 16:19-31 وِچ اسی ویکھدے آں پئی جہنم وِچ سڑن والے امیر بندے نُوں وی اپنے خاندان لئی اینج دا پیار تے فکر سی۔ ایہہ لوک خُدا نے ساڈی زندگی وِچ رکھے نیں، تے سانُوں پیار، صبر تے ثابت قدمی نال ایہناں رشتیاں دی چنگی نگرانی کرنی چاہیدی اے۔

تُسی مسیح دے پیروکاراں نُوں ایہناں لوکاں بارے حساس بنا سکدے او اوہناں نُوں آکھ کے پئی اوہ اپنے جانن والے 100 لوکاں دی لِسٹ بناؤن دی کوشش کرن۔ اوہناں دی حوصلہ افزائی کرو پئی اوہ ایہناں نُوں تِن گروپاں وِچ ونڈن: جیہڑے مسیح دی پیروی کردے نیں، جیہڑے مسیح دی پیروی نہیں کردے، تے جِنہاں دی رُوحانی حالت دا پتہ نہیں۔

فیر اوہ مسیح دی پیروی کرن والیاں نُوں ہور پھل دار تے وفادار بنن لئی تیار کرن تے اوہناں دی حوصلہ افزائی کرن دی کوشش کر سکدے نیں۔ اوہ ایسے طریقے لبھنا شروع کر سکدے نیں جِنہاں نال اوہ اوہناں لوکاں نُوں جیہڑے اجے مسیح دی پیروی نہیں کردے، "شاگرد بنا کے" بادشاہی وِچ لیا سکن۔

جاری رشتیاں توں باہر دے رابطے تے رشتے

بادشاہی کِتھے نہیں ایہہ ویکھن دا دُوجا دائرہ اوہناں لوکاں نال تعلق رکھدا اے جیہڑے ساڈے جاری رشتیاں یاں رابطیاں توں باہر نیں۔ یسوع نے اپنے شاگرداں نُوں حُکم دِتا پئی زمین دی ہر قوم وِچوں شاگرد بناؤ۔

اوہنے اوہناں نُوں حُکم دِتا پئی جِتھے اوہ ہُن رہندے نیں اوتھے تے نیڑے دے علاقیاں وِچ، تے اپنے توں وکھرے لوکاں وِچ، تے "زمین دے آخری کنارے" تک وی شاگرد بناؤن۔ خُوشخبری سب توں دُور تک اینج ای اپڑدی اے۔ ایہہ قدرتی نہیں۔ ایہہ مافوق الفطرت اے۔ ایہہ ساڈی زندگیاں وِچ پاک رُوح دا ثبوت اے۔

خُدا دے کجھ خاص پیارے نیں۔ اوہدے خاص پیارے سب توں نِکے، سب توں پچھلے تے گواچے ہوئے لوک نیں۔ ایس لئی سانُوں اپنیاں زندگیاں صرف اپنے نیڑے دے لوکاں دی خدمت وِچ ای نہیں، بلکہ دُنیا دے رُوحانی طور تے سب توں ہنیرے کونیاں وِچ رہن والیاں دی خدمت وِچ وی لاؤنیاں چاہیدیاں نیں۔ خُدا مغروراں دا مقابلہ کردا اے پر عاجزاں تے فضل کردا اے۔ سانُوں اوہناں دی خدمت کرنی چاہیدی اے جیہڑے بے وس نیں۔ بے وس لوک عام طور تے سب توں ودھ عاجز ہوندے نیں۔ اینج دے لوکاں وِچوں، سانُوں خاص طور تے وفادار لوکاں نُوں لبھ کے اوہناں تے ویلا لاؤنا چاہیدا اے۔

یاد رکھو پئی وفاداری ایس گل نال ظاہر ہوندی اے پئی جو خُدا ظاہر کردا اے اوہدے تے عمل کیتا جاوے تے اوہ دُوجیاں نال ونڈیا جاوے۔ ایہہ لوک یسوع دی تمثیل دی چنگی زمین وانگ نیں۔ ایہہ اوہ نیں جیہڑے 30، 60 یاں 100 گُنا پھل دیندے نیں۔ ایہہ اوہ سخت دِل والے نہیں جیہڑے پیغام نُوں رد کر دیندے نیں۔ ایہہ اوہ نہیں جیہڑے ستاؤ آؤن تے پِچھے ہٹ جاندے نیں۔ ایہہ اوہ نہیں جیہڑے دُنیا دیاں فکراں یاں دولت پاروں بھٹک جاندے نیں۔ ایہہ گراسینیاں دے علاقے دے اوس بدرُوح والے بندے وانگ نیں جیہنے یسوع دی خدمت دا جواب اوہدی فرمانبرداری کر کے تے دُوجیاں نُوں ایہہ دس کے دِتا پئی خُدا نے اوہدے لئی کیہ کیتا سی۔ ایہدے نتیجے وِچ، جدوں یسوع بعد وِچ اوس علاقے وِچ واپس آیا، تے لوکاں دی بھیڑ اوہنُوں لبھ رہی سی۔

اپنے آپ توں پچھو

  • تُسی کِنہوں کہانی سُناؤن زیادہ سوکھا سمجھدے اور -- اپنے واقف کاراں نُوں یاں جِنہاں نال اجے ملاقات ای نئین؟
  • تُہانُوں ایہہ کیوں لگدا اے؟
  • تُسی اوہناں لوکاں نُوں کہانی سُنان چے کیویں بہتر ہوسکدے او جِنہاں نُوں سُناؤنا اوکھا لگدا اے؟

اج ہی زُومی ٹریننگ شروع کرو

ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔

مُفت رجسٹر کرو