concept

ورتن آلا بمقابلہ پیدا کرن آلا طرزِ زِندگی

ایہہ صفحہ شیئر کرو

جے اسی ایسے شاگرد بناؤنے نیں جیہڑے وادھا کرن، تے سانُوں اوہناں نُوں تیار کرنا پئے گا پئی اوہ صرف ورتن والے نہیں بلکہ پیدا کرن والے بنن۔ ساڈی ٹُٹی ہوئی دُنیا وِچ، لوکاں نے خُدا دے منصوبے نُوں رد کر دِتا اے، تے بہت سارے اپنی طاقت خُدا دی مکمل مساوات دے صرف اِک حصے تے لا دیندے نیں۔ اوہ سِکھدے نیں پر ونڈدے نہیں۔ اوہ بھر تے جاندے نیں پر کدی اگے ڈولدے نہیں۔ اوہ ورتدے نیں پر پیدا نہیں کردے۔

خُدا چار وڈے طریقیاں نال سانُوں رُوحانی طور تے ودھاؤندا اے۔ ایس ٹُول کِٹ دے ٹُول ایہناں چار طریقیاں دے حساب نال پیش کیتے جان گے:

1. پاک کلام

ہر شاگرد نُوں پاک کلام سِکھن، سمجھن تے اپنی زندگی تے لاگو کرن لئی تیار ہونا چاہیدا اے۔ ہزاراں سالاں وِچ تے بہت سارے وکھرے لکھاریاں راہیں، خُدا نے اپنا کلام وفادار بندیاں دے دِلاں وِچ پایا جِنہاں نے جو سُنیا اوہ سانبھیا تے اگے ونڈیا۔ پاک کلام سانُوں خُدا دی کہانی، اوہدے منصوبے، اوہدا دِل تے اوہدیاں راہواں سکھاؤندا اے۔ جے کوئی شاگرد پڑھ نہیں سکدا، تے اوہنُوں زبانی طریقے نال ایہہ کرن لئی تیار کرنا چاہیدا اے، شاید بائبل دا آڈیو ورژن سُنن توں شروع کر کے۔ ایس حصے وِچ دسے گئے تِن ٹُول اِک دُوجے دا ساتھ دیندے نیں تے شاگرداں نُوں اوہ ساریاں مہارتاں دین وِچ مدد کردے نیں جیہڑیاں بائبل نُوں سمجھن تے لاگو کرن لئی لوڑیندیاں نیں۔ جے تُسی ہُن تک نہیں ویکھے، تے اوہناں نُوں ضرور ویکھو!

2. دُعا

دُعا خُدا نال ساڈے تعلق لئی بہت ضروری اے۔ دُعا راہیں ای اسی اوہدی سُننے وی آں تے اوہدے نال گل وی کردے آں۔ دُعا سانُوں اوہنُوں ہور نیڑیوں جانن تے اوہدے دِل، اوہدی مرضی تے اوہدیاں راہواں نُوں سمجھن دے قابل بناؤندی اے۔ دُعا سانُوں دُوجیاں دی خدمت کرن، اوہناں نُوں سکھان تے اوہناں نُوں گواہی دین وِچ مدد کردی اے۔ اگلے دو ٹُول شاگرداں دی اوہناں دی ذاتی دُعائیہ زندگی وِچ تے دُوجیاں دی خدمت کرن تے اوہناں نال رل کے خدمت کرن وِچ ودھن لئی مدد کر سکدے نیں۔ ایہہ سانُوں دُعا والے رویے وِچ رہن دی عادت پاؤن وِچ تے دُنیا نُوں صرف ظاہری جسمانی حالات دی تھاں ہمیشہ رُوحانی نظر نال ویکھن وِچ مدد کر سکدے نیں۔ ایہہ ساڈی دُعا دی صلاحیت نُوں وی ودھا سکدے نیں۔

3. بدن دی زندگی

خُدا نے اپنا بدن اینج بنایا اے پئی سانُوں اِک دُوجے دی لوڑ اے۔ ساڈے وِچوں ہر اِک دیاں کجھ خاص خوبیاں تے کجھ خاص کمزوریاں نیں۔ سانُوں اِک دُوجے دے تابع رہنا تے اِک دُوجے دی خدمت کرنی چاہیدی اے۔ شاگرد دی زندگی وِچ صرف خُدا نال اوہدا تعلق ای نہیں بلکہ دُوجیاں نال اوہدے تعلق وی شامل نیں۔ شاگردی صرف اِنفرادی نہیں بلکہ اجتماعی وی اے۔ تھلے دسے گئے ٹُول سانُوں پیار بھری دوہری جوابدہی دے ماحول وِچ اِک دُوجے نُوں پیار تے چنگے کماں لئی اُبھارن وِچ مدد کردے نیں - جو خُدا سانُوں دسدا اے اوہدے تے عمل کرنا تے اوہ دُوجیاں نال ونڈنا۔

4. ظُلم تے مصیبت

خُدا ظُلم تے مصیبت نُوں بہت سارے طریقیاں نال ساڈے بھلے لئی ورتدا اے۔ اوہ ایہنُوں ساڈے کردار نُوں نکھارن تے ساڈے وِچ خُدا ترس خوبیاں پیدا کرن لئی ورتدا اے۔ اوہ ایہنُوں ساڈے ایمان نُوں مضبوط تے پاک کرن لئی ورتدا اے۔ اوہ ایہنُوں سانُوں دُکھ جھلن والے دُوجے لوکاں دی خدمت لئی تیار کرن لئی ورتدا اے۔ اوہ ایہنُوں اپنے جلال لئی وی ورتدا اے جدوں اسی اوہدی خاطر قربانی دین تے خطرہ مول لین لئی تیار ہوندے آں۔ خُدا وعدہ کردا اے پئی جے اسی ایس دُنیا وِچ پوری طراں اوہدے لئی جیون دی کوشش کراں گے، تے سانُوں ستایا جاوے گا۔ جے شاگرداں نُوں سکھایا جاوے پئی بادشاہی دی خاطر ظُلم تے مصیبت دی توقع رکھن، تے جدوں اوہناں نُوں ایہدا ساہمنا ہووے گا تے اوہناں دے اُلجھن، کوڑے ہون، غُصے ہون، رنجش رکھن، ہمت ہارن یاں اُداس ہون دا امکان بہت گھٹ ہووے گا۔ سانُوں شاگرداں نُوں اوہناں دی نویں زندگی دے شروع توں ای تیار کرنا چاہیدا اے پئی اوہ دُکھ دی توقع رکھن تے اوہدا چنگا جواب دین، تے خُدا نُوں اِک وفادار خالق من کے اوہدے تے بھروسہ رکھن تے جو ٹھیک اے اوہ کردے رہن۔ بادشاہی لئی دُکھ جھلنا سانُوں مسیح نال ہمیشہ دی بادشاہی لئی تیار کر رہیا تے نکھار رہیا اے۔

اپنے آپ توں پچھو

  • اُتے دِتے گئے چار شعبیاں (دُعا، خُدا دا کلام وغیرہ) چوں تُسی پہلوں توں کیہڑے شعبے دی مشق کر رہے او؟
  • تہانُوں کہیڑیاں شعبیاں دا پک نئیں؟
  • جدوں دُوجیاں نُوں تربیت دین دی گل آؤندی اے تے تُسی کِنے کُوں تیار او؟

اج ہی زُومی ٹریننگ شروع کرو

ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔

مُفت رجسٹر کرو