سکھلائی دی چیک لِسٹ
سکھلائی دی چیک لِسٹ اِک سادہ ٹُول اے جیہنُوں تُسی اوس ویلے اپنی راہنمائی لئی ورت سکدے او جدوں تُسی دُوجیاں دی پوری طراں تیار شاگرد بنن دے وکھرے حصیاں وِچ مدد کردے او۔ تھلے زُومی ٹریننگ وِچ سکھائے گئے اصولاں، جیویں تربیتی چکر یاں 100 لوکاں دی لِسٹ نال رشتہ دار مُختاری، لئی سکھلائی دی چیک لِسٹ دی اِک مثال اے۔ سکھلائی دی چیک لِسٹ ہون نال تہانُوں یسوع دے پیروکاراں نُوں خُدا دے ٹبر وِچ آگو بناؤن ویلے دھیان تے لگن قائم رکھن وِچ مدد مِلے گی۔ تُسی جِتھے وی جاؤ ایہہ ٹُول ورت سکدے او۔ ایہہ لِسٹ ایہناں سوالاں دا جواب دین وِچ تہاڈی مدد کردی اے: تُسی دُوجیاں وِچ کیہڑیاں مہارتاں ودھدیاں ویکھ رہے او؟ کیہڑے حصیاں نُوں اجے ہور ودھاؤن دی لوڑ اے؟
سکھلائی دی چیک لِسٹ اِک طاقتور ٹُول اے جیہنُوں تُسی وادھا کرن والے شاگرد بناؤن دے معاملے وِچ اپنیاں خوبیاں تے کمزوریاں نُوں چھیتی جانچن لئی ورت سکدے او۔ ایہہ اِک طاقتور ٹُول وی اے جیہنُوں تُسی دُوجیاں دی مدد لئی ورت سکدے او - تے دُوجے تہاڈی مدد لئی ورت سکدے نیں۔ تھلے دِتے لنک توں سکھلائی دی چیک لِسٹ ڈاؤن لوڈ کرو تے ایہہ چھیتی (5 مِنٹ یاں گھٹ) والی اپنی جانچ کرو:
- چیک لِسٹ دے سب توں کھبے کالم وِچ شاگرد ٹریننگ ٹُول پڑھو۔
- ہر ٹریننگ ٹُول تے ایس طریقے نال نشان لاؤ:
- جے تُسی ٹُول توں ناواقف او یاں اوہنُوں نہیں سمجھدے – کالے کالم وِچ نشان لاؤ
- جے تُسی کجھ واقف او پر ٹُول بارے اجے پکے نہیں – لال کالم وِچ نشان لاؤ
- جے تُسی ٹُول نُوں سمجھدے او تے اوہدیاں بنیادی گلاں دی ٹریننگ دے سکدے او – پیلے کالم وِچ نشان لاؤ
- جے تُسی پُر اعتماد او تے ٹُول دی چنگی طراں ٹریننگ دے سکدے او – ہرے کالم وِچ نشان لاؤ
اپنے آپ توں پچھو
- تہاڈے خیال چے کیہڑے ٹریننگ ٹُول نیں جِنہاں چے تُسی سمجھدے او کہ ودھیا تربیت دے سکدے او؟
- کیہڑیاں نے تہانُوں ٹریننگ دین والے دے طور تے کمزور محسوس کرایا؟
- کیہ کوئی اجہے ٹریننگ ٹُول ایسے ہیں نیں جِنہا نُوں تُسی چیک لِسٹ چے ودھا یاں گھٹا سکدے او؟ کیوں؟
اج ہی زُومی ٹریننگ شروع کرو
ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔
مُفت رجسٹر کرو