tool

بپتسمہ دین دا طریقہ

ایہہ صفحہ شیئر کرو

بپتسمہ ساڈی نویں زندگی دی تصویر اے، یسوع دی صورت وِچ بھجی ہوئی، خُدا دی فرمانبرداری وِچ بدلی ہوئی۔ ایہہ گُناہ لئی ساڈی موت دی تصویر اے، جیویں یسوع ساڈے گُناہواں لئی مویا۔ ایہہ ساڈی پرانی زندگی دے دفن ہون دی تصویر اے، جیویں یسوع دفن ہویا۔ ایہہ مسیح وِچ نویں زندگی لئی نویں جنم دی تصویر اے، جیویں یسوع جی اُٹھیا تے اج وی جیوندا اے۔ یسوع نے آکھیا -- "جاؤ تے ساریاں قوماں نُوں شاگرد بناؤ، تے اوہناں نُوں باپ تے بیٹے تے پاک رُوح دے ناں تے بپتسمہ دیو..." بپتسمہ - یاں اصل یونانی زبان وِچ Baptizo - دا مطلب اے پوری طراں بھگونا یاں ڈوبنا - جیویں جدوں تُسی کِسے کپڑے نُوں رنگدے او تے اوہ رنگ وِچ بھج جاندا اے تے بدل کے نکلدا اے۔

کِسے نُوں بپتسمہ کیویں دینا اے

جے تُسی کدی کِسے نُوں بپتسمہ نہیں دِتا، تے ہو سکدا اے ایہہ ڈراؤنا لگے، پر اینج نہیں ہونا چاہیدا۔ ایتھے کجھ سادہ قدم نیں:

  • کھلوتا ہویا پانی لبھو، جیہڑا اینا ڈونگھا ہووے پئی نواں شاگرد پوری طراں اوہدے وِچ ڈُب سکے۔ ایہہ کوئی چھپڑ، دریا، جھیل یاں سمندر ہو سکدا اے۔ ایہہ باتھ ٹب یاں پانی اکٹھا کرن دا کوئی ہور طریقہ وی ہو سکدا اے۔
  • شاگرد نُوں اپنے اِک ہتھ نال تہاڈا اِک ہتھ پھڑن دیو تے دُوجے ہتھ نال اوہدی پٹھ نُوں سہارا دیو۔
  • ایہہ یقینی بناؤن لئی پئی اوہ اپنے فیصلے نُوں سمجھدے نیں، اینج دے دو سوال پُچھو: "کیہ تُسی یسوع مسیح نُوں اپنا خُداوند تے نجات دہندہ من لیا اے؟" "کیہ تُسی ساری عمر اوہنُوں اپنا بادشاہ من کے اوہدی گل منو گے تے اوہدی خدمت کرو گے؟"
  • جے اوہ دوواں دا جواب "ہاں" دیندے نیں، تے فیر کجھ اینج آکھو: "کیونجے تُسی خُداوند یسوع تے اپنے ایمان دا اقرار کیتا اے، میں ہُن تہانُوں باپ تے بیٹے تے پاک رُوح دے ناں تے بپتسمہ دیندا آں۔"
  • اوہناں دی مدد کرو پئی اوہ پانی وِچ تھلے جان، پوری ڈُبکی لاؤن تے فیر اوہناں نُوں واپس اُتے چُکو۔

مُبارکاں! تُسی یسوع دے اِک نویں پیروکار نُوں بپتسمہ دِتا اے - آسمان دے اِک نویں شہری نُوں - جیوندے خُدا دے اِک نویں بچے نُوں۔ ہُن خُوشی منان دا ویلا اے!

اپنے آپ توں پچھو

  • کیہ تُسی بپتسمہ لیا اے؟ جے نہیں، تے کیہڑا ایماندار اے جیہدے نال تُسی گل کر سکدے او تے فرمانبرداری دا ایہہ اگلا قدم چُک سکدے او؟
    • کیہ تُسی کدی کِسے نُوں بپتسمہ دِتا اے؟
    • کیہ تُسی ایہدے تے وی غور کرو گے؟
    • جے ارشادِ اعظم خُدا وند یسوع دے ہر اِک پیروکار لئی اے تے فیر ایہدا مطلب ہویا پئی ہر پیروکار نُوں اجازت اے کہ اوہ دُوجیاں نُوں بپتسمہ دے سکدا اے؟ کیوں تے کیوں نئیں؟

اج ہی زُومی ٹریننگ شروع کرو

ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔

مُفت رجسٹر کرو