ہمیشہ دو کلیسیاواں دا حصہ
یسوع نے اپنے پیروکاراں نُوں ہدایت دِتی پئی اوہ لگاتار نویں رُوحانی خاندان شروع کردے رہن، اوہناں نُوں یسوع ورگا بنن وِچ ودھاؤندے رہن، تے اوہناں دی وی نویں رُوحانی خاندان شروع کرنا سِکھن وِچ مدد کرن۔ تے فیر ایہہ دوویں گلاں کیویں اکٹھیاں ہوندیاں نیں - اسی کیویں اِکو ویلے کِسے کلیسیا دا حصہ وی ہو سکدے آں تے نویں کلیسیاواں شروع کرن دے عمل وِچ وی؟
خُدا دے کلام وِچ، اسی سِکھدے آں پئی اوہدا کامل منصوبہ ایہہ اے پئی اسی اِک رُوحانی خاندان وانگ رہیے۔ بائبل ایس خاندان بارے کلیسیا دیاں تِن صورتاں وِچ گل کردی اے:
- عالمگیر کلیسیا -- اوہناں سارے ایمانداراں دا اکٹھ جیہڑے سن، نیں تے ہون گے۔
- علاقائی یاں شہر دی کلیسیا -- کِسے شہر یاں ملک دے کِسے حصے دے سارے ایمانداراں دا اکٹھ۔
- سادہ کلیسیا -- اوہناں ایمانداراں دا اکٹھ جیہڑے کِسے عمارت یاں گھر ورگی تھاں تے اِک نِکے گروپ وِچ مِلدے نیں۔
چار خانداناں دی اِک سادہ کلیسیا دا تصور کرو۔ ایہہ بنیادی کلیسیا اوہ اے جیہدے نال ایہہ خاندان زندگی گزاردے نیں - اوہ بھرا تے بھیناں جیہڑے پیار تے چنگے کماں وِچ اوہناں دی حوصلہ افزائی کردے نیں۔ ہُن تصور کرو پئی چاروں جوڑے اِک نواں رُوحانی خاندان شروع کرن لئی کم کردے نیں۔ اوہ اوس طراں شامل نہیں ہوندے جیویں اپنے نِکے گروپ والے خاندان وِچ ہوندے نیں، پر جدوں اِک نواں رُوحانی خاندان شروع ہوندا تے ودھدا اے تے اوہ نمونہ دین تے معاونت کرن وِچ مدد کر رہے ہوندے نیں۔ اِک سادہ کلیسیا وِچوں بالکل اِکو ویلے چار نویں کلیسیاواں شروع ہوندیاں نیں۔
ایہہ اِک مثال اے پئی خُدا اپنے ٹبر نُوں کِنی تیزی نال ودھا سکدا اے۔ اینج کلیسیا اپنی رفتار ودھا سکدی اے۔
تے فیر ایہناں ساریاں کلیسیاواں دا کیہ ہوندا اے جدوں اوہ ودھدیاں نیں تے نویں کلیسیاواں شروع کردیاں نیں جیہڑیاں ہور نویں کلیسیاواں شروع کردیاں نیں تے اوہ اگے ہور نویں کلیسیاواں شروع کردیاں نیں؟ اوہ آپس وِچ جُڑیاں کیویں رہندیاں نیں؟ اوہ اِک وڈے رُوحانی خاندان وانگ کیویں رہندیاں نیں؟ جواب ایہہ اے پئی ایہہ ساریاں سادہ کلیسیاواں اِک ودھدے بدن دے خلیاں وانگ نیں تے اوہ آپس وِچ جُڑ کے اِک شہر یاں علاقے دی کلیسیا دا نیٹ ورک بناؤندیاں نیں۔ کلیسیاواں دا آپس وِچ رشتہ اے۔ اوہناں دا رُوحانی ڈی این اے اِکو اے۔ اوہ ساریاں اوسے پہلے ودھن والے خاندان وِچوں جُڑیاں ہوئیاں نیں۔ تے ہُن -- کجھ راہنمائی نال - اوہ اِک وڈے بدن وانگ اکٹھیاں ہو کے ہور وی ودھ کم کردیاں نیں۔
اپنے آپ توں پچھو
- اِک روحانی خاندا جیہڑا نویں خاندان پیدا کردا اے تے اوہ اگرہور خاندان پیدا کردے نیں اُنہوں قائم رکھن دے چند کیہڑ ےفائدے نیں، بجائے ایس دے کہ اِک خاندان ودھدا تے ترقی کردا تے تقسیم در تقسیم ہوندا جاوے؟
اج ہی زُومی ٹریننگ شروع کرو
ایہہ مکمل طور تے مفت اے، تے تُسی کِسے ویلے وی شروع کر سکدے او—جتھے وی او، اپنی رفتار نال چلو۔
مُفت رجسٹر کرو