တမန်တော် ၂:၄၁-၄၇

ထိုသို့သော်လည်း နှုတ်ကပတ်တော်ကို ဝမ်းမြောက်စွာခံယူသောသူတို့သည် ဗတ္တိဇံကိုခံကြ၏။ ထိုနေ့၌ လူသုံးထောင်ခန့် ပေါင်းထည့်ခြင်းကိုခံကြ၏။ တမန်တော်တို့၏ဩဝါဒ၌၎င်း၊ မိဿဟာယ၌၎င်း၊ မုန့်ကိုဖဲ့ခြင်း၌၎င်း၊ ဆုတောင်းခြင်း၌၎င်း မွေ့လျော်ကြ၏။ လူအပေါင်းတို့သည် ကြောက်ရွံ့ခြင်းရှိကြ၏။ တမန်တော်တို့သည် နိမိတ်လက္ခဏာအများတို့ကို ပြကြ၏။ ယုံကြည်သောသူအပေါင်းတို့သည် အတူနေ၍ ဥစ္စာရှိသမျှကို အတူပိုင်ကြ၏။ မိမိပိုင်သောအိမ်ခြံမြေတို့ကို ရောင်း၍ လူအသီးသီး၏အလိုရှိသည်အတိုင်း ဝေငှကြ၏။ နေ့တိုင်းဗိမာန်တော်၌ တညီတညွတ်တည်းနေ၍ အိမ်များ၌ မုန့်ကိုဖဲ့လျက်၊ ရွှင်လန်းသောစိတ်နှင့် ရိုးသားသောစိတ်ဖြင့် စားသောက်လျက်၊ ဘုရားသခင်ကို ချီးမွမ်းလျက်၊ လူအပေါင်းတို့၏ မျက်နှာရရှိကြ၏။ ကယ်တင်ခြင်းသို့ရောက်သောသူတို့ကို ထာဝရဘုရားသည် နေ့တိုင်းအသင်းတော်၌ ပေါင်းထည့်တော်မူ၏။

ဤကျမ်းပိုဒ်ကို ပိုနားလည်ရန် Zúme Training ကို လေ့လာပါ။